Boshpana soʻraganlar uchun doimiy istiqomat qilish ruxsatnomasi

Permanent uppehållstillstånd för asylsökande – uzbekiska

Agar sizga doimiy istiqomat qilish ruxsatnomasi berilgan boʻlsa, siz Shvetsiyada yashayotganlar bilan teng sharoitda yashab, ishlash huquqiga ega boʻlasiz.

Sizning doimiy istiqomat qilish ruxsatnomangiz Shvetsiyada yashash muddati davomida kuchga egadir. Siz yashash ruxsatnomasi kartasini istiqomat qilish ruxsati borligiga isbot sifatida olasiz. Ushbu karta shaxsni tasdiqlovchi yoki sayohat hujjati emas. Mamlakat boʻylab va mamlakatdan tashqarida sayohat qilishingiz mumkin, lekin Shvetsiyadan chiqib ketayotgan vaqtingizda qayta kirish uchun amaldagi pasportingiz va rezident kartangiz boʻlishi kerak. Shu bilan birga, doimiy istiqomat qilish ruxsati haqidagi qaror ham qoʻlingizda boʻlishi kerak. Boshqa davlat tashkilotlari bilan aloqa qilishingiz kerak boʻlganda, bu hujjatlar sizga as qotadi.

Istiqomat qilish ruxsatnomasi muddatini uzaytirish shart emas, lekin rezident kartasi amal qilish muddati besh yildir. Rezident kartasini yangilash uchun Shvetsiya Migratsiya Agentligiga kelib, suratga tushishingiz va barmoq izlaringiz olinishi zarur.

Rezident kartalari haqida batafsil ma’lumot oling

Aholi roʻyxatida roʻyxatdan oʻtish

Doimiy istiqomat qilish ruxsatnomasini olganingizda, Shvetsiya Soliq Agentligi (Skatteverket) qoshidagi aholi roʻyxatida imkon qadar tezroq roʻyxatdan oʻtishingiz kerak. Muxojirlar uchun shved tili darslarini olish va Shvetsiya ijtimoiy himoya tizimi imtiyozlaridan foydalanish huquqiga ega boʻlish uchun aholi roʻyxatida roʻyxatdan oʻtishingiz lozim. Aholi roʻyxatidan oʻtganingizdan keyin siz Shvetsiya shaxsni tasdiqlash hujjatini ham olishingiz mumkin, chunki bu hujjat, misol uchun, sizga bank hisob raqami ochmoqchi boʻlganingizda kerak boʻladi.

Aholi roʻyxatidan oʻtish uchun siz Shvetsiya Soliq Agentligiga borishingiz kerak va Agentlik sizning manzilingiz, oilaviy ahvolingiz (turmush qurganmisiz yoki yoʻq), qaysi davlat fuqarosi ekanligingiz va tugʻilgan joyingiz haqidagi ma’lumotni qayd qiladi. Shvetsiya Soliq Agentligiga borganingizda oʻzingiz bilan rezident kartangiz va amaldagi shaxsni tasdiqlovchi hujjatni olib borishingiz kerak. Agar Shvetsiya Migratsiya Agentligi shaxsingizni tasdiqlovchi hujjatni olib qolgan boʻlsa, undan nusxa soʻrashingiz mumkin. Asliga toʻgʻriligini tasdiqlash maqsadida nusxa uni bergan shaxs tomonidan imzolangan boʻlishi kerak. U shaxs oʻzining ismini katta harflarda telefon raqami bilan birga yozib berishi kerak.

Aholini roʻyxatga olishga oid Shvetsiya Soliq Agentligi ma’lumoti (ingliz tilida)external link, opens in new window

Mehnat faoliyati joriy tadbirlari

Yaqinda Shvetsiyada yashash uchun ruhsat olgan va shu yerda ishlashga haqli bo´lgan inson sifatida sizga mehnat bozoriga tezroq chiqib ketishingizda ko´mak beruvchi turli joriy tadbirlar taklif etiladi. Joriy tadbirlar turli ko´mak beruvchi faoliyatlar bo´lib, shular orasida sizga shvet tili o´rgatish, mehnat bozoriga chiqishingiz va o´zingizni ta´minlashingizda yordam beruvchi tadbirlar mavjud. Shvetsiyada joriy tadbirlar va ish qidiruvchilar bilan Arbetsförmedlingen (Mehnat inspeksiyasi) shug´ullanadi. Mehnat inspeksiyasining internet sahifasida ko´proq ma´lumotlarni topishingiz mumkin. Ma´lumotlar turli tillarda mavjud.

