Աշխատանք ապաստանի համար դիմում տված ժամանակ

Arbeta under tiden som asylsökande – armeniska

Հիմանակնում Դուք պետք է հոգաք Ձեր ապրուստը այն ժամանահատվածում, երբ Ձեր՝ ապաստան ստանալու դիմումը դեռ քննվում է: Դուք դա կարող եք անել Ձեր սեփական խնայողությունների կամ աշխատանքի շնորհիվ:

Ապաստան հայցողի կարգավիճակում աշխատելու իրավունք ձեռք բերելու համար Դուք պետք է ներկայացնեք ապացույց, որ Դուք ազատ եք աշխատանքի թույլտվություն ունենալու պարտականությունից (AT-UND):  

Ապաստան հայցողի կարգավիճակում աշխատելու պայմանները

Դուք ազատվում եք աշխատանքի թույլտվություն ձեռք բերելու պարտականությունից, եթե համապատասխանում եք հետևյալ չափորոշիչներին.

• Դուք ներկայացնում եք Ձեր ինքնությունը հաստատող համապատասխան փաստաթղթերը կամ որևէ այլ կերպ օգնում եք պարզել Ձեր ինքնությունը
• Եթե Ձեր գործը պետք է քննվի Շվեդիայում
• Եթե Ձեր դիմումը հիմնավոր է: Դուք AT-UND չունեք, եթե ստացել եք մուտքի մերժում, որին պետք է անհապաղ ենթարկվեք:

Դուբլինի կոնվենցիայով է որոշվում, թե որ երկիրն է քննում Ձեր դիմումը (անգլերեն)

Տեղեկատվություն նրանց համար, ովքեր մուտքի մերժում են ստացել, որը պետք է անհապաղ գործարկվի

Եթե Դուք համապատասխանում եք սույն պայմաններին, Դուք կստանաք ԼՄԱ քարտ, որի համաձայն Դուք AT-UND ունեք:Սա նշանակոմ է, որ Դուք ազատ եք աշխատանքի թույլտվություն ձեռք բերելու պարտավորությունից: AT-UND-ը սովորաբար վավեր է այնքան ժամանակ, մինչև Դուք ստանաք կացության իրավունք կամ հեռանաք երկրից: Եթե Դուք վստահ չեք, թե արդյոք ունեք AT-UND, կապ հաստատեք Ձեր ընդունման կետի հետ:

Իմացեք ավելին ԼՄԱ քարտի վերաբերյալ

Եթե ազատված եք աշխատանքի իրավունք ունենալու պարտականությունից (AT-UND), ապա աշխատանք որոնելու համար կարող եք դիմել աշխատանքի միջնորդման գրասենյակին (Arbetsförmedlingen):

Դուք կարող եք թափուր հաստիքներ և այլ տեղեկատվություն գտնել Հանրային զբաղվածության ծառայության կայքում (անգլերեն)

Եթե աշխատանք գտնեք այն ժամանակաշրջանում, երբ ապաստան հայցող եք հանդիսանում

Եթե աշխատանք գտնեք այն ժամանակաշրջանում, երբ ապաստան հայցող եք հանդիսանում, Դուք պետք է Ձեր գործատուին ներկայացնեք ապացույց, որ Դուք ազատ եք աշխատելու թույլտվություն ունենալու պարտավորությունից (AT-UND): Ապացույցը Ձեր ԼՄԱ քարտի վրա է՝ 7-րդ պարբերությունում:

Ձեր գործատուն պետք է Ձեր՝ աշխատանք գտնելու մասին տեղեկացնի այն ընդունման կետի աշխատակցիներին, որտեղ Դուք գրանցված եք: Գործատուն պետք է նաև հայտնի, թե երբ է Ձեր աշխատանքային զբաղվածությունն ավարտվում: Ծանուցումն այն մասին, որ Դուք աշխատանք ունեք, պետք է հատուկ ձևաթղթով կատարվի՝ No.152 011;

Notification of employment or termination of employment of an asylum seeker, form number 152011 (միայն շվեդերեն)

Եթե Դուք օրավարձ ունեք, Դուք պետք է միշտ ծանուցեք Ձեր եկամտի մասին Շվեդիայի Միգրացիոն ծառայությանը: Դուք պետք է նաև կապվեք Շվեդիայի Հարկային գործակալության հետ՝ կորդինացիոն համար ձեռք բերելու համար: Կորդինացիոն համարն այն մարդկանց համար է, ովքեր չունեն Շվեդական ինքության համար: Այն Ձեզ պետք է, որպեսզի Դուք կարողանաք վճարել հարկերը աշխատելու ընթացքում: Կորդինացիոն համարը Ձեզ անհրաժեշտ է նաև նրա համար, որ Դուք կարողանաք հիվանդության նպաստ ստանալ, եթե հիվանդանաք ու չկարողանաք աշխատանքի գնալ:  

Ավելի մանրամասն տեղեկատվության համար կապվեք Շվեդիայի Հարկային գործակալության հետ (անգլերեն)

