Boshpana uchun ariza berish tartibi

Så här ansöker du om asyl – uzbekiska

Agar Shvetsiyada boshpana olmoqchi boʻlsangiz, Migratsiya Agentligiga ariza berishingiz kerak. Shvetsiyaga kelmasdan turib boshpana soʻrashni iloji yoʻq.

Agar Shvetsiyaga kirib kelayotganda, chegara xodimlariga duch kelsangiz, ularga boshpana soʻramoqchi ekanligingizni ayting. Xalqaro aeroportlarda, portlarda va poyezd va avtobuslar Shvetsiyaga kirib keladigan nuqtalarda chegara xodimlari boʻladi. Chegara xodimlari sizga ba’zi bir savollarni beradi va soʻngra Migratsiya Agentligiga roʻpara qilib qoʻyishadi va siz ularga boshpana arizangizni topshirishingiz mumkin.

Agar Shvetsiyada bo´lsangiz, o´zingiz Migratsiya hizmatiga murojat qilishingiz lozim. Siz Migratsiya hizmatining Boden, Flen, Gävle, Göteborg, Malmö yoki Stokgolmdagi bo´limlariga himoya so´rab ariza topshirishingiz mumkin. Xatto yolg´iz kelgan bolalar ham Norrköpingda ariza topshirishlari mumkin. 

Boshpana arizasi berish uchun Migratsiya Agentligi boʻlimlarini qayerdan topish mumkin (ingliz tilida)

Migratsiya Agentligi arizangizni roʻyxatga oladi

Boshpana soʻrab ariza berganingizda kimligingiz, boshpana soʻrashdan maqsadingiz va Shvetsiyaga qanday kelganingizni tushuntirib berishingiz kerak.

Kimligingiz haqida gapirib berishingiz lozim

Pasport yoki boshqa shaxsingizni tasdiqlovchi hujjatingiz boʻlsa, ularni isbot sifatida koʻrsatishingiz lozim: ism-sharifingiz, tugʻilgan sanangiz va qaysi davlat fuqarosi ekanligingizni tasdiqlash uchun. Shaxsingizni tasdiqlovchi hujjatni koʻrsatishingiz Migratsiya Agentligi tomonidan toʻgʻri qaror qabul qilinishi uchun juda muhimdir.

Agar shaxsingizni tasdiqlash uchun birorta ham hujjatingiz boʻlmasa, kimligingizni boshqa yoʻl bilan isbotlashingiz kerak. Buni misol uchun tugʻilganlik toʻgʻrisidagi guvoxnomangiz, qurrolli kuchlarda roʻyxatdan oʻtganlik toʻgʻrisidagi guvohnoma yoki nikohdan oʻtganlik haqidagi guvohnomani koʻrsatib amalga oshirishingiz mumkin. Yakka tartibda bu hujjatlar sizning shaxsingizni tasdiqlay olmaydi, lekin ba’zan bir necha hujjatlar shaxsni tasdiqlash uchun isbot sifatida qabul qilinishi mumkin.

Nima sababdan kimligingiz haqida gapirib berishingiz lozimligi to´g´risida ko´proq o´qing

Migratsiya Agentligi ismingiz va boshqa shaxsiy ma’lumotlaringizni shaxsingizni tasdiqlovchi hujjatlardan olib sizni boshpana soʻragan arizachi sifatida roʻyxatga oladi. Buning shuni anglatadiki, jinsini almashtirgan shaxslar tugʻilgandagi ismi va jinsiga asoslanib roʻyxatga olinadi. Afsuski, Shvetsiya qonunlari sizni boshqa familiya bilan roʻyxatga olishga ruxsat bermaydi, lekin agar boshqa ism yoki qoʻshimcha nom bilan atalishingizni istasangiz, buni bizga ma’lum qilishingiz kerak va biz buni qayd etib qoʻyamiz. Shu bilan birga, shu bosqichda ma’lum sabablarga koʻra, ma’lum jinsga mansub boʻlgan tarjimon, konsul yoki tergovchi xohlayotganingizni yoki ma’lum jinsga mansub boʻlgan boshqa bir boshpana soʻragan shaxs bilan birga bir xonada yashay olmasligingizni aytib oʻtishingiz maqsadga muvofiqdir.

Suratingiz va barmoq izlaringiz olinadi

Boshpana soʻrab ariza berganingizda suratingiz va barmoq izlaringiz olinadi. Suratingiz Migratsiya Agentligi roʻyxatiga qoʻshib qoʻyiladi va boshpana soʻraganligingizni isboti sifatida beriladigan Boshpana Soʻrovchi kartasiga ishlatiladi. Olti yoshdan kichkina bolalardan barmoq izlari olish talab etilmaydi.

