Darhol kuchga kiradigan kirish ruxsatiga rad qarori

Avvisning som ska genomföras omedelbart – uzbekiska

Agar siz himoyaga muhtoj emasligingiz yoki istiqomat qilish ruxsatnomasini olish uchun boshqa sabablaringiz yoʻqligi aniq boʻlsa, Shvetsiya Migratsiya Agentligi darhol kuchga kiradigan kirish ruxsatiga rad qarorini qabul qiladi. Agar shunday qaror olsangiz, Shvetsiyani darhol tark etishingiz kerak.

Arizangizga chiqarilgan rad qarorining amal qilish muddati toʻrt yil. Agar siz darhol kuchga kiradigan kirish ruxsatnomasiga rad qarorini olsangiz, sizga qayta kirish taqiqi tegishli boʻladi, buning ma’nosi shuki, siz Ruminiya, Bolgariya va Xorvatiya va Shengen zonasida boʻlgan mamlakatlarga ikki yil davomida kira olmaysiz.

Qarorni qabul qilish

Qabul qilish deklaratsiyasi nomli hujjatga imzo qoʻyish bilan qarorni qabul qilganingizni koʻrsatishingiz mumkin. Deklaratsiyaga imzo qoʻyganingizdan keyin shikoyat qila olmaysiz va Shvetsiyani darhol tark etishingiz kerak. Qarorni qabul qilmagan boʻlsangiz ham, qarorni olishingiz zahotiyoq Shvetsiyani darhol tark etishingiz kerak.

Qaror ustidan shikoyat qilish

Qarorni qabul qilmasangiz, shikoyat qilishga haqlidirsiz, lekin baribir Shvetsiyani darhol tark etishingiz kerak. Sizning shikoyatingiz Migratsiya Agentligiga qarorni olgan kuningizdan boshlab uch hafta ichida yetib borishi kerak.

Qarorga qarshi shikoyat berish boʻyicha batafsil ma’lumot oling

Qaytish safarini rejalashtirish

Qarorni olganingizdan keyin Shvetsiyani darhol tark etishingiz kerak. Qaytish safarini rejalashtirish, amaldagi pasportni olish va oʻz vataningizga yoki istiqomat qilish ruxsatnomasi boʻlgan mamlakatda qaytish uchun kerakli boʻlgan boshqa hujjatlarni tayyorlash sizning vazifangizdir. Migratsiya Agentligi oʻz vataningiz bilan bogʻlanishda yoki safar uchun buyurtma berishda koʻmaklashishi mumkin.

Oʻz xohishi bilan qaytish safari haqida batafsil ma’lumot oling

Yashash joyi, bank kartasi, va Boshpana Soʻrovchi Kartasi

Qarorni olganingizdan keyin uch hafta oʻtsa, ortiq shikoyat qila olmaysiz. Buning ma’nosi shuki, siz bundan buyon Migratsiya Agentligi taqdim etgan yashash joyiga yoki moliyaviy yordamga haqli emassiz. Agar siz yoshi katta shaxs boʻlib, 18 yoshga toʻlmagan bola bilan birga yashamasangiz va uning vasiyi boʻlmasangiz, bu holat sizga tegishlidir.

Shvetsiyani tark etishdan oldin siz Boshpana Soʻrovchi Kartasini (LMA-kartasi) Migratsiya Agentligiga qaytarishingiz kerak. Agar siz Migratsiya Agentligidan bank kartasi olgan boʻlsangiz, hisobingizdagi barcha mablagʻni yechib olib kartani qaytarishingiz kerak. Agar Migratsiya Agentligi sizga ajratib bergan turar joyda yashagan boʻlsangiz, turar joyni boʻshatib kalitni qaytarishingiz kerak.

Tibbiy yordam va maktab

Shvetsiyani tark etish kuniga qadar siz oldingi kabi tibbiy xizmatlardan foydalanishga xaqlidirsiz, lekin qaytib ketish qarori chiqqan kundan boshlab va moliyaviy yordam bekor qilingandan keyin siz dori-darmon yoki tibbiy xizmatlar xarajatlari uchun nafaqani olmaysiz.

Bolalar Shvetsiyada qolguniga qadar maktabga borish huquqiga egadirlar.

