Dərhal qüvvəyə minməklə ölkəyə daxil olmaqdan imtina

Müraciətinizin rədd edilməsi haqqında qərar dörd il müddətinə qüvvədə qalır. Əgər dərhal qüvvəyə minməklə ölkəyə daxil olmaqdan imtina haqqında əmr almışsınızsa, sizə təkrar daxil olma qadağanı qoyulur, bu o deməkdir ki, ən az iki il ərzində Şengen zonasının heç bir ölkəsinə, o cümlədən Rumıniya, Bolqarıstan və Xorvatiyaya daxil ola bilməzsiniz.

Əmrin qəbul edilməsi

Siz həmçinin, qəbul edilmə bəyannaməsi adlanan sənədi imzalamaqla, əmri qəbul etdiyinizi göstərə bilərsiniz. Bəyannaməni imzaladıqdan sonra siz bir daha şikayət verə bilməzsiniz və dərhal İsveçi tərk etməlisiniz. Hətta əmri qəbul etməsəniz belə, əmri aldıqdan dərhal sonra İsveçi tərk etməlisiniz.

Əmrdən şikayət verilməsi

Əgər əmri qəbul etmirsinizsə, şikayət vermək hüququnuz var, lakin yenə də İsveçi dərhal tərk etməlisiniz. Miqrasiya Agentliyi şikayətinizi əmr haqqında bildirişi aldığınızdan sonra ən gec üç həftə ərzində almalıdır.

Əmrdən şikayət verilməsi haqqında daha ətraflı oxuyun

Qayıdış səfərinizin planlaşdırılması

Əmr aldığınızdan sonra dərhal İsveçi tərk etməyiniz tələb olunur. Siz qayıdış səfərinizin planlaşdırılmasına, etibarlı pasportun əldə edilməsinə və vətəndaşı olduğunuz ölkəyə və ya yaşayış icazəsinə malik olduğunuz digər ölkəyə qayıtmaq üçün digər tələblərin yerinə yetirilməsinə görə məsuliyyət daşıyırsınız. Miqrasiya Agentliyi vətəndaşı olduğunuz ölkə ilə əlaqə saxlamaqda və ya səfərinizi təşkil etməkdə sizə dəstək və yardım göstərə bilər.

Könüllü qayıtmaq haqqında daha ətraflı oxuyun

Mənzil, bank kartı və Sığınacaq Axtaran kartı

Əmri aldıqdan üç həftə sonra artıq şikayət verə bilməzsiniz. Bu o deməkdir ki, sizin artıq Miqrasiya Agentliyindən mənzil və ya maliyyə dəstəyi almaq hüququnuz yoxdur. Bu, əgər siz himayəçisi olduğunuz yaşı 18-ə çatmamış uşaqla birlikdə yaşamayan yetkinlik yaşına çatmış şəxs olduğunuz halda tətbiq edilir.

İsveçi tərk etməzdən əvvəl Sığınacaq Axtaran kartınızı (LMA kartı) Miqrasiya Agentliyinə qaytarmalısınız. Miqrasiya Agentliyindən bank kartı aldığınız halda, hesabdan pulu çıxarmalı və kartı geri qaytarmalısınız. Miqrasiya Agentliyinin mənzillərndə yaşadığınız halda, mənzili tərk etməli və açarları təhvil verməlisiniz.

Səhiyyə xidməti və məktəb

İsveçi tərk etdiyiniz günədək, əvvəl olduğu kimi, səhiyyə xidməti hüququna malik olacaqsınız, lakin ölkəni tərk etmə əmriniz qüvvəyə mindikdən və maliyyə dəstəyi almaq hüququnuz qüvvədən düşdükdən sonra, dərman preparatlarına və ya tibbi xidmətə görə hər hansı maliyyə kompensasiyası almayacaqsınız. 

Uşaqlar İsveçdə olduqları müddət ərzində məktəbə getmək hüququna malikdir.

Uşaqlar və sığınacaq haqqında daha ətraflı oxuyun

Əgər qərara tabe olmasanız

Əgər İsveçi tərk etməklə əməkdaşlıq etmirsinizsə, Miqrasiya Agentliyi sizi nəzarət altına almaq və ya həbsdə saxlamaq barədə qərar verə bilər. Nəzarət altına alınmaq o deməkdir ki, siz müntəzəm olaraq Miqrasiya Agentliyində və ya Polisdə qeydiyyatdan keçməlisiniz. Həbsdə saxlanarkən, getmə gününü gözləyənə qədər qapalı müəssisədə qalmalı olacaqsınız.

Əgər Miqrasiya Agentliyindən hələ də maliyyə dəstəyi almaq hüququnuz varsa (məsələn, uşaqlı ailələr), ölkəni tərk etməkdə əməkdaşlıq etmədiyinizə görə azaldılmış gündəlik müavinət ala bilərsiniz.

Əgər Miqrasiya Agentliyi əmrin icra edilməsi üçün qüvvə tətbiq edilməsi zərurətini müəyyən edərsə, məsuliyyət İsveç Polisinin üzərinə yönəldilmiş olur.

Qərara riayət etmədiyinizdə nə baş verəcəyi haqqında daha ətraflı oxuyun

İmtinadan sonra yeni tədbirlər

Əgər qayıtmağınızı qeyri-mümkün edən nə isə baş verərsə, Qəbul Məntəqənizə məlumat verməlisiniz. Miqrasiya Agentliyi deportasiya üçün maneələriin mövcudluğunu nəzərdən keçirəcək Belə maneələr sizin qərarı almağınızdan sonra üzə çıxan yeni məlumatlarla əlaqədar olmalıdır.

İmtinadan sonra yeni tədbirlər haqqında daha ətraflı oxuyun