Barmoq izlaringiz Shengen zonasidagi boshqa bir davlatdan boshpana soʻragan boʻlishingiz mumkinligi va istiqomat qilish uchun ruxsatnomangiz borligi yoki cheklovlar borligini tekshirish uchun ishlatiladi. Agar barmoq izlaringiz tekshirilganda, Shvetsiyaga kelish davomida boshqa bir davlatda roʻyxatdan oʻtgan boʻlsangiz yoki boshqa davlatdan boshpana soʻragan boʻlsangiz, Migratsiya Agentligi sizning arizangizni qaysi davlat koʻrib chiqishi kerakligini aniqlaydi. Buni aniqlashda YeIning Dublin Reglamentiga asoslaniladi.

14 yoshga toʻlmagan bolalarning barmoq izlari tekshirilmaydi.

Dublin Reglamenti haqida batafsil ma’lumot oling (ingliz tilida)

Suhbatdan oʻtish

Suratingiz va barmoq izlaringiz olingandan keyin siz arizangizni oʻrganuvchi xodim bilan uchrashasiz. Tarjimon yordamida kimligingizni, oʻz vataningizni tark etishingiz sababi va qanday qilib Shvetsiyaga kelganingizni aytib berasiz. Sizdan oilangiz va sogʻligʻingiz haqida ma’lumot soʻraladi.

Agar nogiron boʻlsangiz, ya’ni sizda jismoniy, ruhiy yoki aqliy zaiflik boʻlsa, buni Migratsiya Agentligiga aytishingiz kerak. Agar bunday zaifligingiz Migratsiya Agentligi bilan boshpana olishga ariza berishingiz davomida muloqot qilishingizni qiyinlashtirsa, yordam soʻrashingiz mumkin. Talablaringizga mos yashash joyiga ham haqlidirsiz.

Siz boshpana olish tartibi haqida ma’lumot olasiz-keyingi bosqich nimaligi va nima qilishingiz kerakligi aytiladi. Turar joy, moliyaviy yordam, tibbiy yordam va farzandlaringizning ta’limi kabi amaliy masalalar boʻyicha ham ma’lumot olasiz.

Qarorni kutish davomida sizning asosiy vazifangiz oʻzingizni moliyaviy tarafdan ta’minlashdir. Agar ishlab pul topish imkoniyatingiz va uy joyingiz boʻlmasa, siz Migratsiya Agentligidan moliyaviy yordam soʻrashingiz mumkin.

Keyinroq siz boshpana masalasidagi tergovga chaqirilasiz va u yerda nega qochib ketganingiz va qaytib ketadigan boʻlsangiz, sizga nimalar boʻlishi mumkinligi haqida gapirib berasiz.

Umuman asossiz ariza berish

Agar sizga boshpana berish uchun umuman hech qanday asos boʻlmasa, tergovchi sizga Migratsiya Agentligi boshpana taqdim etish uchun asos topolmagini va qaror bir necha hafta ichida chiqishini tushuntirib beradi. Agar sizda boshpana olish uchun umuman hech qanday asos boʻlmasa, siz darhol kuchga kiradigan rad qarorini olasiz.

Darhol kuchga kiradigan kirish uchun ruxsatnoma berishga rad qarori haqida batafsil ma’lumot oling

Arizangizni topshirganingizdan keyin

Tergovchi siz taqdim etgan barcha hujjatlarni, Migratsiya Agentligiga bergan ma’lumotlaringizni va barmoq izlari tekshiruvi natijalarini koʻrib chiqadi. Siz taqdim etgan ma’lumotlarga asoslanib tergovchi ishingizni qanchalik sinchkovlik bilan koʻrib chiqish kerakligini belgilaydi. Arizalar turlicha boʻlgani sababli ularga turlicha yondoshgan holda koʻrib chiqish talab etiladi.

Tergovchi arizangizni keyingi tekshiruv uchun tayyorlaydi. Bu boshqa davlat idoralaridan ma’lumot yigʻish kabi ishlarni oʻz ichiga olishi mumkin. Agar arizangizga qoʻshimcha ilovalar qilish kerak boʻlsa, tergovchi siz bilan bogʻlanadi. Unday qoʻshimchalar, misol uchun, agar siz shaxsingizni tasdiqlovchi hujjat bermagan boʻlsangiz, kerak boʻlishi mumkin.

