Նյութական օգնություն վերահաստատման համար

Ekonomiskt stöd till återetablering – armeniska

Դուք, որ պիտի ետ վերադառնաք Ձեր երկիրը, հնարավորություն ունեք դիմել Գաղթականության պետական հիմնարկին [Migrationsverket],  նյութական օգնություն ստանալու համար: Օգնությունն ուղղված է Ձեզ, որ վերադառնում եք մի երկիր, ուր դժվար է հաստատվել բարդ հակասությունների  պատճառով: Դուք օգնության դիմում պիտի հանձնեք, երբ դեռ գտնվում եք Շվեդիայում:  

Օգնություն ստանալու պայմանները

Դուք կարող եք օգնություն ստանալ, եթե

• Ստացել եք Ձեր Շվեդիայում ապաստան ստանալու դիմումի մերժումը, կամ Ձեր դիմումը ետ եք վերցրել
• Կամենում եք Ձեր կամքով վերադառնալ մի երկիր, ուր Ձեր վերահաստատվել կարողանալու պայմանները սահմանափակ են բարդ հակասությունների պատճառով
• Հավանաբար ապրելու եք նույն երկրում, ուր մտադիր եք վերադառնալ
• Դիմումը գրելու պահին գտնվում եք Շվեդիայում:

Օգնություն Ձեր ընտանիքին

Ձեր ընտանիքի անդամները նույնպես կարող են օգնություն ստանալ: Այսինքն Ձեր ամուսինը, կինը, կենակիցը [sambo], 18 տարին չլրացած զավակը , կամ այլ մոտ ազգականներ, որոնք Ձեզ հետ միասին են ապրում: Օգնությունը ստանալու համար Ձեր ընտանիքի անդամները նույնպես պիտի լինեն Շվեդիայում, երբ Դուք հանձնում եք ձեր Դիմումը:

Դիմում և որոշում

Վերահաստատման համար Նյութական օգնության դիմում կարող եք տալ, երբ ստացել եք Ձեր Շվեդիայում ապաստան ստանալու դիմումի մերժումը, կամ Ձեր դիմումը ետ եք վերցրել: Դուք պետք է դիմեք մերժման վորոշումից, կամ Ձեր ապաստանի  մասին դիմումը ետ վերցնելուց հետո, երկու ամսվա ընթացքում:

Վերահաստատման համար Նյութական օգնության դիմում կարող եք տալ Ձեր ընդունելության գործը վարողի [mottagningshandläggare] մոտ և Ձեր օգնություն ստանալու, կամ չստանալու որոշումը կայացնում է Գաղթականության պետական հիմնարկը [Migrationsverket]:  Գաղթականության պետական հիմնարկի վերահաստատման համար Նյութական օգնության որոշումը հնարավոր չէ բողոքարկել:

Օգնությունը վճարվում է Ձեր երկրում:

Գաղթականության պետական հիմնարկը համագործակցում է IOM-ի (International Organization for Migrants, Գաղթականների Միջազգային Կազմակերպություն) հետ, որը ներկայացված է այն երկրների մեծամասնությունում,  ուր վերահաստատման օգնություն է վճարվում: Ձեր երկրում դրամը վճարող մարմինը IOM-ն է: Շվեդիան լքելուց առաջ Դուք կստանաք Ձեր երկրում IOM-ի գրասենյակի  հեռախոսի թիվը: Երբ կհասնեք Ձեր երկիրը, Դուք կզանգահարեք և ժամանակ կվերցնեք վերահաստատման օգնության գումարը ստանալու համար:

Վճարումը կատարվում է ԱՄՆ-դոլլարով [US-dollar] և ամբողջ գումարը վճարվում է միանգամից: Գումարը ստանալուց պետք է ցույց տաք Ձեր անձնագիրը և վերահաստատման օգնություն ստանալու որոշման պատճենը:

Եթե IOM-ն Ձեր երկրում գրասենյակ չունի, ապա օգնությունը կարող եք ստնալ Շվեդիան լքելուց առաջ:

Կարդացեք ավելին  IOM (international Organization for Migration, Գաղթականների Օգնության Միջազգային Կազմակերպություն ) -ի մասին:

Օգնության չափը

Վերահաստատման օգնության չափը համապատասխանում է 30 000 շվեդական քրոնի [svenska kronor]՝ յուրաքանչյուր 18 տարին լրացած անձի և  15 000 շվեդական քրոնի՝  18 տարեկանից ցածր  երեխայի համար: Ամեն ընտանիք կարող է ստանալ ամենաշատը 75 000 շվեդական քրոն:

Եթե տաք ոչ ճիշտ տվյալներ

Գաղթականության պետական հիմնարկը [Migrationsverket] կարող է որոշում կայացնել, որ Դուք ետ վերադարձնեք օգնության ամբողջ գումարը, կամ նրա մի մասը, եթե Դուք

• կամավոր կերպով ետ չվերադառնաք, կամ վերադառնալուց հետո ապօրինի կերպով  մուտք գործեք Շվեդիա
• ոչ ճիշտ տվյալներ ներկայացնեք, կամ այլ կերպով պատճառ դառնաք, որ օգնությունը վճարվի սխալ, կամ չափից ավելին: