ጊዜያዊ የውጭ ዜጋ ፓስፖርት

Provisoriskt främlingspass – amhariska

መደበኛ የውጭ ፓስፖርት ሊሰጥህ ካልቻለ ወይም ረጅም ግዜ ለመጠበቅ የማትችል ከሆንክ: ጊዜያዊ የውጭ ዜጋ ፓስፖርት ሊሰጥህ ይችላል። ጊዜያዊ የውጭ ዜጋ ፓስፖርት ለኣጭር ግዜ ወይም ለልዩ ጉዞ ነው የሚያገለግል። 

ጊዜያዊ የውጭ ዜጋ ፓስፖርት በተለያዩ ምክንያቶች ይሰጡሃል፤

  • ፓስፖርት ለማግኘት ወደ ሌላ ኣገር በመሄድ ካልሆነ ያገርህን ፓስፖርት ወይም ሌላ ተቀባይነት ያለው የስዊደን የጉዞ ሰነዶች መጠየቅ የማትችል ከሆንክ። ስለሆነም ከስዊደን ኣገር በመውጣት ያገርህን ፓስፖርት ለማምጣት መቼ እንደምትጓዝና የት ወይ በምን ዓይነት መንገድ መሆኑን መግለጥ ይኖርብሃል። በምታቀርበው ምክንያቶች ኣንድ ግዜ ብቻ ነው የውጭ ዜጋ ፓስፖርት የሚሰጥህ።
  • ያገርህ ፓስፖርት የሌለህ ከሆነ እና በኣስቸኳይ ምክንያት ወደ ውጭ ኣገር መሄድ ካስፈለገህ። ይሁንና ለምን በዚሁ ወቅት የውጭ ዜጋ ፓስፖርት እንደ ምትፈልግ ለስደተኞች ጉዳይ ጽ/ቤት መግለጽ ይኖርብሃል። እንዲሁም፡ ያገርህ ፓስፖርት ወይ ለመጓዝ የሚያገለግልህ ጊዜያዊ ሰነድ ካገርህ ባለስልጣን፥ ማለት ለምን ከኤምባሲ ወይ ከቆንስል ማግኘት እንዳልቻልክ መግለጽ ይኖርብሃል። ጊዜያዊ የውጭ ዜጋ ፓስፖርት በሚመለከት ጥያቄ ስታቀርብ ምክንያቶቹን የሚያጠናክሩ ሰነዶች ይዘህ መምጣት ይገባሃል።
  • ኣስቀድሞ የተሰጠህን ፓስፖርት ለመጥፎ ድርጊት በመጠቀም ወይም በወንጀል ስለ ተከሰስክ ጊዜያዊ የውጭ ዜጋ ፓስፖርት ወይም የጉዞ ፓስፖርት ለማግኘት ካልቻልክ ግን ባንዳንድ እጅግ ኣስፈላጊ ጉዳይ ፓስፖርት መያዝ የሚያስፈልግህ ሲሆን። ኣስቀድሞ እንደ ተጠቀሰ ጉዞው ለምን ይህን ያህል ኣስፈላጊ መሆኑን ለስደተኞች ጉዳይ ጽ/ቤት መግለጥ ይገባሃል።
  • የስዊደን የመኖርያ ፈቃድ ኑሮህ ውጭ ኣገር ብትገኝና (ኣገርህ ውስጥ ሳይሆን): የውጭ ዜጋ ፓስፖርትህን ወይም የጉዞ ፓስፖርትህን ብታጠፋው: እንዲሁም ወደ ስዊደን ልትመለስ ብትፈልግ። ስለ ጠፋው ፓስፖርት ለፖሊስ ኣሳውቅ: ጊዜያዊ የውጭ ዜጋ ፓስፖርት ለመጠየቅ ወደ ስዊደን ኤምባሲ ወይም ቆንስል ስትሄድ ለፖሊስ ያመለከትከውን የጽሑፍ ቅጂ ይዘሀው ሂድ።

የውጭ ዜጋ ፓስፖርት ስለ መጠየቅ

የውጭ ዜጋ ፓስፖርት የምትጠይቀው የውጭ ዜጋ ፓስፖርት መጠየቅያ ቍ. 192011 በሞምላትና ይዘሀው ወደ የስደተኞች ጉዳይ ጽ/ቤት የፈቃድ ኣሃዱ ጋ በመሄድ ነው። ይሁንና ወደ የስደተኞች ጉዳይ ጽ/ቤት ከመሄድህ በፊት ኣስቀድመህ ቀጠሮ ያዝ። ለያንዳንዱ ሰው ነው ቀጠሮ የሚያዝለት። እያንዳንዱ ደግሞ የራሱ ፎርም ይሞላል።

የውጭ ዜጋ ፓስፖርት መጠየቅያ ፎርም ቍ 192011 (በሽወደን ቋንቋ)PDF

የውጭ ዜጋ ፓስፖርት መጠየቅያ ፎርም ቍ 193011 (በእንግሊዝኛ ቋንቋ)PDF

የውጭ ዜጋ ፓስፖርት በሚመለከት እንዴት እንደሚሞላ በተጨማሪ ኣንብብ።

ማመልከቻህን ለማቅረብ በሚቀጥለው የኢንተርነት ኣድራሻ ቀጠሮ ያዝ፤ www.migrationsverket.se/book-appointment

ከ 18 ዓመት በታች ዕድሜ ላላቸው ህጻናት

ከ 18 ዓመት በታች የሆኑ ህጻናት በራሳቸው ጊዜያዊ የውጭ ዜጋ ፓስፖርት ለመጠየቅ ኣይችሉም። ወላጆቻቸው ወይም ኣሳዳጊዎቻቸው ነው በኣካል ወደ ጽ/ቤት ሂደው ግዚያዊ የውጭ ዜጋ ፓስፖርት የሚጠይቁላቸው።

ሁለት ኣሳዳጊዎች ቢኖሩ ሁለታቸው ናቸው ለ18 ዓመት በታች ለሆኑትን ህጻናት የሚመለከት የፈቃድ ፎርም ቍ. 246011 በማጽደቅና በሞምላት ከህጻኑ ማመልከቻ ጋር ባንድ ላይ እንዲቀርብ የሚያደርጉ።

የስደተኞች ጉዳይ ጽ/ቤት ከ 18 ዓመት በታች ለሆነው ህጻን የውጭ ዜጋ ፓስፖርት እንዲሰጠው የሚሞላው የወላጆች የፈቃድ ፎርም 246011 (በሽወደን ቋንቋ)PDF

የስደተኞች ጉዳይ ጽ/ቤት ከ 18 ዓመት በታች ለሆነው ህጻን የውጭ ዜጋ ፓስፖርት እንዲሰጠው የሚሞላው የወላጆች የፈቃድ ፎርም 247011 (በእንግሊዝኛ ቋንቋ)PDF

ክፍያ

ኣብዛኞቹ ለሚያቀርቡት ጊዜያዊ ይውጭ ዜጋ ፓስፖርት ማመልከቻ ይከፍላሉ። ማመልከቻው ስታቀርበው በካርድ ኣድርገህ ክፈል ወይም የመክፈያ ካርድ ትወስድና ቆይተህ ትከፍላለህ። የስደተኞች ጉዳይ ጽ/ቤት ክፍያውን እስክታጠናቅቅ ድረስ ጉዳይህን መመርመር ኣይጀምርም።

የውጭ ዜጋ ፓስፖርት ክፍያ

ጉዳዩ ለማከናወን የሚፈዽበት ግዜ

ባሁኑ ግዜ ጉዳዩ ለማከናወን የሚወስደው ግዜ ለማወቅ የስደተኞች ጽ/ቤት የኢንተርነት መረጃ ኣንብብ። ጉዳዩን የሚከታተል ሰው ተጨማሪ መረጃ የሚጠይቅህ ከሆነ በዚያ ኣኳያ ግዜው ሊራዘም ይችላል።

የስደተኞች ጉዳይ ጽ/ቤት ጉዳይህን ከጨረስው በኋላ: ውሳኔውን በፖስታ ኣድርገን እንልክልሃለን።

ጊዜያዊ የውጭ ዜጋ ፓስፖርት በመጠቀም የሚደረግ ጉዞ

ኣገሮች በሙሉ ጌዜያዊ የውጭ ዜጋ ፓስፖርት ኣይቀበሉም። የምትጎበኛቸውን ኣገሮች ኤምባሲ ራስህ ሂደህ ኣነጋግራቸው: ወይም ኣገሪቱ ጊዜያዊ የውጭ ዜጋ ፓስፖርት የምትቀበል መሆኗን መረጃ ፈልግ።

የተሰጠህን የመኖርያ ፈቃድ በጥገንኘት ምክንያት ከሆነ በውጭ ዜጋ ፓስፖርትህ ላይ ወደ ኣገርህ ወይም ወደ የተባረርክበት ኣገር ለመሄድ እንደማትችል የሚገልጽ ጽሑፍ ኣለ።

ማንነትህን ለማጠናከር ካልቻልክ: በጊዜያዊ የውጭ ዜጋ ፓስፖርትህ ማንነትህ እንዳልተረጋገጠ ተጽፍዋል። ስለሆነም ወደ ኣንዳንድ ኣገሮች በምትጓዝበት ግዜ ችግር ሊያጋጥምህ ይችላል።

የምትጎበኛቸው ወይ የምታልፍባቸው ኣገሮች ቪዛ የሚጠይቁ መሆናቸው ኣረጋግጥ።

ፓስፖርትህ የሚያገለግልበት ግዜ

ጊዜያዊ የውጭ ዜጋ ፓስፖርት ኣብዛኛው ግዜ ቢረዝም እስከ ሰባት ወር ያገለግላል። ፓስፖርቱ ከስዊድን ወደ ውጭ ኣገር ወይም ለሁለቱ ኣቅጣጫ በኣንድ ጉዞ ብቻ የተወሰነ ነው። ከጉዞው በኋላ ፓስፖርቱን ለስደተኞች ጉዳይ ጽ/ቤት ኣስረክበው።

ማመልከቻህ ውድቅ ሲሆን

ጊዜያዊ የውጭ ዜጋ ፓስፖርት ሳይሰጥህ ሲቀር: ይግባኝ ማለት ኣይቻልም.

Last updated: 6 November 2018

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.