Saven heé Migrationsverketskre kerepan

Migrationsverkets uppdrag – resanderomani

Migrationsverket heé je beddo som dikka på putchepan fonn manuschena tjakke volltran ava for te jivvran drej Svetiko-temm, ava te hälsfara prej narta ta mala, te gara siro fonn pallarepa eller te le je Svetiko-temmeskro lill.

Naschepangre fonn vavare temmena len hastrepa for loddepaske ta kaben kanna de biddra for svar om de len te ascha drej temma eller tschi len. Kanna je naschepaskro ler ”ehé” te jivvra adre temma fonn beddosena prejstras vri harrika fonn mender to Kommuner ta Landsting. Dollen manuscha roddranes asyl som len naben te ascha drej temma bischas topal to lengre temmene fonn Migrationsverket.

Kanna je vavar temmeskro manusch ler te jivvra adre Svetiko-temm len Sveriges kommuner och landsting ta Arbetsförmedlingen ninna for buttipaske te hastra de manuschene mé integration adrej Svetiko-temm.

Last updated: 2017-12-13

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.