Qaytib kirish taqiqi

Återreseförbud – uzbekiska

Agar siz qaroringizda belgilangan muddat ichida Shvetsiya hududini tark etmasangiz, siz uchun qaytib kirishga taqiq qoʻyilishi mumkin. U holda siz Shengen zonasi mamlakatlariga yoki Ruminiya, Bolgariya va Xorvatiya hududiga belgilangan muddat ichida kira olmaysiz. Agar Shvetsiya Migratsiya Agentligi oʻz xohishingiz bilan Shvetsiya hududini tark etishingizga ishonmasa, qaytib kirishingizga taqiq qoʻyilishi mumkin.

Agar siz kirish uchun rad javobini olgan boʻlsangiz va bu qaror darhol kuchga kirgan boʻlsa, siz har safar qayta kirish taqiqini olasiz.

Qayta kirish taqiqi uchun boshqa sabablar

Agar Shvetsiya Migratsiya Agentligi oʻz xohishingiz bilan Shvetsiya hududini tark etishingizga ishonmasa, qayta kirishingizga taqiq qoʻyilishi mumkin va bu taqiq Shengen zonasini ham qamrab oladi va besh yil davomida kuchga ega boʻladi. Misol uchun, siz qayta kirishga taqiqni quyidagi hollarda olishingiz mumkin:

  • avvaldan yashirinib yurgan boʻlsangiz;
  • Shvetsiyani tark etmoqchi emasligingizni aytgan boʻlsangiz;
  • shaxsni tasdiqlovchi soxta guvohnoma ishlatgan boʻlsangiz yoki Migratsiya Agentligiga shaxsingizni aniqlashda yordam bermagansiz;
  • atayin notoʻgʻri ma’lumot bergan boʻlsangiz yoki muhim ma’lumotni oshkor etmagan boʻlsangiz; yoki
  • qamoq jazosi tayinlanishi mumkin boʻlgan jinoiy ish boʻyicha sudlangan boʻlsangiz.

Agar siz yuqorida keltirilgan sabablarga koʻra, qayta kirish taqiqini olgan boʻlsangiz, sizga berilgan oʻz xohishingiz bilan qaytish muddati bekor qilinadi va mamlakatingizga darhol qaytishingiz kerak boʻladi.

Oʻz xohishi bilan qaytish muddatining bekor qilinishi, shuningdek, Migratsiya Agentligi tomonidan sizga taqdim etilgan istiqomat qilish va moliyaviy yordam olish huquqining bekor qilinishini ham anglatadi. (Yosh bolalari boʻlgan oilalar Shvetsiyadan ketguniga qadar kunlik xarajat uchun yordam pullarini olishni davom ettirishlari va Migratsiya Agentligi ajratib bergan yashash joyida istiqomat qilishni davom ettirishlari mumkin.)

Oʻz xohishi bilan qaytish muddati haqidagi qarorga hurmat bilan qarang

Qaroringiz amal qilishni boshlaganidan (kuchga kirganidan) keyin, siz Shvetsiyani ikki - toʻrt hafta ichida tark etishingiz shart. Qancha muddat berilganligi qaroringizda belgilangan.

Agar sizda istisno vaziyatlar vujudga kelgan boʻlsa, sizga mamlakatni tark etish uchun belgilangan muddatga yana qoʻshimcha vaqt berilishi mumkin. Agar sizga qoʻshimcha muddat kerak boʻlsa, iloji boricha tezroq Migratsiya Agentligiga xabar berishingiz lozim.

Mamlakatni tark etishingizdan oldin Migratsiya Agentligi sizga tark etish isboti nomli hujjatni beradi. Bu hujjatni Shvetsiya chegara nazoratidan oʻtayotgan vaqtingizda taqdim etib, Migratsiya Agentligini ketganligingiz haqida xabardor qilasiz. Agar biror sababga koʻra, hujjatni topshira olmagan boʻlsangiz, shunda ham, Shvetsiyani tark etganligingizni, misol uchun, chipta yoki pasportdagi muhrlarni koʻrsatib isbotlashingiz mumkin. Chegarani kesib oʻtganligingiz haqidagi isbotni eng yaqin Shvetsiya elchixonasiga yoki konsulligiga taqdim eting yoki undan nusxa olib Shvetsiya Migratsiya Agentligiga pochta orqali joʻnating. Qayta kirish taqiqini olmasligingiz uchun Shvetsiyani tark etganligingiz haqidagi isbot hujjatni taqdim qilish sizning vazifangizdir.

Migratsiya Agentligi taqiqni bekor qilishi mumkin, agar siz Shvetsiyani oʻz vaqtida tark etganligingizni isbotlab bera olsangiz.

Qayta kirish taqiqidan ozod boʻlish

Shaxsiy sabablaringizni hisobga olib Shvetsiya Migratsiya Agentligi qayta kirish taqiqi qarorini chiqarmaslikka qaror qilishi mumkin. Misol uchun, agar farzandlaringizda Shengen mamlakatida istiqomat qilish ruxsatnomasi boʻlsa, bu holat roʻy berishi mumkin.

Quyidagi mamlakatlar Shengen Bitimiga kiradi:

Avstriya, Belgiya, Chex Respublikasi, Daniya, Estoniya, Finlandiya, Frantsiya, Germaniya, Gretsiya, Vengriya, Islandiya, Italiya, Latviya, Lixtenshteyn, Litva, Lyuksemburg, Malta, Niderlandiya, Norvegiya, Polsha, Portugaliya, Slovakiya, Sloveniya, Ispaniya, Shvetsiya va Shveytsariya.