Himoya so´rab topshirgan ariza yuzasidan tergovni kutish

Agar arizangiz Shvetsiyada ko´rib chiqiladigan bo´lsa, u holda Migratsiya hizmati sizning yashash uchun ruhsat olishga haqli yoki haqsiz ekanligingizni ko´rib chiqqunga qadar shu yerda yashab turishingiz mumkin bo´ladi.

Tergovga kelishdan oldin uzoq vaqt o´tishi mumkin. Tergovda Shvetsiyada himoya so´rashingizning sabalari, siz bilan nima sodir bo´lganligi va o´z yurtingizga qaytsangiz nima bo´lishi mumkinligi haqida ko´proq gapirib berasiz. Kutish vaqti hamma uchun turlicha bo´ladi.

Qaror chiqishidan oldin sizni bir nechta uchrashuvga chaqirishlari mumkin. Migratsiya hizmati siz uchun belgilagan vaqtlarda keling. Yangi vaqt belgilash uchun bo´sh vaqtlar juda kam bo´lib, agar biz siz uchun yangi vaqt belgilashimiz lozim bo´lsa, qaroringizni yanada ko´proq kutishingizga to´g´ri keladi.

Tergovni kutish haqida ko´proq o´qing (ingliz tilida)

Manzilingiz haqida xabar bering

Agar boshqa joyga ko´chsangiz, Migratsiya hizmatiga yangi manzilingiz haqida xabar bering, chunki tergov yoki boshqa uchrashuvlar haqida sizga xabar berish uchun yangi manzilingiz biz uchun muhim hisoblanadi. Xatlaringizni doim o´qib turing, shunda Migratsiya hizmati yuborgan xabarlardan bexabar qolmaysiz.

Yashash uchun rushatingizni uzaytirish

Agar yashash uchun ruhsatingiz vaqtinchalik bo´lsa va Shvetsiyada qolmoqchi bo´lsangiz, ruhsatingiz tugashidan oldin uni uzaytirish uchun ariza topshirishingiz lozim. Agar himoyaga davomiy muhtoj bo´lsangiz, yashash uchun ruhsatingiz uzaytirilishi mumkin. Agar Shvetsiyada qolishingiz uchun bosqa sabablaringiz bo´lsa, u holda ham yashash uchun ruhsat olishingiz mumkin.

Yashash uchun ruhsatingizni qanday qilib uzaytirish haqida ko´proq o´qing (ingliz tilida)

Бошпана учун ариза бериш тартиби

Агар Швецияда бошпана олмоқчи бўлсангиз, Миграция Агентлигига ариза беришингиз керак. Швецияга келмасдан туриб бошпана сўрашни иложи йўқ.

Агар Швецияга кириб келаётганда, чегара ходимларига дуч келсангиз, уларга бошпана сўрамоқчи эканлигингизни айтинг. Халқаро аэропортларда, портларда ва поезд ва автобуслар Швецияга кириб келадиган нуқталарда чегара ходимлари бўлади. Чегара ходимлари сизга баъзи бир саволларни беради ва сўнгра Миграция Агентлигига рўпара қилиб қўйишади ва сиз уларга бошпана аризангизни топширишингиз мумкин.

Агар Швецияда бўлсангиз, ўзингиз Миграция ҳизматига мурожат қилишингиз лозим. Сиз Миграция ҳизматининг Буден, Флен, Йевлэ, Ётеберг, Мальмў ёки Стокгольмдаги бўлимларига ҳимоя сўраб ариза топширишингиз мумкин.Ҳатто ёлғиз келган болалар ҳам Норшўпингда ариза топширишлари мумкин.

Бошпана аризаси бериш учун Миграция Агентлиги бўлимларини қаердан топиш мумкин (инглиз тилида)

Миграция Агентлиги аризангизни рўйхатга олади

Бошпана сўраб ариза берганингизда кимлигингиз, бошпана сўрашдан мақсадингиз ва Швецияга қандай келганингизни тасвирлаб беришингиз керак.

Кимлигингиз ҳақида гапириб беришингиз лозим

Паспорт ёки бошқа шахсингизни тасдиқловчи ҳужжатингиз бўлса, уларни исбот сифатида кўрсатишингиз лозим: исм-шарифингиз, туғилган санангиз ва қайси давлат фуқароси эканлигингизни тасдиқлаш учун. Шахсингизни тасдиқловчи ҳужжатни кўрсатишингиз Миграция Агентлиги томонидан тўғри қарор қабул қилиниши учун жуда муҳимдир.