Mehnat inspeksiyasining web-sahifasidagi joriy tadbirlar haqida ma´lumotlar (ingliz tilida)external link, opens in new window

Arbetsformedling (Ish ta’minoti bo’yicha yordamchi tashkilot) sizga 65 yoshga to’lguningizcha, yani Shvetsiyada nafaqa yoshigacha sizga ish topishda yordam berishi mumkin. Shvetsiyaga yoshi ancha katta bo’lib kelganlar ko’pincha juda kam nafaqa yoki umuman nafaqa olmasliklari mumkin. Agar siz nafaqa olmasangiz, u holda Pensionsmyndigheten (Nafaqa qo’mitasi) ga murojat qilishingiz va qarilik moddiy yordami olish uchun ariza yozishingiz mumkin.

Pensionsmyndighet (Nafaqa qo’mitasi) sahifasida qarilik moddiy yordami haqida o’qishingiz mumkin (shved tilida)external link, opens in new window

Oila birlashishi

Agarda sizga doimiy istiqomat qilish ruxsatnomasi berilgan boʻlsa, sizning oila a’zolarnigiz ham siz bilan Shvetsiyada birlashishi uchun istiqomat qilish ruxstanomasiga ariza topshirishlari mumkin.

U holda siz moddiy ta’minot talabini qondirishingizga toʻgʻri keladi. Buning ma’nosi siz oʻzingizni va oila a’zolaringizni moddiy tomonlama ta’minlash imkoniyatiga ega boʻlishingiz kerak. Oilangiz Shvetsiyaga birga yashash uchun koʻchib kelganida, yetarli kattalikdagi va sharoitga ega boʻlgan uy-joyingiz boʻlishi shart.

Oila birlashishi va moddiy ta’minot talabi haqida batafsil ma’lumot oling

Istiqomat qilish ruxsatnomasi bekor qilinishi mumkin

Sizning doimiy istiqomat qilish ruxsatnomangiz Shvetsiyani tark etsangiz bekor qilinishi mumkin. Agar siz Shvetsiya Migratsiya Agentligini doimiy istiqomat qilish ruxsatnomasini saqlab qolmoqchi ekanligingiz haqida xabardor qilsangiz, chet elda yurgan vaqtingizda ham, sizning ruxsatnomangiz ikki yil davomida oʻz kuchiga ega boʻladi.

Agar ikki yildan soʻng Shvetsiyaga qaytmasangiz, Migratsiya Agentligi sizning istiqomat qilish ruxsatnomangizni bekor qiladi. Agar istiqomat qilish ruxsatnomasiga ariza bergan vaqtingizda yolgʻon ma’lumot bergan yoki arizangizni koʻrib chiqish vaqtida ta’siri boʻlishi mumkin boʻlgan muhim ma’lumotni bila turib yashirgan boʻlsangiz, istiqomat qilish ruxsatnomangiz bekor qilinishi mumkin.

Agar jinoyat sodir etsangiz, sud sizni deportatsiya qilish uchun qaror chiqarishi mumkin. U holda Migratsiya Agentligi istiqomat qilish ruxsatnomasini bekor qiladi. Sizning istiqomat qilish ruxsatnomangiz bir necha yil oldin berilganligiga qaramasdan bekor qilinishi mumkin.

