ኣብ ምጽባይ ከሎኻ

Medan du väntar – tigrinska

እዚ ሓበሬታዚ ነቶም ኣብ ሽወደን ዕቝባ ሓቲቶም ከለዉ ግን ጌና መልሲ ዘይመጾም ሰባት ይምልከት

ኣብዚ ብዛዕባ ናይ ዕቝባ ሕቶ ምስ ኣቕረብካ እንታይ ከም ዚካየድን ብዛዕባ ከም ስደተኛ ኣብ ስራሕን ትምህርትን መንበሪ ቤትን ክንክንን ጥዕናን ገንዘባዊ ሓገዝን ዚህልወካ መሰላትን ከተንብብ ትኽእል።

ነቲ ንዑቕባኻ ዚግበረልካ ምርመራ ምጽባይ

ናብቲ ብዛዕባ ዑቕባኻ ዚግበረልካ ምርመራ ክሳዕ ትመጽእ፤ ነዊሕ ጊዜ ክወስድ ይኽእል እዩ። ሽዑ ድማ ስለምንታይ ናብ ሽወደን ዑቕባ ክትሓትት ከም ዝመጻእካ፡ እንታይ ከም ዘጋጠመካ፡ ናብ ሃገርካ እንተ ተመለስካኸ እንታይ ከጋጥመኒ ይኽእል ኢልካ ከም ትኣምን፡ ኣስፊሕካ ክተዘንቱ ኢኻ። እቲ ናይ ምጽባይ ጊዜ፡ ካብ ሰብ ናብ ሰብ ክፈላለ ይኽእል እዩ።

ቅድሚ እቲ ውሳኔ ምቕባልካ፡ ናብ ብዙሕ ርክባት መጸዋዕታ ክልኣኸልካ እዩ። ስለዚ ድማ፡ ናብቲ ምግራሾንስቨርከት ዝገበረልካ ቆጸራታት፡ ናብኡ ከም ትርከብ ግበር ኢኻ። ሓድሽ ቆጸራ ክንገብር፡ ናይ ጊዜ ሕጽረት ስለ ዘሎና፤ ካልኣይ ጊዜ ቆጸራ ክንገብረልካ እንተ ደኣ ተገዲድና፡ ነቲ ናይ ዑቕባኻ ውሳኔ ዝወስዶ ጊዜ፡ ንቕድሚት ክመጦ ይኽእል እዩ።

ኣድራሻኻ ሓብረና

እንተደኣ ግዒዝካ፡ ኣብቲ ናይ ምርመራኻ ጊዜ ምስ በጽሐ ወይ ንኻልእ ቆጸራታት ክንረኽበካ መታን ክንክእል፤ እቲ ሓድሽ ኣድራሻኻ ንሚግራሾንስቨርከት ክትሕብረና ይግባእ። ካብ ሚግራሾንስቨርከት ዝመጸካ ሓበሬታ መታን ከየምልጠካ ድማ፤ ነቲ ኢ-መይልካ ብቐጻሊ ኣንብቦ።

ንኣኻ ከም ሓታቲ ዕቝባ ኪሕግዙኻ ዚኽእሉ ውድባት

ኣምነስቲ ኢንተርናሽናል Amnesty International

ካሪታስ ስቨርየ Caritas Sverige

ናይ ሰደተኛታትን ናይ ዕቝባ ኮሚተን ቤትምኽሪ Flyktinggruppernas och asylkommittéernas riksråd

ናይ ሓተትቲ ዕቝባን ስደተኛታትን ቤትጽሕፈት ወሃብ ምኽሪ Rådgivningsbyrån för asylsökande och flyktingar

ህጻናት ኣድሕን Rädda barnen

ቀዪሕ መስቀል Röda korset

ናይ ሽወደን ቀዪሕ መስቀል ንጉዱኣት ውግእን ንግፉዓትን ዚከናኸን ማእከል Svenska Röda Korsets behandlingscenter för krigsskadade och torterade

ማሕበራዊ ሚስዮን Sociala missionen

ሽወደናዊት ቤትክርስትያን Svenska kyrkan

ሓበሬታ ብዛዕባ ሕብረተሰብ ሃገረ-ሽወደን ብዝተፈላለዩ ቋንቋታት ኣብ መኽፈት ንሓደስቲመጻእተኛታት ክርከብ ይከኣል።