Turar joy

Boende – uzbekiska

Boshpana so’rab murojaat qilgan arizangiz yuzasidan qaror chiqarilishini kutish davri davomida turar joyingiz bo’lmasa, Migratsiya agentligi (Migrationsverket) sizga yordam berishi mumkin. Shuningdek, qayerda turishingizni o’zingiz hal etishingiz ham mumkin, masalan, qarindoshlaringiz yoki do’stlaringiznikida yashab turishingiz mumkin. Agar shunday bo’lsa, ya’ni qayerda turishingizni o’zingiz hal etadigan bo’lsandiz, Migratsiya agentligi siz bilan kerakli vaqtda bog’lana olishi uchun agentlikka o’z turar joy manzilingizni ma`lum qilib qo‘yishingiz kerak.

Migratsiya agentligi tomonidan beriladigan turar joy

Arizangiz bo’yicha qaror chiqarilishini kutish davri davomida Migratsiya agentligi sizni vaqtinchalik yashash uchun uy bilan ta`minlaydi. Agar sizda uy ijarasini to’lash uchun pul bo’lmasa, Migratsiya agentligi siz uchun ijara haqini to’lab beradi.

Faqat Migratsiya agentligi tayinlagan joyda yashashingizga to’g’ri keladi

Agar turar joy masalasida Migratsiya agentligi yordamiga suyanadigan bo’lsangiz, qayerda turishingizni o’zingiz tanlay olmaysiz, shu bois, qayerda bo’sh turar joy bo’lsa, o’sha yerga ko’chib borishga tayyor turishingiz kerak. Shuningdek, arizangiz yuzasidan qaror chiqquncha bo’lgan davr davomida sizga berilgan uydan, zarur bo’lganda, boshqa bir uyga ko’chib o’tishingizga ham to’g’ri kelib qolishi mumkin, yangi ariza beruvchilar uchun qo’shimcha joy bo’shatish maqsadida shunday qilishga to’g’ri kelib qolishi mumkin.

Bir uyda boshqa insonlar bilan birga yashashingizga to’g’ri kelishi mumkin 

Migratsiya agentligi uylari faqat boshpana so‘rab murojaat qiluvchilar uchun mo‘ljallangan. Agar sizga shunday uylardan joy berilsa, bu joy faqat o‘zingiz uchun beriladi. Beriladigan uy ko‘pincha kvartira bo‘ladi, unda bir necha kishi birga turadi. Agar oila bo‘lsa, doimo oilani o‘ziga bitta xona beriladi. Yolg‘iz shaxslar esa boshqa insonlar bilan birga yashaydi, ammo erakaklar erkaklar bilan, ayollar ayollar bilan.

Agar sizga biror sabab tufayli alohida maxsus uy kerak bo‘lsa, qabul qilish markazingizga murojaat qiling. Migratsiya agentligi o‘z yashab turgan joyida o‘zini xavfsiz his etishini ta’minlaydi. Bir uyda yashovchi insonlar dini, madaniyati yoki jinsiy mayli (oriyentatsiyasi) dan qat‘iy nazar bir-birini hurmat qilishi va bir-biriga g‘amxo‘rlik ko‘rsatishi juda muhim.

Agar siz lezbian, gey, biseksual yoki transgender inson bo‘lsangiz va turar joy masalasida sizda o‘ziga xos alohida ehtiyojlar bo‘lsa, qabul qilish markazingiz mas‘ul xodimiga murojaat qiling. Siz uchun xavfsiz va sizga to‘g‘ri keladigan uy topish uchun qo‘limizdan kelganini qilamiz.

Agentlik bergan uyda turish huquqingiz poyoniga yetadi

Agar sizga nisbatan deportatsiya yoki mamlakatdan majburan chiqarib yuborish haqida qaror qabul qilingan bo‘lsa yoki mamlakatni ko‘ngilli ravishda tark etishingiz uchun berilgan muddat tugagan bo‘lsa, berilgan uyni bo‘shatib qo‘yishingiz shart. Bu talab 18 yoshgacha bo‘lgan bolalarga ega bo‘lmagan shaxslar uchun amal qiladi. 

O‘z uyingiz

Agar Migratsiya agentligi tomonidan beriladigan uyda yashashni xohlamasangiz, o‘zingiz uchun alohida turar joy topishingiz mumkin. Ko‘pgina insonlar boshpana so‘rab bergan arizalari yuzasidan qaror chiqishini kutish davri davomida do‘stlari yoki qarindoshlarinikida turishni afzal ko‘radilar. Agar o‘zingiz uchun alohida turar joy topib yashashni xohlasangiz, barcha xarajatlarni o‘zingiz to‘laysiz.

Agar biror sababga ko‘ra o‘zingiz uchun alohida topgan turar joyda boshqa yashay olmaydigan bo‘lsangiz, Migratsiya agentligi tomonidan beriladigan uyga ko‘chib o‘tishingiz mumkin. Batafsil ma’lumot uchun o‘zingiz ro‘yxatdan o‘tgan qabul qilish markaziga murojaat qiling.

Migratsiya agentligi beradigan uyda yashashni xohlaysizmi yoki o‘zingiz alohida uy topib yashaysizmi, bundan qat’iy nazar, Migratsiya agentligi siz bilan istalgan vaqtda bog‘lana olishi kerak. Qaror chiqarilishini kutish davrida boshqa turar joyga ko‘chadigan bo‘lsangiz, yangi manziliningiz haqida qabul qilish markaziga bildirib qo‘yishni unutmang.

Agar sizga mamlakatda qolishga ruxsat berilgan bo‘lsa

Agar Migratsiya agentligi tomonidan berilgan uyda yashasangiz, mamlakatda yashash uchun ruxsatnoma olganingizda, yangi uy topish uchun Migratsiya agentligidan yordam olishingiz mumkin. Migratsiya agentligi sizga yangi uy topguncha Migratsiya agentligi bergan uyda yashab turishingiz mumkin. Agar o‘z shaxsiy turar joyingizda yashayotgan bo‘lsangiz yoki ishingiz sababli yashash uchun ruxsatnoma olsangiz, o‘zingiz uchun yangi uy topishingiz kerak. 

Doimiy yashash uchun ruxsatnoma olganingizdan keyingi tartib-taomillar haqida batafsil ma’lumotlarni o‘qish

Ma’lum muddatga yashash uchun ruxsatnoma olganingizdan keyingi tartib-taomillar haqida batafsil ma’lumotlarni o‘qish

Last updated: 24 August 2017

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.