Doimiy istiqomat qilish ruxsatnomasini saqlab qolish xabarnomasi

Uzoq muddat boshqa mamlakatda qolib doimiy istiqomat qilish ruxsatnomasini saqlab qolish uchun Anmälan om att få behålla permanent uppehållstillstånd (doimiy istiqomat qilish ruxsatnomasini saqlab qolish xabarnomasi), 186011 raqamli formani toʻldirishingiz kerak. Formani migrationsverket@migrationsverket.se yoki

Migrationsverket
601 70 Norrköping

manzilga yuboring. Xabarnomangiz Shvetsiyadan chiqib ketishingizdan bir hafta oldin Shvetsiya Migratsiya Agentligiga yetib kelishi kerak. Agar sayohatingiz bekor qilingan boʻlsa, bu haqda Shvetsiya Migratsiya Agentligiga ketishingiz kerak boʻlgan kundan kechiktirmasdan xabar berishingiz shart.

Doimiy istiqomat qilish ruxsatnomasini saqlab qolish xabarnomasi,186011 raqamli forma (shved tilida)PDF

Doimiy istiqomat qilish ruxsatnomasini saqlab qolish xabarnomasi,187011 raqamli forma (ingliz tilida)PDF

Yashash uchun ruhsati tufayli Shvetsiyaga yangi ko’chib kelganlar uchun ma’lumotlar

Yashashga ruhsat berilganligi haqidagi qarorni saqlab qo’yishni unutmang. Turli davlat organlari va tashkilotlari bilan muloqot qilganingizda qarordan foydalanasiz.

Yashash joyingizga ro’yhatga turish va shved shaxsiy raqami olish uchun Skatteverketexternal link, opens in new window (Soliq qo’mitasiga) murojat qilasiz.

Ijtimoiy himoya tizimiga (sug’urta) yozilish uchun esa Försäkringskassanexternal link, opens in new window (Davlat sug’urta qo’mitasiga) murojat qilasiz.

Ba’zi munisipalitetlarda munisipalitet uy-joy ta’minoti bo’yicha tashkilotlar mavjud va ular yordamida uy-joy qidirishingiz mumkin. Bundan tashqari munisipalitetlar hususiy uy egalari bilan bog’lanish haqida yordam ham berishadi.

Siz yashab turgan munisipalitet bolalar uchun maktab/bog’cha masalasida yordam beradi.

Agar Shvetsiyaga qochoq sifatida kelgan bo’lsangiz, u holda uyingizni jihozlash uchun kredit so’rash imkoniyatiga egasiz. www.csn.se/hemutrustningslanexternal link, opens in new window

Tibbiyot masalasida yashab turgan tumaningizga murojat qiling. external link1177 Vårdguiden Tibbiyot bo’yicha ko’rsatmalarda butun mamlakatda tibbiyot qidirish.external link, opens in new window

SFI (muhojirlar uchun shved tili) da o’qish uchun yashab turgan munisipalitetingizga murojat qiling. Sveriges kommuner och regionerexternal link, opens in new window (Shvetsiya munisipalitetlari va tumanlari) sahifasini ham ko’rishingiz mumkin.

Agar ish izlasangiz, Arbetsförmedlingenexternal link, opens in new window (Ish bilan ta’minlash qo’mitasida) ro’yhatdan o’tishingiz mumkin.

Pensionsmyndighetenexternal link, opens in new window (Nafaqa qo’mitasi) da siz haqingizda yani Shvetsiyaga yoshi ancha katta bo’lib kelganlar va kam nafaqa yoki umuman nafaqa olmaydiganlar uchun qarilik moddiy yordami haqida shved tilida ma’lumotlar mavjud.

Oliy o’quv yurtlari bo’yicha ma’lumotlarni Antagning.seexternal link, opens in new window yoki studera.nuexternal link, opens in new window sahifasida topishingiz mumkin.

O’qish uchun moddiy yordam masalasida CSN, Centrala studiestödsnämndenexternal link, opens in new window (Ta’lim bo’yicha markaziy moddiy yordam qo’mitasiga) murojat qilishingiz mumkin.

Haydovchilik guvohnomasi bo’yicha Transportstyrelsenexternal link, opens in new window (Transport qo’mitasiga) murojat qilishingiz mumkin.

Ovoz berish huquqi masalasida Valmyndighetenexternal link, opens in new window (Saylov qo’mitasiga) murojat qilishingiz mumkin.

Shvetsiyada maktablar masalasi yuzasidan Skolverketexternal link, opens in new window (Maktab qo’mitasiga) murojat qilasiz.

