د اقامت د جواز کارت
Uppehållstillståndskort – pashto
که چیرې تاسو ته د دایمي اقامت جواز درکړل شوي وي،تاسو به د اقامت د جواز کارت ترلاسه کړئ، کوم چې ددي ښکارندوي کوي چې تاسو په سویډن کې د اوسید اجازه لرئ. دغه کارت یو کمپیوټري چیپ دی چې ستاسو د انځور او د ګوتو د نښانوو درلودنکې دی. تاسو باید دولتي ادارو او د روغتیايي خدماتو مراکزو ته د تګ په وخت کې همیشه د خپل اقامت د جواز کارت د ځان سره ولرئ.
ستاسو انځور او د ګوتو نښانونه اخیستل کیږي
هر هغه څوک چې د اقامت د کارت جواز ترلاسه کوي باید انځور یي واخیستل شي. د شپږو کالو څخه د کم عمر ماشومانو د ګوتو د نښانونو اخیستلو ته اړتیا نشته. همدارنګه، د هغه کسانو د ګوتو د نښانونو اخیستلو ته اړتیا نشته چې د فزیکي عواملو، لکه په دایمي ډول د ګوتې ټپی کیدلو، له کبله د دوی د ګوتو نښان نه شي اخیستل کیدای.
ستاسو انځور او د ګوتو نښانونه یواځې د کارت په چیپ کې ساتل کیږي، نه بل ځای. له همدي کبله هر ځلي چې تاسو د اقامت د جواز نوی کارت غواړئ، ستاسو انځور او د ګوتو نښانونه دوباره اخیستل کیږی. د جواز د غوښتنلیک د فیس څخه پرته د اقامت د جواز کارت د صادرولو لپاره هیڅ ډول لکښت نشته.
که چیرې تاسو د سویډن څخه بهر یاست
که چیرې تاسې د سویډن راتګ لپاره وېزې ته اړتیا لرئ نو ددې کار لپاره به تاسې د سویډن سفارت یا عمومي قونسلګرۍ سره اړیکه نیسئ، که چیرې د پاسپورټ د ښودلو په وخت کې تاسې خپل عکس یا د ګوتو چاپ نه وي ورکړی نو ژر تر ژره به خپل عکس او د ګوتو چاپ هغو ته ورکړئ. که چیرې تاسې مخکې هم د اقامې کارډ درلود، بیا هم تاسې باید چې عکس او د ګوتو چاپ ورکړئ، ځکه چې ستاسې عکس او د ګوتو چاړ نه ذخیره کیږي.
په هر سفارت کې د عکس او ګوتو د چاپ اخیستلو خدمات موجود نه وي. نو ځکه مخکې له دې چې سفارت یا عمومي قونسلګرۍ سره اړیکه ونیسئ، دا انټرنټي پاڼه ولولئ.
که چیري تاسو سویډن ته د سفر لپاره ویزي ته اړتیا نه لری، ستاسو انځور او د ګوتو نښانونه به په سویډن کې واخیستل شی. تاسو باید د اقامت د جواز او سویډن ته له را رسیدو وروسته ژر تر ژره د مهاجرت د اداري څخه لیدنه وکړئ.
که چیرې تاسو په سویډن کې یاست
که چیرې تاسې غواړې چې په سویډن کې خپل د اقامې جواز تمدید کړئ یا د اقامې نوی کارډ غواړئ نو ددې لپاره به د مهاجرینو ادارې سره اړیکه نیسئ، که چیرې د پاسپورټ د غوښتنې پر مهال له تاسې دا تقاضا نه وي شوي چې عکس یا د ګوتو چاپ پرېږدئ نو تاسې باید د مهاجرینو ادارې ته لاړ شئ تر څو مو انځور او د ګوتو چاپ واخیستل شي.
کله چې د مهاجرینو ادارې ته ځئ نو د خپل پاسپورټ وړل له ځان سره مه هیروئ. کله مو چې د اقامې کارډ جور شو نو ستاسې د سویډن آدرس ته به واستول شي. نو ځکه کله چې د عکس او د ګوتو د چاپ د ورکولو لپاره د مهاجرینو ادارې ته راشئ نو هلته مو خپل د سویډن آدرس هم ورکړئ.
د مهاجرت د ادارې څخه د انځور او د ګوتو د نښانونو د اخیستلو لپاره وخت واخلئ (په انګلیسي ژبه)
مونږ چیرته موندلی شي (په انګلیسي ژبه)
که چیرې تاسو خپل ادرس بدل کړی
که چیرې تاسو غواړی چې ستا د اقامت د جواز کارت ستاسو کور ته واستول شي، مونږ ستاسو ادرس ته اړتیا لرو. که چیرې تاسو تللی یاست، تاسو د مهاجرت د ادارې څخه د لیدنې پر مهال خپل نوی ادرس ویلی شي. په یاد ولري، که چیرې د بل چا سره اوسیږئ، او هغه د c/o ادرس ولري مونږ ته وویاست.
کله چې د اقامت د جواز کارت تیار وی
که چیرې ستاسو انځور او د ګوتې نښې په سفارت یا کونسلګرۍ کې اخیستل شوي وي، تاسو به خپل کارت د نوموړي ځای څخه ترلاسه کړی. د سفارت یا کونسلګرۍ څخه پوښتنه وکړی چې ایا د کارت د ترلاسه کولو لپاره تاسو باید سفارت یا کونسلګرۍ ته راشی او که دوی به یي تاسو ته استوي. کله چې تاسو د جواز د ترلاسه کولو امر ترلاسه کړ، د جواز د کارت جوړول او سفارت او کونسلګرۍ ته استول يي کیدای شي څلور اونی وخت ونیسي.