Եթե կամէնում եք բանկային հաշիվ բացել

Ձեր Գաղթականության պետական հիմնարկից [Migrationsverket] ստացած բանկային քարտի վրա միայն Գաղթականության պետական հիմնարկն է կարող գումար դնել: Եթե կամենում եք բանկային հաշիվ բացել, որպթսզի Ձեր գործատուն կարողանա Ձեր աշխատավարձն այնտեղ մուծել, ապա պետք է դիմեք որևէ բանկի: Յուրաքանչյուր բանկային գրասենյակ ինքն է որոշում, թե արդիոք Դուք համապատասխանում եք իրենց մոտ բանկային հաշիվ բացելու համար պահանջներին, թե ոչ:

Բոլոր բանկերը պահանջում են, որ Դուք կարողանաք անձը հաստատող փաստաթղթեր ներկայացնել, որպեսզի իրենք իմանան, թե Դոք ով եք: Բանկերն իրենք են որոշում, թե որ փաստաթղթերն են ընդունում որպես անձը հաստատող: Որոշ բանկեր ապաստան հայցողներին թույլատրում են հաշիվ բացել նույնիսկ, երբ նրանց անձը հաստատող փաստաթղթերը Գաղթականության պետական հիմնարկումն են: Այդ դէպքում Դուք պետք է ցույց տաք ուժի մեջ եղող LMA քարտ և Ձեր անձը հաստատող փաստաթղթերի պատճենը, որի վրա Գաղթականության պետական հիմնարկը հաստատում է, որ դրանք բնագրի իսկական պատճենն են: Գաղթականության պետական հիմնարկը դրանով չի հաստատում, որ փաստաթուղթը իրական է, այլ միայն այն, որ Ձեր ստացած պատճենը համապատասխանում է մեզ մոտ եղած բնագրի հետ: Սակայն մենք այդպիսի պատճեն չենք կարող տալ, եթե Դուք մեզ միայն պատճեններ եք հանձնել:

Հետո բանկը կապվում է Գաղթականության պետական հիմնարկի հետ, որպեսզի Ձեր տված տվյալների իսկությունը ստուգի: Գաղթականության պետական հիմնարկը կարող է Ձեր տվյալները հաստատել միայն այն դեպքում, եթե Դուք նախապես Ձեր համաձայնությունն եք հայտնել, այսինքն ստորագրել եք մի թուղթ, որով Դուք արտոնում եք Գաղթականության պետական հիմնարկին այդ մասին խոսել բանկի հետ: Եթե դեռևս նման համաձայնություն չեք տվել Գաղթականության պետական հիմնարկին, ապա կարող եք կապվել ընդունման մոտակա միավորի [mottagningsenhet] հետ և ասել, որ ուզում եք դա անել:

Բանկային հաշիվ բացելու համար որոշ բանկեր պահանջում են, որ աշխատանքի ընդունվելու վկայական ցույց տաք: Աշխատանքի ընդունվելու վկայական կարող եք ստանալ գործատուից:

Եթե18 տարեկանից փոքր ես

Եթե դու 16 տարեկան, կամ ավելի մեծ ես, ապա Շվեդիայում աշխատելու համար պետք է ունենաս Ա:Ի-ԲԱՑ: Անկախ նրանից, թե Շվեդիա ես եկել ընտանիքիդ հետ մեկտեղ, թե որպես միայնակ եկած երեխա:

Դու, որ 16 տարեկանից փոքր ես, արձակուրդային պրակտիկայի [feriepraktik], թեթև պարտականությունների, կամ եզակի հանձնարարությունների համար ԱԻ-ԲԱՑ ունենալու կարիք չունես: Գաղթականության պետական հիմնարկի հավանությունն անհրաժեշտ չէ աշխատանքի ընդունվելու համար, բայց քո խնամակալը (կամ հոգաբարձրուն [god man], եթե ունես) պիտի իր համաձայնությունը տա, որ դու աշխատես:

Նկատի ունեցիր, որ ոչ միայն աշխատավարձը, այլ նաև այլ հատուցում, օրինակ' նվերի քարտ, կարող է ազդել Գաղթականության պետական հիմնարկից ստացված նյութական նպաստի վրա:

Եթե Դուք մերժման կամ արտաքսման որոշում եք ստացել

Դու կունենաս քո ԱԻ-ԲԱՑ-ը այնքան ժամանակ, որ համագործակցում ես երկիրը լքելու գործում: Եթե երկիրը լքելու գործում չհամագործակցես, ապա քո ԱԻ-ԲԱՑ -ը ուժի մեջ չի լինի:

Եթե Ձեր դիմումը մերժվում է

Որոշմանը սպասելու ընթացքում աշխատած անձը կարող է դիմել աշխատելու թույլտվություն ստանալու համար, եթե նրա՝ ապաստան ստանալու դիմումը մերժվել է: 

Իմացեք ավելին այն մասին, թե ինչ է պահանջվում ապաստան ստանալու դիմումի մերժումից հետո աշխատանքի թույլտվություն ստանալու նպատակով դիմում ներկայացնելու համար: (անգլերեն)

Սովորական հարցեր ապաստան խնդրողների աշխատանքի և ԱԻ-ԲԱՑ-ի մասին