Shvetsiya va shved jamiyati haqida ma’lumotlarni turli tillarda Information om Sverigeexternal link, opens in new window (Shvetsiya haqida ma’lumotlar) sahifasida o’qishingiz mumkin.

Shvetsiyada jamiyat haqida ko’proq ma’lumotlarni Svenska institutet (Shvetsiya organlarining) internet sahifasidaexternal link, opens in new window o’qishingiz mumkin.

Hej hej Sverige!external link, opens in new window (Salom salom Shvetsiya) sahifasida Shvetsiyada yashash tarzi haqida qisqa va qiziqarli filmlarni ko’rishingiz mumkin.

Lära svenska www.informationsverige.se sahifasida shved tilini o’rganingexternal link, opens in new window sahifasida o’zingiz mustaqil ravishda shved tili o’rganishingiz uchun turli dasturlarni topish mumkin.

Konsumentverkets upplysningstjänstexternal link, opens in new window (Iste’molchilar qo’mitasining ma’lumotlar hizmatida) harid yoki shartnomalar haqida savollaringizga javob topishingiz mumkin.

Бошпана сўраганлар учун доимий истиқомат қилиш рухсатномаси

Агар сизга доимий истиқомат қилиш рухсатномаси берилган бўлса, сиз Швецияда яшаётганлар билан тенг шароитда яшаб, ишлаш ҳуқуқига эга бўласиз.

Сизнинг доимий истиқомат қилиш рухсатномангиз Швецияда яшаш муддати давомида кучга эгадир. Сиз яшаш рухсатномаси картасини истиқомат қилиш рухсати борлигига исбот сифатида оласиз. Ушбу карта шахсни тасдиқловчи ёки саёҳат ҳужжати эмас. Мамлакат бўйлаб ва мамлакатдан ташқарида саёҳат қилишингиз мумкин, лекин Швециядан чиқиб кетаётган вақтингизда қайта кириш учун амалдаги паспортингиз ва резидент картангиз бўлиши керак. Шу билан бирга, доимий истиқомат қилиш рухсати ҳақидаги қарор ҳам қўлингизда бўлиши керак. Бошқа давлат ташкилотлари билан алоқа қилишингиз керак бўлганда, бу ҳужжатлар сизга ас қотади.

Истиқомат қилиш рухсатномаси муддатини узайтириш шарт эмас, лекин резидент картаси амал қилиш муддати беш йилдир. Резидент картасини янгилаш учун Швеция Миграция Агентлигига келиб, суратга тушишингиз ва бармоқ изларингиз олиниши зарур.

Резидент карталари ҳақида батафсил маълумот олинг

Аҳоли рўйхатида рўйхатдан ўтиш

Доимий истиқомат қилиш рухсатномасини олганингизда, Швеция Солиқ Агентлиги (Skatteverket) қошидаги аҳоли рўйхатида имкон қадар тезроқ рўйхатдан ўтишингиз керак. Мухожирлар учун швед тили дарсларини олиш ва Швеция ижтимоий ҳимоя тизими имтиёзларидан фойдаланиш ҳуқуқига эга бўлиш учун аҳоли рўйхатида рўйхатдан ўтишингиз лозим. Аҳоли рўйхатидан ўтганингиздан кейин сиз Швеция шахсни тасдиқлаш ҳужжатини ҳам олишингиз мумкин, чунки бу ҳужжат, мисол учун, сизга банк ҳисоб рақами очмоқчи бўлганингизда керак бўлади.

Аҳоли рўйхатидан ўтиш учун сиз Швеция Солиқ Агентлигига боришингиз керак ва Агентлик сизнинг манзилингиз, оилавий аҳволингиз (турмуш қурганмисиз ёки йўқ), қайси давлат фуқароси эканлигингиз ва туғилган жойингиз ҳақидаги маълумотни қайд қилади. Швеция Солиқ Агентлигига борганингизда ўзингиз билан резидент картангиз ва амалдаги шахсни тасдиқловчи ҳужжатни олиб боришингиз керак. Агар Швеция Миграция Агентлиги шахсингизни тасдиқловчи ҳужжатни олиб қолган бўлса, ундан нусха сўрашингиз мумкин. Аслига тўғрилигини тасдиқлаш мақсадида нусха уни берган шахс томонидан имзоланган бўлиши керак. У шахс ўзининг исмини катта ҳарфларда телефон рақами билан бирга ёзиб бериши керак.

