Qochoqlik arizangizga rad javobini olsangiz

Om du får avslag på din ansökan om asyl – uzbekiska

Arizangizga rad javobini berishgan bo´lsa, bu Migratsiya hizmati sizda Shvetsiyada qolishingiz uchun yetarli sabab mavjud emas degan hulosaga kelganligi tushuniladi. Agar sizga rad javobini berishsa, sizda ikkita tanlov qoladi: qarorni qabul qilish va qaytib ketish, yoki unga e´tiroz bildirib ariza yozish. Agar e´tiroz bildirishni tanlasangiz, u holda arizangizni sud ko´rib chiqadi. E´tiroz arizasini yozsangizda, lekin qaytib ketishni rejalashtiravering.

Agar chiqib ketish/chiqarib yuborish qarorini qabul qilsangiz, u holda qarordan roziman degan qog´ozga imzo chekasiz. Qarorga rozilik bildirib imzo chekkandan so´ng, unga e´tiroz bildira olmaysiz va yurtingizga qaytishga reja tuzishingiz lozim. Rozilik bildirib imzo chekmasangiz ham baribir qaytishingiz yuzasidan Migratsiya hizmati bilan hamkorlik qilishingiz muhim.

Chiqib ketish qarori odatda to´rt yil kuchda bo´ladi.

Shvetsiyadan chiqib ketadiganlar uchun ko´proq ma´lumotlarni shu yerda o´qing

Qaytib ketishga ko´maklashish/yordam

Qaysi davlatdan kelganligingizga qarab yurtingizda sizga birinchi vaqtlar oson bo´lishi uchun moliyaviy va boshqa yordam usullari mavjud.

Qaytib ketishda kimlar uchun yordam berilishi haqida shu yerda ko´proq o´qing

Agar qarorga rioya qilmasangiz

Agar qaroringizda yozilgan vaqt ichida Shvetsiyadan chiqib ketmasangiz, Migratsiya hizmatidan uy-joy va moliyaviy yordam huquqidan mahrum bo´lasiz va sizga qaytib kirish uchun taqiq qo´yiladi.

Migratsiya hizmati yana sizga nisbatan chiqib ketishingizga qadar kuzatuvga olish yoki ushlab turish qarorini chiqarishi mumkin. Bundan tashqari Migratsiya hizmati sizning chiqib ketish yuzasidan qaroringiz ijrosini politsiyaga topshirishi ham mumkin.

Kuzatuvga olish va ushlab turish haqida shu yerda ko´proq o´qing

E´tiroz bildirish

Agar Migratsiya hizmati qaroridan norozi bo´lsangiz, uning ustidan e´tiroz arizasini yozishingiz mumkin. E´tiroz arizasini yozganda siz suddan Migratsiya hizmati qarorini ko´rib chiqishini so´ragan hisoblanasiz. E´tiroz arizasi ma´lum vaqt ichida yoziladi. Topshirish vaqti qaroringizda yozilgan bo´ladi.

Qanday qilib e´tiroz bildirish va sizda buning uchun qancha vaqt borligi haqida shu yerda ko´proq o´qing

Rad javobidan so´ng sodir bo´ladiga yangi hodisalar

Agar qaytib ketishingizga to´sqinlik qiladigan biror hodisa yuz bersa, bu haqida qabul bo´limingizga xabar bering. Shunda Migratsiya hizmati sizni chiqarib yuborishga to´siq borligini ko´rib chiqadi. Bu siz
qarordan xabar topgandan so´ng kelgan yangi ma´lumot bo´lishi kerak.

Rad javobidan keyingi yangi hodisalar haqida shu yerda ko´proq o´qing 

Last updated: 2019-09-11

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.