Bolalar va boshpana haqida batafsil ma’lumot oling

Agar siz qarorga boʻysunmasangiz

Agar siz Shvetsiyani tark etishda hamkorlik qilmasangiz, Migratsiya Agentligi sizni nazorat ostida yoki xibsda ushlab turishga qaror qilishi mumkin. Nazorat qilish degani siz doimiy ravishda Migratsiya Agentligida yoki politsiya mahkamasida roʻyxatdan oʻtib turishingizdir. Agar siz xibsga olinsangiz, siz qaytib ketguningizga qadar qulflangan yerda yashaysiz.

Agar siz hamon Migratsiya Agentligidan moliyaviy yordamga xaqli boʻlsangiz (misol uchun farzandlari boʻlgan oilalar), qaytib ketishda hamkorlik qilmaganligingiz uchun kamaytirilgan miqdorda yordam olasiz.

Agar Migratsiya Agentligi qarorni bajarish uchun kuch ishlatilishi kerakligini qayd etsa, mas’uliyat Shvetsiya politsiyasiga topshiriladi.

Agar qaror talablarini bajarmasangiz, nimalar boʻlishi haqida batafsil ma’lumot oling

Rad etilgandan keyingi yangi voqealar

Agar qaytishingizga toʻsqinlik qiladigan biror voqea yuz bersa, Qabul boʻlimiga bu haqida xabar berishingiz kerak. Migratsiya Agentligi deportatsiya qilishga toʻsqinlik qilgan bu toʻsiqlarni mavjudligini koʻrib chiqadi. Bu toʻsiqlar haqidagi ma’lumot qarorni olganingizdan keyin paydo boʻlib qolganligi maqsadga muvofiq boʻladi.

Rad etilgandan keyingi yangi voqealar haqida batafsil ma’lumot oling

Quyidagi mamlakatlar Shengen Bitimiga kiradi:

Avstriya, Belgiya, Chex Respublikasi, Daniya, Estoniya, Finlandiya, Frantsiya, Germaniya, Gretsiya, Vengriya, Islandiya, Italiya, Latviya, Lixtenshteyn, Litva, Lyuksemburg, Malta, Niderlandiya, Norvegiya, Polsha, Portugaliya, Slovakiya, Sloveniya, Ispaniya, Shvetsiya va Shveytsariya.

Дарҳол кучга кирадиган кириш рухсатига рад қарори

Агар сиз ҳимояга муҳтож эмаслигингиз ёки истиқомат қилиш рухсатномасини олиш учун бошқа сабабларингиз йўқлиги аниқ бўлса, Швеция Миграция Агентлиги дарҳол кучга кирадиган кириш рухсатига рад қарорини қабул қилади. Агар шундай қарор олсангиз, Швецияни дарҳол тарк этишингиз керак.

Аризангизга чиқарилган рад қарорининг амал қилиш муддати тўрт йил. Агар сиз дарҳол кучга кирадиган кириш рухсатномасига рад қаририни олсангиз, сизга қайта кириш тақиқи тегишли бўлади, бунинг маъноси шуки, сиз Руминия, Болгария ва Хорватия ва Шенген зонасида бўлган мамлакатларга икки йил давомида кира олмайсиз.

Қарорни қабул қилиш

Қабул қилиш декларацияси номли ҳужжатга имзо қўйиш билан қарорни қабул қилганингизни кўрсатишингиз мумкин. Декларацияга имзо қўйганингиздан кейин шикоят қила олмайсиз ва Швецияни дарҳол тарк этишингиз керак. Қарорни қабул қилмаган бўлсангиз ҳам, қарорни олишингиз захотиёқ Швецияни дарҳол тарк этишингиз керак.

Қарор устидан шикоят қилиш

Қарорни қабул қилмасангиз, шикоят қилишга хақлидирсиз, лекин барибир Швецияни дарҳол тарк этишингиз керак. Сизнинг шикоятингиз Миграция Агентлигига қарорни олган кунингиздан бошлаб уч ҳафта ичида етиб бориши керак.