Аҳолини рўйхатга олишга оид Швеция Солиқ Агентлиги маълумоти (инглиз тилида)external link, opens in new window

Оила бирлашиши

Агарда сизга доимий истиқомат қилиш рухсатномаси берилган бўлса, сизнинг оила аъзоларнигиз ҳам сиз билан Швецияда бирлашиши учун истиқомат қилиш рухстаномасига ариза топширишлари мумкин.

У ҳолда сиз моддий таъминот талабини қондиришингизга тўғри келади. Бунинг маъноси сиз ўзингизни ва оила аъзоларингизни моддий томонлама таъминлаш имкониятига эга бўлишингиз керак. Оилангиз Швецияга бирга яшаш учун кўчиб келганида, етарли катталикдаги ва шароитга эга бўлган уй-жойингиз бўлиши шарт.

Оила бирлашиши ва моддий таъминот талаби ҳақида батафсил маълумот олинг

Истиқомат қилиш рухсатномаси бекор қилиниши мумкин

Сизнинг доимий истиқомат қилиш рухсатномангиз Швецияни тарк этсангиз бекор қилиниши мумкин. Агар сиз Швеция Миграция Агентлигини доимий истиқомат қилиш рухсатномасини сақлаб қолмоқчи эканлигингиз ҳақида хабардор қилсангиз, чет элда юрган вақтингизда ҳам, сизнинг рухсатномангиз икки йил давомида ўз кучига эга бўлади.

Агар икки йилдан сўнг Швецияга қайтмасангиз, Миграция Агентлиги сизнинг истиқомат қилиш рухсатномангизни бекор қилади. Агар истиқомат қилиш рухсатномасига ариза берган вақтингизда ёлғон маълумот берган ёки аризангизни кўриб чиқиш вақтида таъсири бўлиши мумкин бўлган муҳим маълумотни била туриб яширган бўлсангиз, истиқомат қилиш рухсатномангиз бекор қилиниши мумкин. Агар жиноят содир этсангиз, суд сизни депортация қилиш учун қарор чиқариши мумкин. У ҳолда Миграция Агентлиги истиқомат қилиш рухсатномасини бекор қилади. Сизнинг истиқомат қилиш рухсатномангиз бир неча йил олдин берилганлигига қарамасдан бекор қилиниши мумкин.

Доимий истиқомат қилиш рухсатномасини сақлаб қолиш хабарномаси

Узоқ муддат бошқа мамлакатда қолиб доимий истиқомат қилиш рухсатномасини сақлаб қолиш учун Anmälan om att få behålla permanent uppehållstillstånd (доимий истиқомат қилиш рухсатномасини сақлаб қолиш хабарномаси), 186011 рақамли формани тўлдиришингиз керак. Формани migrationsverket@migrationsverket.se ёки

Migrationsverket
601 70 Norrköping

манзилга юборинг. Хабарномангиз Швециядан чиқиб кетишингиздан бир ҳафта олдин Швеция Миграция Агентлигига етиб келиши керак. Агар саёҳатингиз бекор қилинган бўлса, бу ҳақда Швеция Миграция Агентлигига кетишингиз керак бўлган кундан кечиктирмасдан хабар беришингиз шарт.

доимий истиқомат қилиш рухсатномасини сақлаб қолиш хабарномаси,186011 рақамли форма (shved tilida)PDF

доимий истиқомат қилиш рухсатномасини сақлаб қолиш хабарномаси,187011 рақамли форма (ingliz tilida)PDF

Яшаш учун руҳсати туфайли Швецияга янги кўчиб келганлар учун маълумотлар

Яшашга руҳсат берилганлиги ҳақидаги қарорни сақлаб қўйишни унутманг. Турли давлат органлари ва ташкилотлари билан мулоқот қилганингизда қарордан фойдаланасиз.

