Boshpana arizasi rad etilganda oʻz xohishi bilan qaytish

Återvända självmant när du har fått avslag på din ansökan om asyl – uzbekiska

Oʻz xohishi bilan qaytish Shvetsiyada qolishga rad qarorini tan olishingiz va siz oʻz yurtingizga qaytib ketish orqali hamkorlik qilishingizni anglatadi.

Kirishga ruxsat berilmagani yoki majburan chiqarib yuborilish qarorini olganingizdan keyin siz ishingizni koʻrib chiqqan xodim bilan qaytishingizni muhokama qilish uchun chaqirilasiz. Muhokama davomida sizning sharoitingizda boshqa mavjud boʻlgan muqobil yechimlar haqida ma’lumot olasiz va shuningdek, unda istagan savolingizni berishingiz ham mumkin boʻladi.

Agar oʻzingiz qaytish safarini rejalashtira olmasangiz, siz va ishingizni koʻrib chiqqan xodim birgalikda qaytish rejasini tuzasizlar va unda siz nimalar qilishingiz va Migratsiya Agentligi nimalar qilishi batafsil belgilab olinadi. Misol uchun, siz oʻz elchixonangiz bilan bogʻlanib pasport olishingiz mumkin, Migratsiya Agentligi esa agar toʻxtalishlar va sayohatingiz davomida boshqa samalyotga oʻtishlar boʻlsa, sizga tranzit vizalar olishda yordam berishi mumkin.

Ikki yoki toʻrt hafta ichida qaytib ketish

Agar sizga nisbatan majburan chiqarib yuborish qarori chiqarilgan boʻlsa, qaror kuchga kirgan sanadan boshlab toʻrt hafta ichida mamlakatni tark etishingiz shart. Agar sizga nisbatan kirishni rad etish haqidaqaror chiqarilgan boʻlsa, qarorda boshqa koʻrsatmalar belgilangan boʻlmasa, qaror kuchga kirgan sanadan boshlab ikki hafta ichida mamlakatni tark etishingiz shart.

Qaror qabul qilingan kundan boshlab uch haftadan soʻng kuchga kiradi, agar undan oldin shikoyat arizasini bermasangiz.

Agar siz qaroringizda belgilangan muddat ichida Shvetsiya hududini tark etmasangiz, odatda qayta kirishga taqiq qoʻyiladi. Bu taqiq Shengen zonasi mamlakatlari hamda Ruminiya, Bolgariya va Xorvatiya hududida ham amal qiladi. Qayta kirish taqiqi bir yil davomida kuchga ega boʻladi.

Qayta kirish taqiqi va taqiq olishdan saqlanish haqida batafsil ma’lumot olish

Darhol kuchga kiradigan kirish ruxsatiga rad qarori

Darhol kuchga kiradigan kirish uchun rad javobi qarorini olganingizda, qarorni olishingiz bilan Shvetsiya hududini tark etishingiz kerak. Qarorni olgan kuningizdan keyin uch hafta mobaynida shikoyat arizasi berishingiz mumkin, lekin sud qarorini kutish davrida Shvetsiyada qolishingiz mumkin emas.

Darhol kuchga kiradigan kirish uchun rad javobi qarorini olganingizda, Shvetsiyadan darhol chiqib ketgan taqdiringizda ham, odatda qayta kirish taqiqi oʻz kuchida boʻladi. Buning ma’nosi shuki, darhol kuchga kiradigan kirish uchun rad javobi qarori olganingizda, siz Ruminiya, Bolgariya va Xorvatiya va Shengen zonasida boʻlgan mamlakatlarga ikki yil davomida kira olmaysiz.

Oʻz vataningizga emas, balki boshqa mamlakatga qaytish

Evropa Ittifoqidagi boshqa bir mamlakat

Migratsiya Agentligi boshqa bir YeIga a’zo mamlakatga borishingizni va sizning boshpana arizangizni oʻsha yerda koʻrib chiqilishi boʻyicha qaror qabul qilishi mumkin. Bunday qaror, masalan, Shvetsiyaga kelishingizdan oldin boshqa YeI davlatida ma’lum vaqt boʻlgan boʻlsangiz yoki boshqa YeI davlatiga viza olgan boʻlsangiz yoki boshpana soʻragan boʻlsangiz, qabul qilinishi mumkin. Bu qoidalarni Dublin Reglamentidan topishingiz mumkin.

Agar buni oʻrniga oʻz yurtingizga qaytishni istasangiz, bu qaroringiz ma’qullanishi mumkin, faqatgina agar bu istagingiz qaytishingizni orqaga surmasa yoki u sezilarli darajada qimmatga tushmasa.

Dublin Reglamenti va nima sababdan boshpana arizangiz koʻrib chiqiladigan davlatni tanlay olmasligingiz haqida batafsil ma’lumot oling (igliz tilida)

Qarorda belgilangan mamlakat emas, balki boshqa mamlakat

Kirish uchun rad javobi yoki majburan chiqarib yuborilish qarorida belgilangan mamlakatga qaytishingiz shart. Odatda bu siz fuqarosi boʻlgan mamlakat boʻladi.

Ammo qarorda koʻrsatilgan mamlakatdan boshqa mamlakatga qaytishingiz ham mumkin, agar u mamlakat sizni qabul qilishini isbotlay olsangiz. Bu holda sizga amal qiladigan pasport va u mamlakatda istiqomat qilish ruxsatnomasi kerak boʻladi. Sayyohlik vizasi yoki vizadan ozod etilganlik buning uchun yetarli boʻlmaydi. Agar bu holat qaytib ketishingizni orqaga surilishiga yoki sezilarli darajada qimmatga tushadigan boʻlsa, unda ruxsat berilmaydi.

Sayohat hujjatlarini tayyorlash uchun oʻzingiz mas’ul hisoblanasiz

Belgilangan muddat ichida qaytib ketish uchun pasport yoki vaqtinchalik sayohat hujjatlarini olish oʻzingizning zimmangizda hisoblanadi.

Agar yordam kerak boʻlsa, Migratsiya Agentligi siz uchun vataningizdagi tegishli idoralar bilan bogʻlanib, pasport uchun ariza berishlari mumkin. Bu holda Migratsiya Agentligi vataningizdagi idoralarga shaxsiyma’lumotingizni taqdim etishlari shart boʻladi, lekin biz sizni Shvetsiyada boshpana soʻraganligingiz haqidagi ma’lumotni oshkor etmaymiz.

Agar pasport olish uchun boshqa yoʻl boʻlmasa, istisno tariqasida, sizga vaqtinchalik amal qiladigan xorijlik pasporti Migratsiya Agentligi tomonidan berilishi mumkin. Bu holda vaqtinchalik xorijlik pasporti oʻz vataningizga qaytishingiz uchungina yaraydi.

Sayohat uchun chipta

Qaytish safari uchun chipta sotib olish bevosita oʻzingizning zimmangizda boʻladi. Agar bunga qurbingiz yetmasa, Migratsiya Agentligi chiptaga buyurtma berib, chipta uchun toʻlovni oʻzi toʻlab berishi mumkin.

Arizangizni qaytarib olishingiz mumkin

Boshpana uchun bergan arizangiz hatto koʻrilmasdan turib topshirgan arizangizni qaytarib olib, oʻz xohishingiz bilan vataningizga qaytishingiz mumkin. Qaytish safaringizni rejalashtirishda roʻyxatdan oʻtgan qabul boʻlimingizdagi ishingizni koʻrib chiqayotgan xodim bilan bogʻlanib undan yordam olishingiz mumkin.

Qaytishga yordam

Qabul boʻlimi xodimi bilan qaytish uchun qanday yordam kerakligi haqida gaplashing. Masalan, mamlakatingizdagi ahvol haqida ma’lumot berishi mumkin boʻlgan yoki qaytish uchun maslahat va yordam berishi mumkin boʻlgan Shvetsiyadagi tashkilotlar yoki mamlakatingizga qaytganingizdan keyin yordam olish mumkin boʻlgan mamlakatingizdagi tashkilotlar bilan bogʻlanishda yordam olishingiz mumkin.

Oʻz xohishingiz bilan qaytayotganda, ba’zi holatlarda, qaytadan oʻz oʻrnini topish yordamiga ariza berishingiz mumkin.

