Agar shikoyat qilmoqchi boʻlsangiz

Om du vill överklaga – uzbekiska

Migratsiya Agentligining boshpana uchun arizangizni rad etishi, Shvetsiyada istiqomat qilish huquqiga ega emassiz degani. Siz bu qarorni tan olishingiz yoki qaror ustidan shikoyat qilishingiz mumkin. Shikoyat qilishga qaror qilgan boʻlsangiz-da, qaytish rejasini tuzib qoʻyishingiz kerak.

Agar Migratsiya hizmatining qaroridan norozi bo´lsangiz, qaror ustidan shikoyat qilishga haqlisiz. Shikoyatni Migratsiya sudi ko´rib chiqadi, lekin o´z shikoyatingizni Migratsiya hizmatiga yuborasiz. Agar huquqiy maslahatchingiz bo´lsa, u sizga yordam berishi mumkin. Qarorda qancha vaqt ichida shikoyat qilishingiz lozimligi ko´rsatilgan bo´ladi, ko´pincha qarordan xabar topgan kuningizdan boshlab uch hafta ichida shikoyat qilishingiz mumkin.

Quyida qarorning turiga qarab shikoyat qilish muddatlari haqida ma’lumot berilgan.

Migratsiya sudi shikoyatingizni koʻrib chiqadi

Migratsiya Agentligi avvalo qarorni oʻzgartirish imkoniyatlarini koʻrib chiqadi. Agar Migratsiya Agentligi qarorni oʻzgartirishga sabab topmasa, shikoyatingiz Migratsiya Sudiga joʻnatiladi. Sud qarorni oʻzgartirishi yoki Migratsiya Agentligi qarorini tasdiqlashi mumkin.

Shikoyatingiz Migratsiya sudiga (Migratsiya Agentligi emas) taqdim etilganidan soʻng, shikoyatinizni koʻrib chiqilishi bilan bogʻliq barcha savollar bilan sudga murojaat qilishingiz kerak. Shikoyatingiz sudga joʻnatilganidan keyin Migratsiya Agentligi sizga konsul bilan uchrashishingiz uchun safar xarajatlariga mablagʻ bermaydi.

Agar siz shikoyatingizni qaytarib olmoqchi boʻlsangiz, Migratsiya Agentligi bilan bogʻlanib qarorni qabul qilishingizni tasdiqlashingiz kerak. U holda shikoyatingiz koʻrib chiqilmaydi va siz qaytadan shikoyat bera olmaysiz.

Shikoyat arizasini qanday tayyorlash kerak

Agar Migratsiya Agentligi qaroriga norozi boʻlsangiz, u holda Migratsiya Agentligi qarorining qaysi biri oʻzgartirilishi kerakligi va sababini koʻrsatgan xat yozishingiz kerak. Sizning vajlaringizni isbotlaydigan barcha hujjatlarni (iloji boʻlsa asl nusxasini) taqdim eting.

Shikoyatingizda shaxsiy ma’lumotlaringiz va ish raqamingiz ham koʻrsatilishi kerak. Ish raqamingiz Boshpana soʻrovchi kartasida koʻrsatilgan (shved tilida LMA). Migratsiya Agentligi va Migratsiya Sudi siz bilan bogʻlana olishi uchun telefon raqamingizni va manzilingizni ham koʻrsating.

Shikoyatingiz Migratsiya Agentligiga muddat oʻtmasdan yetib borishi juda muhimdir. Quyida qarorning turiga qarab, shikoyat qilish muddatingiz haqida ma’lumot berilgan.

Agar oʻzingiz shikoyat qila olmasangiz, u holda boshqa biror shaxsdan sizning nomingizdan shikoyat qilishni iltimos qilishingiz mumkin. U holda Migratsiya Agentligiga ishonchnoma taqdim qilishingiz kerak.

Ishonchnoma nima degani?

Ishonchnoma imzo qo´yilgan xat bo´lib, unda ruhsat olish uchun ariza topshirmoqchi bo´lgan shaxs boshqa shaxsga uning nomidan ish ko´rishiga ruhsat beradi. Ishonchnoma, masalan ariza topshirishga, qaror sabablarini ko´rib chiqishga yoki qarorga norozilik arizasi yozishga ruhsat berishi mumkin. Ishonchnoma o´z huquqlarini boshqaga bermoqchi bo´lgan shaxs tomonidan yozilishi va Migratsiya hizmati talab qilganda uning haqiqiy nushasini ko´rsatib berishi lozim.