Яшаш жойингизга рўйҳатга туриш ва швед шахсий рақами олиш учун Skatteverketexternal link, opens in new window (Солиқ қўмитасига) мурожат қиласиз.

Ижтимоий ҳимоя тизимига (суғурта) ёзилиш учун эса Försäkringskassanexternal link, opens in new window (Давлат суғурта қўмитасига) мурожат қиласиз.

Баъзи муниципалитетларда муниципалитет уй-жой таъминоти бўйича ташкилотлар мавжуд ва улар ёрдамида уй-жой қидиришингиз мумкин. Бундан ташқари муниципалитетлар ҳусусий уй эгалари билан боғланиш ҳақида ёрдам ҳам беришади.

Сиз яшаб турган муниципалитет болалар учун мактаб/боғча масаласида ёрдам беради.

Агар Швецияга қочоқ сифатида келган бўлсангиз, у ҳолда уйингизни жиҳозлаш учун кредит сўраш имкониятига эгасиз. www.csn.se/hemutrustningslanexternal link, opens in new window

Тиббиёт масаласида яшаб турган туманингизга мурожат қилинг. 1177 Vårdguiden (Тиббиёт бўйича кўрсатмаларда бутун мамлакатда тиббиёт қидириш) саҳифасида тиббиёт ҳақида маълумотлар топишингиз мумкин.external link, opens in new window

SFI (муҳожирлар учун швед тилида) ўқиш учун яшаб турган муниципалитетингизга мурожат қилинг. Sveriges kommuner och regionerexternal link, opens in new window (Швеция муниципалитетлари ва туманлари) саҳифасини ҳам кўришингиз мумкин.

Агар иш изласангиз, Arbetsförmedlingenexternal link, opens in new window (Иш билан таъминлаш қўмитасида) рўйҳатдан ўтишингиз мумкин.

Pensionsmyndighetenexternal link, opens in new window (Nafaqa qo’mitasi) da siz haqingizda yani Shvetsiyaga yoshi ancha katta bo’lib kelganlar va kam nafaqa yoki umuman nafaqa olmaydiganlar uchun qarilik moddiy yordami haqida shved tilida ma’lumotlar mavjud.

Олий ўқув юртлари бўйича маълумотларни Antagning.seexternal link, opens in new window ёки studera.nuexternal link, opens in new window саҳифасида топишингиз мумкин.

Ўқиш учун моддий ёрдам масаласида CSN, Centrala studiestödsnämndenexternal link, opens in new window (Таълим бўйича марказий моддий ёрдам қўмитасига) мурожат қилишингиз мумкин.

Ҳайдовчилик гувоҳномаси бўйича Transportstyrelsenexternal link, opens in new window (Транспорт қўмитасига) мурожат қилишингиз мумкин.

Овоз бериш ҳуқуқи масаласида Valmyndighetenexternal link, opens in new window (Сайлов қўмитасига) мурожат қилишингиз мумкин.

Швецияда мактаблар масаласи юзасидан Skolverketexternal link, opens in new window (Мактаб қўмитасига) мурожат қиласиз.

Швеция ва швед жамияти ҳақида маълумотларни турли тилларда Information om Sverigeexternal link, opens in new window (Швеция ҳақида маълумотлар) саҳифасида ўқишингиз мумкин.

Швецияда жамият ҳақида кўпроқ маълумотларни Svenska institutet (Швеция органларининг) интернет саҳифасидаexternal link, opens in new window ўқишингиз мумкин.

Hej hej Sverige!external link, opens in new window (Салом салом Швеция) саҳифасида Швецияда яшаш тарзи ҳақида қисқа ва қизиқарли фильмларни кўришингиз мумкин.

Lära svenska www.informationsverige.se (саҳифасида швед тилини ўрганинг)external link, opens in new window саҳифасида ўзингиз мустақил равишда швед тили ўрганишингиз учун турли дастурларни топиш мумкин.

Konsumentverkets upplysningstjänstexternal link, opens in new window (Истеъмолчилар қўмитасининг маълумотлар ҳизматида) ҳарид ёки шартномалар ҳақида саволларингизга жавоб топишингиз мумкин.

Last updated: 25 November 2019

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.