ካርድ መንበሪ ፍቓድ

Uppehållstillståndskort – tigrinska

መንበሪ ፍቓድ እንተተዋሂብኩም፡ ኣብ ሽወደን ክትነብሩ ከም ዝተፈቕደኩም ዘረጋግጽ መንበሪ ፍቓድ’ውን ክትቅበሉ ኢኹም። እቲ ካርድ ናይ ኣጻብዕቲኹም ኣሸራን ስእልኹምን ዝሓዘ ናይ ኮምፒዩተር ቺፕ ኣለዎ። ናብ መንግስታዊ ትካላት ወይ ኣገልግሎታት ክንክን ጥዕና ኣብ እትኸድሉ ካርድ መንበሪ ፍቓድኩም ኩሉ ግዜ ምሳኻትኩም ሒዝኩምዎ ክትከዱ ኣለኩም።

Fotografi och fingeravtryck.

ስእሊምስኣልንናይኣጻብዕትኹምኣሸራምውሳድን

ነፍሲ-ወከፍ ካርድ መንበሪ ፍቓድ ዝቕበል ሰብ ክስኣል ኣለዎ። ትሕቲ ሽዱሽተ ዓመት ዝዕድሜኦም ህጻናት ናይ ኣጻብዕቶም ኣሸራ ክውሰደሎም ኣየድልን እዩ። ብሰንኪ ኣካላዊ ምኽንያታት ናይ ኣጻብዕቲ ኣሸራ ክውሰደሎም ዘይክኣል ማለት፡ ንኣብነት ከም ቀዋሚ መጉዳእቲ ኣጻብዕቲ ዘለዎም፡ ናይ ኣጻብዕቲ ኣሸራ ምውሳድ ኣየድልዮምን እዩ።

ናይ ኣጻብዕትኹም ኣሸራን ስእልኹምን ኣብ’ታ ‘ቺፕ’ ካርድ ጥራይ’ዩ ዝዕቀብ፣ ኣብ ካልእ ኣይዕቀብን እዩ። ብሰንኪ’ዚ ምኽንያት፡ ሓድሽ ካርድ መንበሪ ፍቓድ ከተውጽኡ ኣብ እትደልዩሉ እዋን፡ ደጊምኩም ክትስኣሉን ናይ ኣጻዕብቲኹም ኣሸራ ክውሰደኩምን ኣለዎ። ካብቲ ንመመልከቲ ፍቓድ ዝኽፈል ገንዘብ ወጻኢ፡ ካርድታት መንበሪ ፍቓድ ኣብ ምውጻእ እትኸፍልዎ ገንዘብ የለን።

ካብሃገረ-ሽወደንወጻኢምስእትህልዉ

ናብ ሃገረ-ሽወደን ንኽትጒዓዙ ቪዛ ምስ ዘድልየኩም፡ ምእንቲ ንኽትስኣሉን ናይ ኣጻብዕቲኹም ኣሸራ ንኽውሰደኩምን፡ ናብ ኤምባሲ ሃገረ-ሽወደን ወይ ቤት-ጽሕፈት ጠቕላሊ ቆንስል ጉዳያት ክትበጽሑ ኣለኩም። ብዛዕባ ኣገልግሎት ዝህቡሎም ሰዓታት ንምፍላጥ ነቲ ኤምባሲ ወይ ቤት-ጽሕፈት ጠቕላሊ ቆንስል ተወከስዎ።

ዜጋታተን ናብ ሃገረ-ሽወደን ንኽጒዓዙ ቪዘ ዘድልዮም ሃገራት (ብእንግሊዝ)external link, opens in new window

ብመገዲ ነቝጣ መርበብ ሓበሬታ Swedenabroad.com፡ ኣብ ጥቓኹም ንዝርከብ ኤምባሲ ወይ ቤት-ጽሕፈት ጠቕላሊ ቆንስል ክትረኽብዎ ትኽእሉ (ብእንግሊዝ)external link, opens in new window

ናብ ሃገረ-ሽወደን ንምጒዓዝ ቪዛ ዘየድልየኩም ምስ ዝኸውን፡ ኣብ ሸወደን ምስ ኣተኹም ክትስኣሉን ናይ ኣጻብዕቲኹም ኣሸራን ክውሰደልኩምን እዩ። ኣብ ሽወደን ምስ በጻሕኩምን መንበሪ ፍቓድ ምስ ተቐበልኩምን፡ ተቐላጢፍኩም ናብ ትካል ቁጽጽር ጉዳይ ስደት ሃገረ-ሽወደን ክትበጽሑ ኣለኩም።

ኣብውሽጢሽወደንምስእትህልዉ

ኣብ ውሽጢ ሃገረ-ሽወደን እንከለኹም ናይ መንበሪ ፍቓድ ሕቶ ኣመልኪትኩም ምስ እትነብሩ፡ ንኽትስኣሉን ናይ ኣጻብዕቲኹም ኣሸራ ንኽውሰደልኩምን ናብ ትካል ቁጽጽር ጉዳይ ስደት ናይ ሃገረ-ሽወደን ክትበጽሑ ኣለኩም። እዚ፡ መንበሪ ፍቓድኩም ኣብ እተናውሕሉ ወይ ሓድሽ ካርድ መንበሪ ፍቓድ ኣብ እትደልዩሉን ግዜ እውን ከምኡ ይግበር እዩ።