Boshqa shaxsga ishonchnoma beruvchilar Migratsiya hizmatiga quyidagi ma´lumotlarni o´z
ichiga olgan xat yuborishi lozim

  • bu ishinchnoma bo´lishi
  • boshqaga ishonchnoma berayotgan shaxsning ism-sharifi, tug´ilgan sanasi va manzili bo´lishi
  • ishonchnoma berilgan shaxs qanday huquqlarga egaligi
  • ishonchnoma olgan shaxsning ism-sharifi, shaxsiy raqami va manzili bo´lishi
  • boshqaga ishonchnoma beruvchi shaxsning imzosi
  • Ishonchnomaning imzolangan sanasi va joyi.

Migratsiya Sudi qarori ustidan shikoyat qilmoqchi boʻlsangiz

Agar Migratsiya sudi qaroridan norozi bo´lsangiz, u holda sud qaroridan xabar topgan kuningizdan boshlab uch hafta ichida qaror ustidan Migratsiya yuqori sudiga shikoyatingizni yuborishingiz mumkin. Migratsiya yuqori sudi eng so´ngi instansiya bo´lib, uning qarorlari Migratsiya hizmati va Migratsiya sudlari uchun shunga o´xshash ishlarda qaror chiqarishda muhim rol o´ynaydi.

Migratsiya Sudi Shikoyatlar boʻlimi faqatgina ba’zi bir shikoyatlarni koʻrib chiqadi, bunday shikoyatlar oldin shunga oʻxshash ishlar koʻrilmaganligi sababli (ya’ni yoʻriq mavjud emas) yoki Migratsiya Sudi shikoyatni notoʻgʻri tahlil qilgani sababli koʻrilishi mumkin. Aksariyat hollarda Migratsiya Sudi Shikoyatlar boʻlimiga taqdim etilgan shikoyatlar rad etiladi, ya’ni Migratsiya Sudining qarori oʻz kuchida qoladi demakdir.

Turli qarorlar uchun turli shikoyat muddatlari

Migratsiya Agentligi shikoyatingizni muddati oʻtmasdan turib qabul qilib olishi kerak. Agar siz Migratsiya Sudi qaroridan norozi boʻlib shikoyat qilayotgan boʻlsangiz, u holda shikoyatni belgilangan muddat ichida joʻnatishingiz kerak. Qaror hujjatlarida shikoyat muddati koʻrsatilgan boʻladi.

Muddati oʻtib ketganidan keyin qaror ustidan shikoyat qila olmaysiz va qaror qonuniy kuchga kirgan hisoblanadi.

Shikoyat qilish muddatlari

Qaror turi

Shikoyat berish muddati

Deportatsiya qilish to

qarordan xabar topgan kuningizdan boshlab uch hafta ichida

Darhol kuchga kiradigan kirishga rad qarori

qarordan xabar topgan kuningizdan boshlab uch hafta ichida

Migratsiya Sudi qarori

qarordan xabar topgan kuningizdan boshlab uch hafta ichida

Huquqiy maqom deklaratsiyasi boʻyicha qaror

qarordan xabar topgan kuningizdan boshlab uch hafta ichida

Safar hujjatlari boʻyicha qaror

qarordan xabar topgan kuningizdan boshlab uch hafta ichida

Xorijlik pasporti boʻyicha qaror

qarordan xabar topgan kuningizdan boshlab uch hafta ichida

Shvetsiyani tark etmaganingiz sababli Shengen davlatlariga qayta kirishga taqiq

Migratsiya Agentligi qaror chiqargan kundan boshlab uch hafta ichida

Boshqa sabablar tufayli qayta kirishga taqiq

qarordan xabar topgan kuningizdan boshlab uch hafta ichida

Maxsus nafaqat boʻyicha qaror

qarordan xabar topgan kuningizdan boshlab uch hafta ichida

Kunlik yordam pulini kamaytirish yoki toʻxtatish boʻyicha qaror

Migratsiya Agentligi qaror qilgan kundan boshlab besh hafta ichida

Qoʻshimcha himoya boʻyicha muqobil deklaratsiya (agar sizga qochqin maqomi berilishi kerak, deb hisoblasangiz)

qarordan xabar topgan kuningizdan boshlab uch hafta ichida

Nazorat yoki xibsga olish qarori

Istalgan vaqtda

 