Агар шахсингизни тасдиқлаш учун бирорта ҳам ҳужжатингиз бўлмаса, кимлигингизни бошқа йўл билан исботлашингиз керак. Буни мисол учун туғилганлик тўғрисидаги гувохномангиз, қурролли кучларда рўйхатдан ўтганлик тўғрисидаги гувоҳнома ёки никоҳдан ўтганлик ҳақидаги гувоҳномани кўрсатиб амалга оширишингиз мумкин. Якка тартибда бу ҳужжатлар сизнинг шахсингизни тасдиқлай олмайди, лекин баъзан бир неча ҳужжатлар шахсни тасдиқлаш учун исбот сифатида қабул қилиниши мумкин.

Нима сабабдан кимлигингиз ҳакида гапириб беришингиз лозимлиги тўғрисида кўпроқ ўқинг

Миграция Агентлиги исмингиз ва бошқа шахсий маълумотларингизни шахсингизни тасдиқловчи ҳужжатлардан олиб сизни бошпана сўраган аризачи сифатида рўйхатга олади. Бунинг шуни англатадики, жинсини алмаштирган шахслар туғилгандаги исми ва жинсига асосланиб рўйхатга олинади. Афсуски, Швеция қонунлари сизни бошқа фамилия билан рўйхатга олишга рухсат бермайди, лекин агар бошқа исм ёки қўшимча ном билан аталишингизни истасангиз, буни бизга маълум қилишингиз керак ва биз буни қайд этиб қўямиз. Шу билан бирга, шу босқичда маълум сабабларга кўра, маълум жинсга мансуб бўлган таржимон, консул ёки терговчи хоҳлаётганингизни ёки маълум жинсга мансуб бўлган бошқа бир бошпана сўраган шахс билан бирга бир хонада яшай олмаслигингизни айтиб ўтишингиз мақсадга мувофиқдир.

Суратингиз ва бармоқ изларингиз олинади

Бошпана сўраб ариза берганингизда суратингиз ва бармоқ изларингиз олинади. Суратингиз Миграция Агентлиги рўйхатига қўшиб қўйилади ва бошпана сўраганлигингизни исботи сифатида бериладиган Бошпана Сўровчи картасига ишлатилади. Олти ёшдан кичкина болалардан бармоқ излари олиш талаб этилмайди.

Бармоқ изларингиз Шенген зонасидаги бошқа бир давлатдан бошпана сўраган бўлишингиз мумкинлиги ва истиқомат қилиш учун рухсатномангиз борлиги ёки чекловлар борлигини текшириш учун ишлатилади. Агар бармоқ изларингиз текширилганда, Швецияга келиш давомида бошқа бир давлатда рўйхатдан ўтган бўлсангиз ёки бошқа давлатдан бошпана сўраган бўлсангиз, Миграция Агентлиги сизнинг аризангизни қайси давлат кўриб чиқиши кераклигини аниқлайди. Буни аниқлашда ЕИнинг Дублин Регламентига асосланилади.

14 ёшга тўлмаган болаларнинг бармоқ излари текширилмайди.

Дублин Регламенти ҳақида батафсил маълумот олинг (инглиз тилида)

Суҳбатдан ўтиш

Суратингиз ва бармоқ изларингиз олингандан кейин сиз аризангизни ўрганувчи ходим билан учрашасиз. Таржимон ёрдамида кимлигингизни, ўз ватанингизни тарк этишингиз сабаби ва қандай қилиб Швецияга келганингизни айтиб берасиз. Сиздан оилангиз ва соғлиғингиз ҳақида маълумот сўралади.

Агар ногирон бўлсангиз, яъни сизда жисмоний, руҳий ёки ақлий заифлик бўлса, буни Миграция Агентлигига айтишингиз керак. Агар бундай заифлигингиз Миграция Агентлиги билан бошпана олишга ариза беришингиз давомида мулоқот қилишингизни қийинлаштирса, ёрдам сўрашингиз мумкин. Талабларингизга мос яшаш жойига ҳам ҳақлидирсиз.

Сиз бошпана олиш тартиби ҳақида маълумот оласиз-кейинги босқич нималиги ва нима қилишингиз кераклиги айтилади. Турар жой, молиявий ёрдам, тиббий ёрдам ва фарзандларингизнинг таълими каби амалий масалалар бўйича ҳам маълумот оласиз.

