Istiqomat qilish ruxsati kartasi

Uppehållstillståndskort – uzbekiska

Agar sizga istiqomat qilish ruxsati berilgan boʻlsa, siz Shvetsiyada yashashga ruxsatingiz borligini tasdiqlovchi rezident kartasi ham olasiz. Kartaning chipida sizning suratingiz va barmoq izlaringiz bor. Davlat idoralariga yoki tibbiy muassasalarga borganingizda rezident kartangiz doim yoningizda boʻlishi kerak.

Fotografi och fingeravtryck.

Suratga tushish va barmoq izlaringizni olinishi

Rezident kartasi oladigan har bir shaxs suratga tushishga majbur. Olti yoshdan kichkina bolalarning barmoq izlari olinmaydi. Jismoniy sabablarga koʻra, barmoqlarning muqim jarohati kabi, barmoq izlari olinishi mumkin boʻlmagan shaxslarning ham barmoq izlari olinmaydi.

Sizning suratingiz va barmoq izlaringiz faqatgina chipda saqlanadi, boshqa yerda emas. Shuning uchun har safar yangi rezident kartasi olayotganingizda yangidan suratingiz va barmoq izlaringiz olinishi shart. Istiqomat qilish kartasi olish uchun hech qanday toʻlov yoʻq, toʻlov faqatgina ruxsatnoma uchun ariza berishda toʻlanadi.

Agar siz Shvetsiyadan tashqarida boʻlsangiz

Agar siz Shvetsiyaga kelish uchun viza olishingiz kerak boʻlsa, Shvetsiya elchixonasi yoki konsulligiga borib suratga tushishingiz va barmoq izlaringiz olinishi kerak. Qabul soatlari haqida ma’lumot olish uchun elchixona yoki konsullik bilan bogʻlaning.

Shvetsiyaga borish uchun viza talab qilinadigan mamlakatlar (igliz tilida)external link, opens in new window

Sizga eng yaqin boʻlgan elchixona yoki konsullikni topish uchun Swedenabroad.se internet sahifasiga kiring (igliz tilida)external link, opens in new window

Agar sizga Shvetsiyaga borish uchun viza talab qilinmasa, Shvetsiyaga kelganingizda suratga tushasiz va barmoq izlaringiz olinadi. Istiqomat qilish ruxsatnomasini olishingiz va Shvetsiyaga kelishingiz bilanoq Migratsiya Agentligiga uchrashingiz shart.

Agar Shvetsiyada boʻlsangiz

Agar Shvetsiyadagi ruhsatingizni cho´zdirmoqchi bo´lsangiz yoki yangi ruhsat kartasi kerak bo´lsa, Migratsiya hizmati idorasiga borib, rasmga tushing va barmoq izlarini qoldiring. Bu Shvetsiyada boshpana so´ragan va birorta ruhsati bo´lmaganlar uchun ham tegishli.

Migratsiya hizmati idorasiga borganingizda, pasportingizni ham olib keling. Qachonki ruhsat kartangiz tayyor bo´lsa, u Shvetsiyadagi manzilingizga jo´natiladi. Shuning uchun Migratsiya hizmati idorasiga rasmga tushishga va barmoq izlari qoldirishga kelganingizda, manzilingizni ham aytishingiz juda muhim.

Suratga tushish va barmoq izlaringiz olinishi uchun Migratsiya Agentligi bilan uchrashuv belgilang (igliz tilida)

Bizni qayerdan topish mumkin (igliz tilida)

Agar manzilingizni oʻzgartirsangiz

Agar istiqomat qilish kartangizni sizga joʻnatishimizni xohlasangiz, biz manzilingizni bilishimiz kerak. Agar koʻchgan boʻlsangiz Migratsiya Agentligiga kelganingizda yangi manzilingizni taqdim etishingiz mumkin. Agar sherik bilan birga yashayotgan yoki umumiy manzil boʻyicha yashayotgan boʻlsangiz buni aytishni unutmang.

Uppehållstillståndskort.