Қарорга қарши шикоят бериш бўйича батафсил маълумот олинг

Қайтиш сафарини режалаштириш

Қарорни олганингиздан кейин Швецияни дарҳол тарк этишингиз керак. Қайтиш сафарини режалаштириш, амалдаги паспортни олиш ва ўз ватанингизга ёки истиқомат қилиш рухсатномаси бўлган мамлакатда қайтиш учун керакли бўлган бошқа ҳужжатларни тайёрлаш сизнинг вазифангиздир. Миграция Агентлиги ўз ватанингиз билан боғланишда ёки сафар учун буюртма беришда кўмаклашиши мумкин.

Ўз хоҳиши билан қайтиш сафари ҳақида батафсил маълумот олинг

Яшаш жойи, банк картаси, ва Бошпана Сўровчи Картаси

Қарорни олганингиздан кейин уч ҳафта ўтса, ортиқ шикоят қила олмайсиз. Бунинг маъноси шуки, сиз бундан буён Миграция Агентлиги тақдим этган яшаш жойига ёки молиявий ёрдамга ҳақли эмассиз. Агар сиз ёши катта шахс бўлиб, 18 ёшга тўлмаган бола билан бирга яшамасангиз ва унинг васийи бўлмасангиз, бу ҳолат сизга тегишлидир.

Швецияни тарк этишдан олдин сиз Бошпана Сўровчи Картасини (LMA-картаси) Миграция Агентлигига қайтаришингиз керак. Агар сиз Миграция Агентлигидан банк картаси олган бўлсангиз, ҳисобингиздаги барча маблағни ечиб олиб картани қайтаришингиз керак. Агар Миграция Агентлиги сизга ажратиб берган турар жойда яшаган бўлсангиз, турар жойни бўшатиб калитни қайтаришингиз керак.

Тиббий ёрдам ва мактаб

Швецияни тарк этиш кунига қадар сиз олдинги каби тиббий хизматлардан фойдаланишга хақлидирсиз, лекин қайтиб кетиш қарори чиққан кундан бошлаб ва молиявий ёрдам бекор қилингандан кейин сиз дори-дармон ёки тиббий хизматлар харажатлари учун нафақани олмайсиз. 

Болалар Швецияда қолгунига қадар мактабга бориш ҳуқуқига эгадирлар.

Болалар ва бошпана ҳақида батафсил маълумот олинг

Агар сиз қарорга бўйсунмасангиз

Агар сиз Швецияни тарк этишда ҳамкорлик қилмасангиз, Миграция Агентлиги сизни назорат остида ёки хибсда ушлаб туришга қарор қилиши мумкин. Назорат қилиш дегани сиз доимий равишда Миграция Агентлигида ёки полиция маҳкамасида рўйхатдан ўтиб туришингиздир. Агар сиз хибсга олинсангиз, сиз қайтиб кетгунингизга қадар қулфланган ерда яшайсиз.

Агар сиз ҳамон Миграция Агентлигидан молиявий ёрдамга хақли бўлсангиз (мисол учун фарзандлари бўлган оилалар), қайтиб кетишда ҳамкорлик қилмаганлигингиз учун камайтирилган миқдорда ёрдам оласиз.

Агар Миграция Агентлиги қарорни бажариш учун куч ишлатилиши кераклигини қайд этса, маъсулият Швеция полициясига топширилади.

Агар қарор талабларини бажармасангиз, нималар бўлиши ҳақида батафсил маълумот олинг

Рад этилгандан кейинги янги воқеалар

Агар қайтишингизга тўсқинлик қиладиган бирор воқеа юз берса, Қабул бўлимига бу ҳақида хабар беришингиз керак. Миграция Агентлиги депортация қилишга тўсқинлик қилган бу тўсиқларни мавжудлигини кўриб чиқади. Бу тўсиқлар ҳақидаги маълумот қарорни олганингиздан кейин пайдо бўлиб қолганлиги мақсадга мувофиқ бўлади.

Рад этилгандан кейинги янги воқеалар ҳақида батафсил маълумот олинг

Қуйидаги мамлакатлар Шенген Битимига киради

Австрия, Белгия, Чех Республикаси, Дания, Эстония, Финландия, Франция, Германия, Греция, Венгрия, Исландия, Италия, Латвия, Лихтенштейн, Литва, Люксембург, Малта, Нидерландия, Норвегия, Полша, Португалия, Словакия, Словения, Испания, Швеция, ва Швейцария.

Last updated: 30 January 2017

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.