Quyidagi qarorlarga shikoyat qila olmaysiz

  • qarorni qabul qilganingizdan va qabul qilish hujjatini imzolaganingizdan keyingi qaror
  • Migratsiya Sudi Shikoyat boʻlimining sizni ishingizni koʻrib chiqmasligi toʻgʻrisidagi qarori
  • sizga vaqtinchalik istiqomat ruxsatnomasi berish qarori.

Агар шикоят қилмоқчи бўлсангиз

Миграция Агентлигининг бошпана учун аризангизни рад этиши, Швецияда истиқомат қилиш ҳуқуқига эга эмассиз дегани. Сиз бу қарорни тан олишингиз ёки қарор устидан шикоят қилишингиз мумкин. Шикоят қилишга қарор қилган бўлсангизда, қайтиш режасини тузиб қўйишингиз керак.

Агар Миграция ҳизматининг қароридан норози бўлсангиз, қарор устидан шикоят қилишга ҳақлисиз. Шикоятни Миграция суди кўриб чиқади, лекин ўз шикоятингизни Миграция ҳизматига юборасиз. Агар ҳуқуқий маслаҳатчингиз бўлса, у сизга ёрдам бериши мумкин. Қарорда қанча вақт ичида шикоят қилишингиз лозимлиги кўрсатилган бўлади, кўпинча қарордан хабар топган кунингиздан бошлаб уч ҳафта ичида шикоят қилишингиз мумкин.

Қуйида қарорнинг турига қараб шикоят қилиш муддатлари ҳақида маълумот берилган.

Миграция суди шикоятингизни кўриб чиқади

Миграция Агентлиги аввало қарорни ўзгартириш имкониятларини кўриб чиқади. Агар Миграция Агентлиги қарорни ўзгартиришга сабаб топмаса, шикоятингиз Миграция Судига жўнатилади. Суд қарорни ўзгартириши ёки Миграция Агентлиги қарорини тасдиқлаши мумкин.

Шикоятингиз Миграция судига (Миграция Агентлиги эмас) тақдим этилганидан сўнг, шикоятинизни кўриб чиқилиши билан боғлиқ барча саволлар билан судга мурожаат қилишингиз керак. Шикоятингиз судга жўнатилганидан кейин Миграция Агентлиги сизга консул билан учрашишингиз учун сафар харажатларига маблағ бермайди.

Агар сиз шикоятингизни қайтариб олмоқчи бўлсангиз, Миграция Агентлиги билан боғланиб қарорни қабул қилишингизни тасдиқлашингиз керак. У ҳолда шикоятингиз кўриб чиқилмайди ва сиз қайтадан шикоят бера олмайсиз.

Шикоят аризасини қандай тайёрлаш керак

Агар Миграция Агентлиги қарорига норози бўлсангиз, у ҳолда Миграция Агентлиги қарорининг қайси бири ўзгартирилиши кераклиги ва сабабини кўрсатган хат ёзишингиз керак. Сизнинг важларингизни исботлайдиган барча ҳужжатларни (иложи бўлса асл нусхасини) тақдим этинг.

Шикоятингизда шахсий маълумотларингиз ва иш рақамингиз ҳам кўрсатилиши керак. Иш рақамингиз Бошпана сўровчи картасида кўрсатилган (швед тилида LMA). Миграция Агентлиги ва Миграция Суди сиз билан боғлана олиши учун телефон рақамингизни ва манзилингизни ҳам кўрсатинг.

Шикоятингиз Миграция Агентлигига муддат ўтмасдан етиб бориши жуда муҳимдир. Қуйида қарорнинг турига қараб, шикоят қилиш муддатингиз ҳақида маълумот берилган.

Агар ўзингиз шикоят қила олмасангиз, у ҳолда бошқа бирор шахсдан сизнинг номингиздан шикоят қилишни илтимос қилишингиз мумкин. У ҳолда Миграция Агентлигига ишончнома тақдим қилишингиз керак.

Last updated: 6 April 2017

Was the information on this page helpful to you?