Istiqomat qilish kartasi tayyor boʻlganida

Agar elchixona yoki konsullikda suratga tushib barmoq izlaringiz olingan boʻlsa, kartani oʻsha yerdan olasiz. Elchixona yoki konsullikdan kartani joʻnatishlari yoki oʻzingiz kelib olib ketishingiz kerakligi haqida soʻrab oling. Kartani tayyorlash va uni elchixona yoki konsullikga joʻnatish, istiqomat qilish ruxsati qarori chiqqan kundan boshlab toʻrt hafta vaqt olishi mumkin.

Agar Migratsiya Agentligida suratga tushib barmoq izlaringiz olingan boʻlsa, kartangiz bir hafta ichida uy manzilingizga yuboriladi.

Rezident kartangiz qaror chiqqanidan keyin tayyorlanadi, lekin kartani tayyorlanish istiqomat qilish uchun ruxsatnoma amal qilish muddati boshlanishidan eng erta uch oy oldin boshlanadi.

Karta tayyorlash yoki joʻnatishni tezlashtirish imkoniyati yoʻq.

Kartadagi ma’lumotlar

Boshqa ma’lumotlardan tashqari kartangizda ruxsatnoma turi va muddati haqidagi ma’lumot ham bor. Sizning shaxsiy ma’lumotingiz ham kartada bor. Ba’zi kartalarning orqa tarafida “Ishlashga ruxsat” (“Får arbeta”) yozuvi bor. Bu yozuv sizga chiqqan qaror ishlash mumkinligi, doimiy istiqomat qilish ruxsati olganingizda ishlashga ruxsat berilishi kabi, ma’noni anglatmaydi. Lekin agar sizga Shvetsiyada ishlash huquqi berilgan boʻlsa, qarorda ishlash huquqi berildi deb yoziladi va kartangiz orqasida “Ishlashga ruxsat” degan yozuv boʻlishi shart boʻlmaydi. Bolalar uchun (tegishli hollarda) bu yozuv 16 yoshga toʻlganidan keyin yozilishi mumkin.

Kartadagi ma’lumotni tekshirib oling

Kartangizdagi ismingiz pasportdagi ismingiz bilan bir xilligini doim tekshirib oling. Agar kartadagi ismingiz notoʻgʻri boʻlsa, yangi karta olish uchun Migratsiya Agentligi yoki elchixonaga borishingiz kerak. Pasportingizni oʻzingiz bilan olib oling.

Agar ismingizni oʻzgartirsangiz, yangi ismingizni roʻyxatga olish uchun avvalo Soliq Agentligi (aholi roʻyxati uchun javobgar) bilan bogʻlanishingiz kerak. Yangi rezident kartasini olish uchun keyin Migratsiya Agentligiga borishingiz kerak.

Väska.

Sayohat qilganingizda

Sayohat qilganingizda pasportingiz bilan birga kartangizni ham koʻrsatishingiz shart. Kartangizni oʻzi shaxsni tasdiqlovchi yoki sayohat hujjati boʻla olmaydi.

Karta amal qilish muddati

Har safar yangi yoki uzaytirilgan istiqomat qilish ruxsatnomasi olganingizda yangi rezident kartasi olasiz. Karta amal qilish muddati ruxsatnoma amal qilish muddati bilan bir xil boʻladi, lekin aslo besh yildan koʻp boʻlmaydi. Yangi rezident (istiqomat qilish) kartasi olayotganingizda yangidan suratingiz va barmoq izlaringiz olinishi shart. Migratsiya hizmati idorasiga yangi kartangizni olgani kelganda, eski ruhsat kartangizni ham olib keling. 

Kartangizni yoʻqotib qoʻysangiz

Agar kartangizni yoʻqotib yoki oʻgʻirlatib qoʻysangiz eng avvalo politsiyaga murojaat qilishingiz kerak. Soʻngra yangi karta olish uchun Migratsiya Agentligiga kelib suratingiz va barmoq izlaringiz olinishi kerak. Politsiyadan, ariza yozgan vaqtingizda yoki keyinroq pochta orqali, olgan politsiya bayonotidan nusxa oling.