Qaytadan oʻz oʻrnini topish yordamiga kimlar ariza berishi mumkinligi va yordam nimalarni oʻz ichiga olishi haqida batafsil ma’lumot oling

Бошпана аризаси рад этилганда ўз хоҳиши билан қайтиш

Ўз хоҳиши билан қайтиш Швецияда қолишга рад қарорини тан олишингиз ва сиз ўз юртингизга қайтиб кетиш орқали ҳамкорлик қилишингизни англатади.

Киришга рухсат берилмагани ёки мажбуран чиқариб юборилиш қарорини олганингиздан кейин сиз ишингизни кўриб чиққан ходим билан қайтишингизни муҳокама қилиш учун чақириласиз. Муҳокама давомида сизнинг шароитингизда бошқа мавжуд бўлган муқобил ечимлар ҳақида маълумот оласиз ва шунингдек, унда истаган саволингизни беришингиз ҳам мумкин бўлади.

Агар ўзингиз қайтиш сафарини режалаштира олмасангиз, сиз ва ишингизни кўриб чиққан ходим биргаликда қайтиш режасини тузасизлар ва унда сиз нималар қилишингиз ва Миграция Агентлиги нималар қилиши батафсил белгилаб олинади. Мисол учун, сиз ўз элчихонангиз билан боғланиб паспорт олишингиз мумкин, Миграция Агентлиги эса агар тўхталишлар ва саёҳатингиз давомида бошқа самалётга ўтишлар бўлса, сизга транзит визалар олишда ёрдам бериши мумкин.

Икки ёки тўрт ҳафта ичида қайтиб кетиш

Агар сизга нисбатан мажбуран чиқариб юбориш қарори чиқарилган бўлса, қарор кучга кирган санадан бошлаб тўрт ҳафта ичида мамлакатни тарк этишингиз шарт. Агар сизга нисбатан киришни рад этиш ҳақидаиқарор чиқарилган бўлса, қарорда бошқа кўрсатмалар белгиланган бўлмаса, қарор кучга кирган санадан бошлаб икки ҳафта ичида мамлакатни тарк этишингиз шарт.

Қарор қабул қилинган кундан бошлаб уч ҳафта сўнгр кучга киради, агар ундан олдин шикоят аризасини бермасангиз.

Агар сиз қарорингизда белгиланган муддат ичида Швеция ҳудудини тарк этмасангиз, одатда қайта киришга тақиқ қўйилади. Бу тақиқ Шенген зонаси мамлакатлари ҳамда Руминия, Болгария ва Хорватия ҳудудида ҳам амал қилади. Қайта кириш тақиқи бир йил давомида кучга эга бўлади.

Қайта кириш тақиқи ва тақиқ олишдан сақланиш ҳақида батафсил маълумот олиш

Дарҳол кучга кирадиган кириш рухсатига рад қарори

Дарҳол кучга кирадиган кириш учун рад жавоби қарорини олганингизда, қарорни олишингиз билан Швеция ҳудудини тарк этишингиз керак. Қарорни олган кунингиздан кейин уч ҳафта мобайнида шикоят аризаси беришингиз мумкин, лекин суд қарорини кутиш даврида Швецияда қолишингиз мумкин эмас.

Дарҳол кучга кирадиган кириш учун рад жавоби қарорини олганингизда, Швециядан дарҳол чиқиб кетган тақдирингизда ҳам, одатда қайта кириш тақиқи ўз кучида бўлади. Бунинг маъноси шуки, дарҳол кучга кирадиган кириш учун рад жавоби қарори олганингизда, сиз Руминия, Болгария ва Хорватия ва Шенген зонасида бўлган мамлакатларга икки йил давомида кира олмайсиз.

Ўз ватанингизга эмас, балки бошқа мамлакатга қайтиш

Европа Иттифоқидаги бошқа бир мамлакат

Миграция Агентлиги бошқа бир ЕИга аъзо мамлакатга боришингизни ва сизнинг бошпана аризангизни ўша ерда кўриб чиқилиши бўйича қарор қабул қилиши мумкин. Бундай қарор, масалан, Швецияга келишингиздан олдин бошқа ЕИ давлатида маълум вақт бўлган бўлсангиз ёки бошқа ЕИ давлатига виза олган бўлсангиз ёки бошпана сўраган бўлсангиз, қабул қилиниши мумкин. Бу қоидаларни Дублин Регламентидан топишингиз мумкин.