Қайтиб кириш тақиқи

Агар сиз қарорингизда белгиланган муддат ичида Швеция ҳудудини тарк этмасангиз, сиз учун қайтиб киришга тақиқ қўйилиши мумкин. У ҳолда сиз Шенген зонаси мамлакатларига ёки Руминия, Болгария ва Хорватия ҳудудига белгиланган муддат ичида кира олмайсиз. Агар Швеция Миграция Агентлиги ўз хоҳишингиз билан Швеция ҳудудини тарк этишингизга ишонмаса, қайтиб киришингизга тақиқ қўйилиши мумкин.

Агар сиз кириш учун рад жавобини олган бўлсангиз ва бу қарор дарҳол кучга кирган бўлса, сиз ҳар сафар қайта кириш тақиқини оласиз.

Қайта кириш тақиқи учун бошқа сабаблар

Агар Швеция Миграция Агентлиги ўз хоҳишингиз билан Швеция ҳудудини тарк этишингизга ишонмаса, қайта киришингизга тақиқ қўйилиши мумкин ва бу тақиқ Шенген зонасини ҳам қамраб олади ва беш йил давомида кучга эга бўлади. Мисол учун, сиз қайта киришга тақиқни қуйидаги ҳолларда олишингиз мумкин:

  • аввалдан яшириниб юрган бўлсангиз;
  • Швецияни тарк этмоқчи эмаслигингизни айтган бўлсангиз;
  • шахсни тасдиқловчи сохта гувоҳнома ишлатган бўлсангиз ёки Миграция Агентлигига шахсингизни аниқлашда ёрдам бермагансиз;
  • атайин нотўғри маълумот берган бўлсангиз ёки муҳим маълумотни ошкор этмаган бўлсангиз; ёки
  • қамоқ жазоси тайинланиши мумкин бўлган жиноий иш бўйича судланган бўлсангиз.

Ўз хоҳиши билан қайтиш муддатининг бекор қилиниши, шунингдек, Миграция Агентлиги томонидан сизга тақдим этилган истиқомат қилиш ва молиявий ёрдам олиш ҳуқуқининг бекор қилинишини ҳам англатади. (Ёш болалари бўлган оилалар Швециядан кетгунига қадар кунлик харажат учун ёрдам пулларини олишни давом эттиришлари ва Миграция Агентлиги ажратиб берган яшаш жойида истиқомат қилишни давом эттиришлари мумкин.)

Ўз хоҳиши билан қайтиш муддати ҳақидаги қарорга ҳурмат билан қаранг

Қарорингиз амал қилишни бошлаганидан (кучга кирганидан) кейин, сиз Швецияни икки - тўрт ҳафта ичида тарк этишингиз шарт. Қанча муддат берилганлиги қарорингизда белгиланган.

Агар сизда истисно вазиятлар вужудга келган бўлса, сизга мамлакатни тарк этиш учун белгиланган муддатга яна қўшимча вақт берилиши мумкин. Агар сизга қўшимча муддат керак бўлса, иложи борича тезроқ Миграция Агентлигига хабар беришингиз лозим.

Мамлакатни тарк этишингиздан олдин Миграция Агентлиги сизга тарк этиш исботи номли ҳужжатни беради. Бу ҳужжатни Швеция чегара назоратидан ўтаётган вақтингизда тақдим этиб, Миграция Агентлигини кетганлигингиз ҳақида хабардор қиласиз. Агар бирор сабабга кўра, ҳужжатни топшира олмаган бўлсангиз, шунда ҳам, Швецияни тарк этганлигингизни, мисол учун, чипта ёки паспортдаги муҳрларни кўрсатиб исботлашингиз мумкин. Чегарани кесиб ўтганлигингиз ҳақидаги исботни энг яқин Швеция элчихонасига ёки консуллигига тақдим этинг ёки ундан нусха олиб Швеция Миграция Агентлигига почта орқали жўнатинг. Қайта кириш тақиқини олмаслигингиз учун Швецияни тарк этганлигингиз ҳақидаги исбот ҳужжатни тақдим қилиш сизнинг вазифангиздир.

Миграция Агентлиги тақиқни бекор қилиши мумкин, агар сиз Швецияни ўз вақтида тарк этганлигингизни исботлаб бера олсангиз.

Қайта кириш тақиқидан озод бўлиш

Шахсий сабабларингизни ҳисобга олиб Швеция Миграция Агентлиги қайта кириш тақиқи қарорини чиқармасликка қарор қилиши мумкин. Мисол учун, агар фарзандларингизда Шенген мамлакатида истиқомат қилиш рухсатномаси бўлса, бу ҳолат рўй бериши мумкин.

Қуйидаги мамлакатлар Шенген Битимига киради

Австрия, Белгия, Чех Республикаси, Дания, Эстония, Финландия, Франция, Германия, Греция, Венгрия, Исландия, Италия, Латвия, Лихтенштейн, Литва, Люксембург, Малта, Нидерландия, Норвегия, Полша, Португалия, Словакия, Словения, Испания, Швеция, ва Швейцария.

Last updated: 30 January 2017

Was the information on this page helpful to you?