Agar kartangizni olmagan boʻlsangiz

Rezident (istiqomat qilish) kartangizni uzoq muddat kutmoqdamisiz? Sabablaridan biri kartangiz Migratsiya Agentligiga qaytarib joʻnatilgan boʻlishi mumkin. Bu holat Migratsiya Agentligiga sizning notoʻgʻri manzilingiz berilganligi boʻlishi mumkin.

Bu masala boʻyicha savollaringiz boʻlsa Migratsiya Agentligi bilan bogʻlaning (igliz tilida)

Истиқомат қилиш рухсати картаси

Агар сизга истиқомат қилиш рухсати берилган бўлса? сиз Швецияда яшашга рухсатингиз борлигини тасдиқловчи резидент картаси ҳам оласиз. Картанинг чипида сизнинг суратингиз ва бармоқ изларингиз бор. Давлат идораларига ёки тиббий муассасаларга борганингизда резидент картангиз доим ёнингизда бўлиши керак.

Fotografi och fingeravtryck.

Суратга тушиш ва бармоқ изларингизни олиниши

Резидент картаси оладиган ҳар бир шахс суратга тушишга мажбур. Олти ёшдан кичкина болаларнинг бармоқ излари олинмайди. Жисмоний сабабларга кўра, бармоқларнинг муқим жароҳати каби, бармоқ излари олиниши мумкин бўлмаган шахсларнинг ҳам бармоқ излари олинмайди.

Сизнинг суратингиз ва бармоқ изларингиз фақатгина чипда сақланади, бошқа ерда эмас. Шунинг учун ҳар сафар янги резидент картаси олаётганингизда янгидан суратингиз ва бармоқ изларингиз олиниши шарт. Истиқомат қилиш картаси олиш учун ҳеч қандай тўлов йўқ, тўлов фақатгина рухсатнома учун ариза беришда тўланади.

 

Агар сиз Швециядан ташқарида бўлсангиз

Агар сиз Швецияга келиш учун виза олишингиз керак бўлса, Швеция элчихонаси ёки консуллигига бориб суратга тушишингиз ва бармоқ изларингиз олиниши керак. Қабул соатлари ҳақида маълумот олиш учун элчихона ёки консуллик билан боғланинг.

Швецияга бориш учун виза талаб қилинадиган мамлакатлар (igliz tilida)external link, opens in new window

Сизга энг яқин бўлган элчихона ёки консулликни топиш учун Swedenabroad.se интернет саҳифасига киринг (igliz tilida)external link, opens in new window

Агар сизга Швецияга бориш учун виза талаб қилинмаса, Швецияга келганингизда суратга тушасиз ва бармоқ изларингиз олинади. Истиқомат қилиш рухсатномасини олишингиз ва Швецияга келишингиз биланоқ Миграция Агентлигига учрашингиз шарт.

 

Агар Швецияда бўлсангиз

Швециядалигингизда истиқомат қилиш рухсатномасига ариза берсангиз, Миграция Агентлигига келиб суратга тушишингиз ва бармоқ изларингиз олиниши керак. Бу талаб рухсатномангизни муддатини чўздираётган ёки янги истиқомат қилиш картаси олаётган вақтингизга ҳам тегишли.

Суратга тушиш ва бармоқ изларингиз олиниши учун Миграция Агентлиги билан учрашув белгиланг (igliz tilida)

Бизни қаердан топиш мумкин (igliz tilida)

 

Агар манзилингизни ўзгартирсангиз

Агар истиқомат қилиш картангизни сизга жўнатишимизни хоҳласангиз, биз манзилингизни билишимиз керак. Агар кўчган бўлсангиз Миграция Агентлигига келганингизда янги манзилингизни тақдим этишингиз мумкин. Агар шерик билан бирга яшаётган ёки умумий манзил бўйича яшаётган бўлсангиз буни айтишни унутманг.

Uppehållstillståndskort.