که چیرې ستاسو انځور او د ګوتو نښانونه د مهاجرت په دفتر کې اخیستل شوي وي، ستاسو کارت به ستاسو کور ته د یوې یا دوو اونیو دننه، درواستول شي.
د اقامی کارډ د پرېکړې سره سم جوړیږي، خو د اقامې د اعتبار وړ تاریخ څخه 6 هفتې وړاندې د اعتبار وړ وي.
دا ممکنه نه ده، چې د کارت د جویږدلو او رسولو پروسه او رسول ګړندي شي.
په کارت کې موجوده معلومات
د نورو شیانو تر څنګ، د اقامت جواز ستاسو د جواز د ډول، د اعتبار مودې په اړه د معلوماتو درلودونکی دی. ستاسو شخصې معلومات هم په کارت دي. د ځینو کارتونو پر شا باندی (د کارکولو اجازه ورکړل شوي) متن شتون لري. دا په هغه صورت کې وي، چې ستاسو ترلاسه شوی امر په مستقیم ډول، ستاسو د کار کولو حق نه څرګندوي، او همدارنګه تاسو ته د دایمي اقامت د جواز درکولو په صورت کې هم وي. که چیرې تاسو ته په سویډن کې د کار د پیل لپاره د کار جواز درکړل شوی وی، امر یا مکتوب به تاسو ته د کار د جواز د لرلو په اړه ووايي، او د همدي لپاره اړینه نه ده چې ستاسو د کارت پر شا ( د کار اجازه ورکړل شوي) متن موجود وي. د ماشومانو لپاره (په کوم ځای کې د پلی کیدو وړ وي) د کله نه چې دوي 16 کلن شوي، دغه متن شامل شوی.
پر خپل کارت باندي معلومات وګورئ
همیشه د خپل اقامت پر جواز باندی نوم په خپل پاسپورټ کې د لیکل شوي نوم سره پر تله کړي چې ورته دي او کنه. که چیرې په کارت باندی غلط نوم لیکل شوي وي، تاسو باید د مهاجرت د ادارې یا د سفارت څخه لیدنه وکړئ ترڅو نوي کارت ترلاسه کړئ. خپل پاسپورټ د ځانه سره واخلئ.
که چیرې تاسو خپل نوم بدلوئ، لومړی باید دماليي د ادارې سره په اړیکه کې شئ، چې د وګړو د ثبت مسؤلیت پر غاړه لري، ترڅو ستاسو نوی نوم ثبت کړي. بیا تاسو باید د مهاجرت له ادارې څخه لیدنه وکړئ، ترڅو د اقامت د جواز نوی کارت ترلاسه کړئ.
کله چه تاسی سفر کوۍ
کله چه تاسی سفر کوۍ باید تاسی د استوګنی د اجازی کارت(uppehållstillståndskortet) د خپل پاسپورت سره یو ځای ښکاره کړۍ. د استوګنی د اجازی د کارت او د پاسپورت سره تاسی کولای شۍ د ۱۸۰ روځنی دوری په بهیر کی د شینګین منطقی ته وارد او د ۹۰ روځو په بهیر کی هلته په آزاده توګه سفر وکړۍ. که چیری تاسی د شینګین د منطقی نه بهر کوم هیواد ته سفر کوۍ، نو امکان لری چه تاسی ویزی ته اړتیا ولرۍ.
د استوګنی د اجازی د کارت نه نشی کیدای چه د هویت د سند یا د سفر د جواز په حیث استفاده وشی.
کارډ د اعتبار موده
د اقامې هغه کارډ چې د دایمې اقامې لپاره وي، تر دریو کالو مودې لپاره د اعتبار وړ وي. خو که چیرې تاسې سره د اروپائي هیوادونو د کوم هیواد دایمي اقامه وي نو په داسې حال کې به ددې نوموړي کارډ د اعتبار موده هم پنځه کاله وي. د اقامت د کارډ پنځه کلنه موده د هغه چا لپاره هم ده چې له 2022 کال جنورۍ له لومړۍ نېټې څخه یې مخکې خپل د اقامت کارډ ترلاسه کړی وي.
هر ځل چې تاسې د اقامې کارډ نوی کوئ یا یې موده اوږدوئ نو تاسې ته به یو نوی کارډ درکول کیږي. کله هم چې تاسې ته د اقامې نوی کارډ درکول کیږي نو له تاسې په انځور او ستاسې د ګوتو چاپونه اخیستل کیږي. کله هم چې غواړئ د اقامې کارډ نوی کړئ نو د مهاجرینو ادارې ته د راتګ پر مهال له ځانه سره خپل زوړ کارډ حتماً راوړئ.
که چیرې کارت ورک کړی
که چیرې تاسو د خپل اقامت د جواز کارت ورک کړی، یا هم در څخه غلا شي، تاسو لومړی باید پولیسو ته راپور ورکړئ. بیا باید د مهاجرت له ادارې څخه لیدنه وکړئ ترڅو ستاسو انځور او د ګوتو نښانونه د نوي کارت لپاره دوباره واخیستل شي. د راپور پر مهال یا وروسته د پوستې له طریقه، د پولیس د راپور کاپي د ځانه سره واخلئ.
که چیرې تاسو خپل کارت نه وي ترلاسه کړی
ایا تاسو له اوږدې مودې د خپل اقامت د جواز د کارت په انتظار کې یاست؟ دلیل کیدای شي دا وي، چې کارت بیرته د مهاجرت ادارې ته ورکړل شوي. دا په هغه صورت کې پیښیدای شي چې د مهاجرت له ادارې سره ستاسو ادرس غلط وي.
که چیرې په دي اړه پوښتنې لری د مهاجرت له ادارې سره په اړیکه کې شئ (په انګلیسي ژبه)