Агар буни ўрнига ўз юртингизга қайтишни истасангиз, бу қарорингиз маъқулланиши мумкин, фақатгина агар бу истагингиз қайтишингизни орқага сурмаса ёки у сезиларли даражада қимматга тушмаса.

Дублин Регламенти ва нима сабабдан бошпана аризангиз кўриб чиқиладиган давлатни танлай олмаслигингиз ҳақида батафсил маълумот олинг (igliz tilida)

Қарорда белгиланган мамлакат эмас, балки бошқа мамлакат

Кириш учун рад жавоби ёки мажбуран чиқариб юборилиш қарорида белгиланган мамлакатга қайтишингиз шарт. Одатда бу сиз фуқароси бўлган мамлакат бўлади.

Аммо қарорда кўрсатилган мамлакатдан бошқа мамлакатга қайтишингиз ҳам мумкин, агар у мамлакат сизни қабул қилишини исботлай олсангиз. Бу ҳолда сизга амал қиладиган паспорт ва у мамлакатда истиқомат қилиш рухсатномаси керак бўлади. Сайёҳлик визаси ёки визадан озод этилганлик бунинг учун етарли бўлмайди. Агар бу ҳолат қайтиб кетишингизни орқага сурилишига ёки сезиларли даражада қимматга тушадиган бўлса, унда рухсат берилмайди.

Саёҳат ҳужжатларини тайёрлаш учун ўзингиз масъул ҳисобланасиз

Белгиланган муддат ичида қайтиб кетиш учун паспорт ёки вақтинчалик саёҳат ҳужжатларини олиш ўзингизнинг зиммангизда ҳисобланади.

Агар ёрдам керак бўлса, Миграция Агентлиги сиз учун ватанингиздаги тегишли идоралар билан боғланиб, паспорт учун ариза беришлари мумкин. Бу ҳолда Миграция Агентлиги ватанингиздаги идораларга шахсий маълумотингизни тақдим этишлари шарт бўлади, лекин биз сизни Швецияда бошпана сўраганлигингиз хақидаги маълумотни ошкор этмаймиз.

Агар паспорт олиш учун бошқа йўл бўлмаса, истисно тариқасида, сизга вақтинчалик амал қиладиган хорижлик паспорти Миграция Агентлиги томонидан берилиши мумкин. Бу ҳолда вақтинчалик хорижлик паспорти ўз ватанингизга қайтишингиз учунгина ярайди.

Саёҳат учун чипта

Қайтиш сафари учун чипта сотиб олиш бевосита ўзингизнинг зиммангизда бўлади. Агар бунга қурбингиз етмаса, Миграция Агентлиги чиптага буюртма бериб, чипта учун тўловни ўзи тўлаб бериши мумкин.

Аризангизни қайтариб олишингиз мумкин

Бошпана учун берган аризангиз ҳатто кўрилмасдан туриб топширган аризангизни қайтариб олиб, ўз хоҳишингиз билан ватанингизга қайтишингиз мумкин. Қайтиш сафарингизни режалаштиришда рўйхатдан ўтган қабул бўлимингиздаги ишингизни кўриб чиқаётган ходим билан боғланиб ундан ёрдам олишингиз мумкин.

Қайтишга ёрдам

Қабул бўлими ходими билан қайтиш учун қандай ёрдам кераклиги хақида гаплашинг. Масалан, мамлакатингиздаги аҳвол ҳақида маълумот бериши мумкин бўлган ёки қайтиш учун маслаҳат ва ёрдам бериши мумкин бўлган Швециядаги ташкилотлар ёки мамлакатингизга қайтганингиздан кейин ёрдам олиш мумкин бўлган мамлакатингиздаги ташкилотлар билан боғланишда ёрдам олишингиз мумкин.

Ўз хоҳишингиз билан қайтаётганда, баъзи ҳолатларда, қайтадан ўз ўрнини топиш ёрдамига ариза беришингиз мумкин.

Қайтадан ўз ўрнини топиш ёрдамига кимлар ариза бериши мумкинлиги ва ёрдам нималарни ўз ичига олиши ҳақида батафсил маълумот олинг

Last updated: 2017-02-21

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.