ንኽትስኣሉን ናይ ኣጻብዕቲኹም ኣሸራ ንክውሰደልኩምን፡ ምስ ትካል ቁጽጽር ጉዳይ ስደት ናይ ሃገረ-ሽወደን ቆጸራ ሓዙ (ብእንግሊዝ)

ኣበይ ከም እትረኽቡና (ብእንግሊዝ)

ኣድራሻኹምምስእትቕይሩ

ካርድ መንበሪ ፍቓድኩም ናብ ገዛኹም ክስደደልኩም እንተደሊኹም፡ ኣድራሻኹም የድልየና። መንበሪ ቦታ ምስ እትቕይሩ፡ ናብ ትካል ቁጽጽር ጉዳይ ስደት ናይ ሃገረ-ሽወደን ምስ በጻሕኩም ሓድሽ ኣድራሻኹም ክትሕብሩ ትኽእሉ። ምስ ካልእ ሰብ ትቕመጡ እንተደኣ ኰይንኩምን ኣድራሻ ተቐባሊ (c/o address) ዝብል ምስ ዝህልወኩምን፡ ከይረሳዕኩም ኣዘኻክሩና።

Uppehållstillståndskort.

ካርድመንበሪፍቓድንኺወሃብድሉውኣብዝዀነሉ

ኣብ ኤምባሲ ወይ ሓፈሻዊ ቆንስላዊ ጉዳያት እንተደኣ ተሳኢልኩምን ናይ ኣጻብዕቲኹም ኣሸራ ተወሲዱልኩምን፡ ካርድኹም ካብኦም ክትወስድዎ ኢኹም። ካርድኹም ክሰዱልኩም ድዮም ወይስ ባዕልኹም ከይድኩም ከተምጽእዎ፡ ነቲ ኤምባሲ ወይ ንሓፈሻዊ ቆንስላዊ ጉዳያት ተወከሱ። መንበሪ ፍቓድ ክወሃበኩም ምዃኑ ሓንሳብ ውሳኔ ምስ ተቐበልኩም፡ እቲ ካርድ ንኽስራሕ ወይ ንክዳሎን ናብ ኤምባሲ ወይ ሓፈሻዊ ቆንስላዊ ጉዳያት ንኽልኣኽን ክሳብ ከባቢ ኣርባዕተ ሰሙን ክወስድ ይኽእል እዩ።

ኣብ ትካል ቁጽጽር ጉዳይ ስደት ናይ ሃገረ-ሽወደን እንተደኣ ተሳኢልኩምን ናይ ኣጻብዕቲኹም ኣሸራ ተወሲዱልኩምን፡ ካርድኹም ኣብ ውሽጢ ሓደ ሰሙን ናብ መንበሪ ገዛኹም ክልኣኸልኩም እዩ።

ካርድ መንበሪ ፍቓድኩም፡ ውሳኔ ምስ ተዋህበኩም እዩ ዝምስራሕ ወይ ዝዳሎ። እንተዀነ፡ ሰለስተ ወርሒ ቅድሚ መንበሪ ፍቓድ ኣገልግሎት ዝህበሉ ደረት ግዜ ምጅማሩ፡ ኣይዳሎን እዩ።

ካርድኹም ንኽስርሓልኩምን ንኽውሃበኩምን ከተቀላጥፍዎ ኣይክኣልን እዩ።

ኣብካርድዝዕቀብውህሉልሓበሬታ

ካርድ መንበሪ ፍቓድ፡ እንታይ ዓይነት ፍቓድ ከምዘለኩምን ደረት ኣገልግሎት ካርድኹም ክሳብ ክንደይ ግዜ ከምዝበጸሕን ዝብሉን ካልኦትን ዝገልጽ ሓበሬታ ሒዙ ኣሎ። ውልቃዊ ውህሉል ሓበሬታኹም እውን ኣብቲ ካርድ ተዓቂቡ ኣሎ። ኣብ ዳሕራዋይ ገጽ ናይ ገለ ካርድታት፡ “ክሰርሕ ተፈቒዱላ/ሉ ኣሎ” (“Fårarbeta”) ዝብል ጽሑፍ ኣለዎ። እዚ፡ እቲ ዝተዋህበኩም ውሳኔ ብቐጥታ ክትሰርሑ መሰል ከምዘለኩም ምስ ዘየመልክት’ዩ። ንኣብነት፡ ቀዋሚ መንበሪ ፍቓድ ምስ ዝውሃበኩም። ኣብ ሽወደን ክትሰርሑ ፍቓድ ተዋሂቡኩም እንተነይሩ ግን፡ እቲ ውሳኔ ናይ ምስራሕ ፍቓድ ከምዘለኩም’ዩ ዝሕብር። ስለዚ ከኣ፡ ኣብ ዳሕራዋይ ገጽ ናይ ካርድኹም፡ “ክሰርሕ ተፈቒዱዎ’ዩ’’ ዝብል ጽሑፍ ክህልዎ ኣየድልን’ዩ። ህጻናት ግን፡ ካብታ ዕድሜኦም ደቂ 16 ዓመት ዝዀኑላ ጀሚሩ፡ እቲ ጽሑፍ ኣብ መንበሪ ካርድ እቱው እዩ።