Қарорни кутиш давомида сизнинг асосий вазифангиз ўзингизни молиявий тарафдан таъминлашдир. Агар ишлаб пул топиш имкониятингиз ва уй жойингиз бўлмаса, сиз Миграция Агентлигидан молиявий ёрдам сўрашингиз мумкин.

Кейинроқ сиз бошпана масаласидаги терговга чақириласиз ва у ерда нега қочиб кетганингиз ва қайтиб кетадиган бўлсангиз, сизга нималар бўлиши мумкинлиги ҳақида гапириб берасиз.

Умуман асоссиз ариза бериш

Агар сизга бошпана бериш учун умуман ҳеч қандай асос бўлмаса, терговчи сизга Миграция Агентлиги бошпана тақдим этиш учун асос тополмагини ва қарор бир неча ҳафта ичида чиқишини тушунтириб беради. Агар сизда бошпана олиш учун умуман ҳеч қандай асос бўлмаса, сиз дарҳол кучга кирадиган рад қарорини оласиз.

Дарҳол кучга кирадиган кириш учун рухсатнома беришга рад қарори ҳақида батафсил маълумот олинг

Аризангизни топширганингиздан кейин

Терговчи сиз тақдим этган барча ҳужжатларни, Миграция Агентлигига берган маълумотларингизни ва бармоқ излари текшируви натижаларини кўриб чиқади. Сиз тақдим этган маълумотларга асосланиб терговчи ишингизни қанчалик синчковлик билан кўриб чиқиш кераклигини белгилайди. Аризалар турлича бўлгани сабабли уларга турлича ёндошган ҳолда кўриб чиқиш талаб этилади.

Терговчи аризангизни кейинги текширув учун тайёрлайди. Бу бошқа давлат идораларидан маълумот йиғиш каби ишларни ўз ичига олиши мумкин. Агар аризангизга қўшимча иловалар қилиш керак бўлса, терговчи сиз билан боғланади. Ундай қўшимчалар, мисол учун, агар сиз шахсингизни тасдиқловчи ҳужжат бермаган бўлсангиз, керак бўлиши мумкин.

Ҳимоя сўраб топширган ариза юзасидан терговни кутиш

Агар аризангиз Швецияда кўриб чиқиладиган бўлса, у ҳолда Миграция ҳизмати сизнинг яшаш учун руҳсат олишга ҳақли ёки ҳақсиз эканлигингизни кўриб чиққунга қадар шу ерда яшаб туришингиз мумкин бўлади.

Терговга келишдан олдин узоқ вақт ўтиши мумкин. Терговда Швецияда ҳимоя сўрашингизнинг сабаблари, сиз билан нима содир бўлганлиги ва ўз юртингизга қайтсангиз нима бўлиши мумкинлиги ҳақида кўпроқ гапириб берасиз. Кутиш вақти хамма учун турлича бўлади.

Қарор чиқишидан олдин сизни бир нечта учрашувга чақиришлари мумкин. Миграция ҳизмати сиз учун белгилаган вақтга келинг. Янги вақт белгилаш учун бўш вақтлар жуда кам бўлиб, агар биз сиз учун янги вақт белгилашимиз лозим бўлса, қарорингизни янада кўпроқ кутишингизга тўғри келади.

Бошпана Терговни кутиш ҳақида кўпроқ ўқинг (инглиз тилида)

Манзилингиз ҳақида хабар беринг

Агар бошқа жойга кўчсангиз, Миграция ҳизматига янги манзилингиз ҳақида хабар беринг, чунки тергов ёки бошқа учрашувлар ҳақида сизга хабар бериш учун янги манзилингиз биз учун муҳим ҳисобланади. Хатларингизни доим ўқиб туринг, шунда Миграция ҳизмати юборган хабарлардан бехабар қолмайсиз.

Яшаш учун руҳсатингизни узайтириш

Агар яшаш учун руҳсатингиз вақтинчалик бўлса ва Швецияда қолмоқчи бўлсангиз, руҳсатингиз тугашидан олдин уни узайтириш учун ариза топширишингиз лозим. Агар ҳимояга давомий муҳтож бўлсангиз, яшаш учун руҳсатингиз узайтирилиши мумкин. Агар Швецияда қолишингиз учун бошқа сабабларингиз бўлса, у ҳолда ҳам яшаш учун руҳсат олишингиз мумкин.

Яшаш учун руҳсатингизни қандай қилиб узайтириш ҳақида кўпроқ ўқинг (инглиз тилида)

Last updated: 2 October 2017

Was the information on this page helpful to you?