Истиқомат қилиш картаси тайёр бўлганида

Агар элчихона ёки консулликда суратга тушиб бармоқ изларингиз олинган бўлса, картани ўша ердан оласиз. Элчихона ёки консулликдан картани жўнатишлари ёки ўзингиз келиб олиб кетишингиз кераклиги ҳақида сўраб олинг. Картани тайёрлаш ва уни элчихона ёки консулликга жўнатиш, истиқомат қилиш рухсати қарори чиққан кундан бошлаб тўрт ҳафта вақт олиши мумкин.

Агар Миграция Агентлигида суратга тушиб бармоқ изларингиз олинган бўлса, картангиз бир ҳафта ичида уй манзилингизга юборилади.

Резидент картангиз қарор чиққанидан кейин тайёрланади, лекин картани тайёрланиш истиқомат қилиш учун рухсатнома амал қилиш муддати бошланишидан энг эрта уч ой олдин бошланади.

Карта тайёрлаш ёки жўнатишни тезлаштириш имконияти йўқ.

Картадаги маълумотлар

Бошқа маълумотлардан ташқари картангизда рухсатнома тури ва муддати ҳақидаги маълумот ҳам бор. Сизнинг шахсий маълумотингиз ҳам картада бор. Баъзи карталарнинг орқа тарафида “Ишлашга рухсат” (“Får arbeta”) ёзуви бор. Бу ёзув сизга чиққан қарор ишлаш мумкинлиги, доимий истиқомат қилиш рухсати олганингизда ишлашга рухсат берилиши каби, маънони англатмайди. Лекин агар сизга Швецияда ишлаш ҳуқуқи берилган бўлса, қарорда ишлаш ҳуқуқи берилди деб ёзилади ва картангиз орқасида “Ишлашга рухсат” деган ёзув бўлиши шарт бўлмайди. Болалар учун (тегишли ҳолларда) бу ёзув 16 ёшга тўлганидан кейин ёзилиши мумкин.

Картадаги маълумотни текшириб олинг

Картангиздаги исмингиз паспортдаги исмингиз билан бир хиллигини доим текшириб олинг. Агар картадаги исмингиз нотўғри бўлса, янги карта олиш учун Миграция Агентлиги ёки элчихонага боришингиз керак. Паспортингизни ўзингиз билан олиб олинг.

Агар исмингизни ўзгартирсангиз, янги исмингизни рўйхатга олиш учун аввало Солиқ Агентлиги (аҳоли рўйхати учун жавобгар) билан боғланишингиз керак. Янги резидент картасини олиш учун кейин Миграция Агентлигига боришингиз керак.

Väska.

Саёҳат қилганингизда

Саёҳат қилганингизда паспортингиз билан бирга картангизни ҳам кўрсатишингиз шарт. Картангизни ўзи шахсни тасдиқловчи ёки саёҳат ҳужжати бўла олмайди.

Карта амал қилиш муддати

Ҳар сафар янги ёки узайтирилган истиқомат қилиш рухсатномаси олганингизда янги резидент картаси оласиз. Карта амал қилиш муддати рухсатнома амал қилиш муддати билан бир хил бўлади, лекин асло беш йилдан кўп бўлмайди. Янги резидент (истиқомат қилиш) картаси олаётганингизда янгидан суратингиз ва бармоқ изларингиз олиниши шарт.

Картангизни йўқотиб қўйсангиз

Агар картангизни йўқотиб ёки ўғирлатиб қўйсангиз энг аввало полицияга мурожаат қилишингиз керак. Сўнгра янги карта олиш учун Миграция Агентлигига келиб суратингиз ва бармоқ изларингиз олиниши керак. Полициядан, ариза ёзган вақтингизда ёки кейинроқ почта орқали, олган полиция баёнотидан нусха олинг.

Агар картангизни олмаган бўлсангиз

Резидент (истиқомат қилиш) картангизни узоқ муддат кутмоқдамисиз? Сабабларидан бири картангиз Миграция Агентлигига қайтариб жўнатилган бўлиши мумкин. Бу ҳолат Миграция Агентлигига сизнинг нотўғри манзилингиз берилганлиги бўлиши мумкин.

Бу масала бўйича саволларингиз бўлса Миграция Агентлиги билан боғланинг (igliz tilida)

Last updated: 2018-11-20

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.