The Swedish Migration Agency logotype

Boshpana olish uchun arizangiz rad etilganidan keyin paydo boʻlgan yangi voqeliklar

Nya händelser efter avslag – uzbekiska

Shikoyat qilinmaydigan qaror ma’nosi shuki, siz mamlakatni qarorda belgilangan muddat ichida tark etishingiz kerak. Istisno holatlarda, biror voqea yuz berishi mumkin va shu sababli, siz qaytib ketishingiz belgilab qoʻyilgan qaror amalda boʻlishiga qaramasdan vataningizga keta olmaysiz. Bu ijro toʻsiqlari deb ataladi - kirish ruxsatnomasi rad etilishi yoki majburan chiqarib yuborilish qarorini ijro etish uchun toʻsiqlardir.

Migratsiya Agentligi uyga qaytish safaringizni bekor qilishi mumkin, agar qarorni olganingizdan keyin yangi ma’lumotlar paydo boʻlsa. Masalan bu

  • vataningizdagi siyosiy holat oʻzgarganligi va siz u yerga qaytib bora olmasligingiz boʻlishi mumkin;
  • juda ham qattiq qasal boʻlganligingiz uchun safarga chiqa olmasligingiz boʻlishi mumkin;
  • siz oʻlimga olib borishi mumkin boʻlgan xastalikka duchor boʻlsangiz va oʻz vataningizda kerakli tibbiy yordamni olish imkoni boʻlmasa;
  • sizning oilaviy vaziyatingiz oʻzgargan boʻlsa.

Uyga qaytish safaringizdan xavotirda ekanligingiz yoki oʻz vataningizdagi ijtimoiy yoki iqtisodiy muammolar Migratsiya Agentligi oʻzining chiqargan qarorini oʻzgartirishi uchun yetarli sabab boʻla olmaydi.

Migrat­siya Agent­li­giga yozishingiz mumkin

Agar qaytishingizga toʻsqinlik qilayotgan yangi sabablarni koʻrib chiqishimizni xohlasangiz, Migratsiya Agentligiga xat yozishingiz mumkin. Xatingizda quyidagilarni koʻrsatishingiz kerak

  • ish raqamingizni (ish raqamingiz LMA kartangizda koʻrsatilgan);
  • vaziyatingizdagi yangi ma’lumotlar va nima sababdan qayta olmasligingiz; va 
  • manzilingizni.

Agar xatingizda koʻrsatayotgan ma’lumotlarni tasdiqlovchi hujjatlar boʻlsa, ularni ilova qilishingiz kerak, iloji boʻlsa asl nusxalarini.

Xatda ism-sharifingiz va imzongiz koʻrsatilishi kerak. Qarorni tezroq olish uchun xatni shved yoki ingliz tilida yozing.

Agar xatni oʻzingiz yoza olmasangiz, boshqa biror kimsadan buni iltimos qilishingiz mumkin; u holda Migratsiya Agentligiga ishonchnoma taqdim etishingiz kerak boʻladi.

Ishonchnoma nima?

Ishonchnoma bu ruhsat so´rayotgan odamning boshqa odamga uning o´rniga ish ko´rishiga ruhsat berilayotgan va imzo qo´yilgan xat hisoblanadi. Ishonchnoma boshqa birovga masalan, ariza yozish, qaror sabablaridan xabardor bo´lish yoki qarorga e´tiroz bildirish huquqini berish hisoblanadi. Ishonchnoma ishonch bildiruvchi tomonidan yozilib, agar Migratsiya hizmati talab qilganda, asl nusxada topshiriladi.

Boshqa odam uchun ishonchnoma berish uchun siz Migratsiya hizmatiga quyidagi ma´lumotlarni o´z ichiga olgan xat topshirasiz:

  • bu ishonchnoma ekanligi
  • boshqaga ishonchnoma berayotgan odamning ismi, tug´ilgan sanasi va manzili
  • ishonchnoma olgan insonga qanday huquqlar berilganligi
  • ishonchnoma olgan odamning ismi, shaxsiy raqami va manzili
  • boshqaga ishonchnoma berayotgan odamning imzosi
  • ishonchnoma imzolangan sana va joy nomi.

Power of Attorney, form number 107011 (ingliz tilida) PDF

Migratsiya Agentligi oʻz tashabbusi bilan uyga qaytish safaringizni bekor qilishi mumkin

Uyga qaytib keta olmasligingiz haqidagi yangi ma’lumotlar paydo boʻlganligini Migratsiya Agentligi bilishi shart. Qarorni amalga oshirishga toʻsqinlik qiladigan toʻsiqlar haqida yozma ravishda boʻlmasa ham ogʻzaki ravishda ma’lumot bersangiz, Migratsiya Agentligi qaytish safarini bekor qilishi uchun yetarli boʻlishi mumkin. Politsiya xodimlari ham Migratsiya Agentligiga uyga qaytish safarini amalga oshirishdagi toʻsqinliklar haqida ma’lumot berishlari kerak.

Qaror

Shvetsiya Migratsiya Agentligi qarorni sizga pochta orqali yuboradi.

Qaror ijrosi to´xtatilgan bo´lsada, [o´z yurtigiga] qaytish yuzasidan ish davom etaveradi

Sizning ishingizga nisbatan chiqarilgan qaror ijrosi to´xtatilgan bo´lsada, ya´ni sizga nisbatan davlatdan chiqib ketish haqidagi qaror ijro qilinmasada, sizning yurtingizga qaytishingiz yuzasidan ish davom etaveradi. Sizga baribir o´z yurtingizga yoki yashashga ruhsatingiz bo´lgan boshqa davlatga qaytishingiz uchun kerakli hujjatlarni, masalan pasportingiz yoki vaqtinchalik bo´lsada amal qiluvchi sayohat hujjatlari va boshqalarni topish/to´g´irlash ma´suliyati yuklatiladi va sizni suhbatga yoki qarorni e´lon qilishi uchun uchrashuvga chaqirishlari mumkin. Bu ma´lumotlar qaror ijrosini to´xtatish arizasi yozilgan
va unga nisbatan hali qaror qabul qilinmagan vaziyatlarga ham tegishli.

Qaytishdan oldin siz nimalar qilishingiz lozimligi haqida ko´proq o´qing

Last updated: 2021-01-20

Was the information on this page helpful to you?