ነቲኣብካርድኹምዝርከብሓበሬታፈትሽዎ

ኩሉ ግዜ፡ ኣብ ካርድ መንበሪ ፍቓድኩም ዘሎ ኣስማትኩም ምስ’ቲ ኣብ ፓስፖርትኹም ዘሎ ስምኩም ሓደ ምህላዉ ኣረጋግጹ። ኣብ ካርድኹም ዘሎ ስምኩም እንተደኣ ጌጋ ሃልዩ፡ ቅኑዕ ስምኩም ዘለዎ ሓድሽ ካርድ ምእንቲ ክውሃበኩም፡ ናብ ትካል ቁጽጽር ጉዳይ ስደት ናይ ሃገረ-ሽወደን ወይ ናብ ኤምባሲ ወይ ናብ ሓፈሻዊ ቆንስላዊ ጉዳያት ኪዱ። ፖስፖርትኹም እውን ምሳኻትኩም ተማልእዎ።

ስምኩም እንተደኣ ተቐይሩ፡ ነቲ ሓድሽ ስምኩም ምእንቲ ክምዝግቦ፡ ፈለማ ነቲ ሓላፍነት ህዝባዊ መዝገብ ተሰኪሙ ዘሎ ትካል ግብርን ቀረጸን ሃገረ-ሽወደን ኢኹም ትውከስዎ። ብድሕሪ’ዚ ሓድሽ ካርድ መንበሪ ፍቓድ ንኽውሃበኩም ናብ ትካል ቁጽጽር ጉዳይ ስደት ናይ ሃገረ-ሽወደን ትኸዱ።

Väska.

ክትጒዓዙእንከለኹም

ክትጒዓዙ ከለኹም፡ ካርድኹም ምስ ፓስፖርትኹም ብሓባር ከተርእዩ ኣለኩም። ካርድኹም ንበይና ከም ናይ መንነት ሰነድ ወይ ናይ ጉዕዞ ሰነድ ከተገልግለኩም ኣይትኽእልን ኢያ።

ካርድኣገልግሎትዝህበሉደረትግዜ

ኣብ ነፍሲ-ወከፍ ሓድሽ ወይ ዝተናውሐ መንበሪ ፍቓድ ዝውሃበኩም ግዜ፡ ሓድሽ መንበሪ ፍቓድ ክትቅበሉ ኢኹም። እቲ ዝውሃበኩም ካርድ ማዕረ’ቲ መንበሪ ፍቓድ ደረት ኣገልግሎት ዘለዎ’ዩ። እንተዀነ፡ ካብ ሓሙሽተ ዓመት ንላዕሊ ኣይኰነን። ሓድሽ ካርድ መንበሪ ፍቓድ ኣብ እትደልዩሉ ግዜ፡ ስእሊ ክትስኣሉን ናይ ኣጻብዕትኹም ኣሸራ ክውሰደልኩምን ኣለዎ።

ካርድኹምምስዝጠፍእ

ካርድ መንበሪኹም ምስ ዝጠፍኣኩም ወይ ምስ ዝስረቐኩም፡ ቅድሚ ዝኣገረ ንፖሊስ ክትሕብሩ ኣለኩም። ብድሕሪ’ዚ፡ ሓድሽ ካርድ ምእንቲ ክውሃበኩም፡ ንኽትስኣሉን ናይ ኣጻብዕቲኹም ኣሸራ ንኽውሰደኩምን ናብ ትካል ቁጽጽር ጉዳይ ስደት ናይ ሃገረ-ሽወደን ክትከዱ ኣለኩም። ክትሕብሩ እንከለኹም ይኹን ብድሕሪኡ - ብመገዲ ፖስጣ፡ ቅዳሕ ናይቲ ካብ ፖሊስ ዝተዋህበኩም ደብዳቤ ክትማልኡ ኣለኩም።

ካርድኹምምስዘይትቕበሉ

ካርድ መንበሪ ፍቓድ ንኺወሃበኩም ንነዊሕ ግዜ ዶ ተጸቢኹም ኣለኹም? እቲ ምኽንያት፡ ካርድኹም ናብ ትካል ቁጽጽር ጉዳይ ስደት ናይ ሃገረ-ሽወደን ተመሊሱ ክኸውን ስለዝኽእል እዩ። እዚ ዝኸውን ከኣ፡ ትካል ቁጽጽር ጉዳይ ስደት ናይ ሃገረ-ሽወደን ጌጋ ኣድራሻ ናትኩም ሒዙ ምስ ዝጸንሕ’ዩ።

ብዛዕባ’ዚ ዝዀነ ይኹን ሕቶ ምስ ዝህልወኩም፡ ንትካል ቁጽጽር ጉዳይ ስደት ናይ ሃገረ-ሽወደን ተወከሱ (ብእንግሊዝ)

Last updated: 2017-09-28

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.