Sume kola pokinena pe baši sastipasko arakhibe

Avgifter för sjukvård – romani arli

Akala sume si validna baši džene kola rodena azili em kola sikavena pli LMA kartica.

Kana džaja ko sastipasko centari ja ko hospitali

 

 

Zakažime doktori ko centari baši sastipasko arakhibe

50 krune

Zakažime doktori pala ko dendo uput (bičhalin)*

50 krune

Vizita pala ko dendo uput* ko aver sastipasko arakhibasko kher pojave taro doktori (sar primer, medicinakiri phen, fizioterapeuti, savetniko)

25 krune

Prevencia baši čhavorikani em anglal bijanibaskiri griža (arakhibe), khamnipaskoro arakhibe em čhaveskoro bijanibe

bilovengoro

Protektivno arakhibe te si tut zarazno (infektivno) nasvalipe

bilovengoro

*O uput (bičhalin) si komunikacia, kola o doktori bičhalela ki aver sastipaskere arakhibaskiri klinika baši specialno dikhljakeribe, ja palem sasljaribe kana valjani. O uput (bičhalin) saikerela medicinska informacie bašo simptomia, sar osetineja tut em tle anglederutne nasvalipa em pukne (rane). I klinika baši sastipasko arakhibe koja lela o uput (bičhalin), pal odova ka javinel pe ka akharel baši dikhljaribe.

Akutno hospitalesko arakhibe

I suma baši akutno vizita ko hospitali si turli (ralično) ko sakova regioni. Šaj te arakhe o akanutne sume ko vebsajt taro regionalno konsili/regioni ja ko 1177 Vårdguiden.

Akutno dandengo arakhibe

 

 

Akutno vizita ko nacionalno dandengo servisi ja aver dandengo sasljarno kova si vakerdo taro dandengo servisi

50 krune

Akutno vizita ko privatno dandengo sasljarno bizi dozvola taro nacionalno dandengo servisi

Suma taro dandengo sasljarno

Adžahar platineja keda džaja te dikhljare tut

Puč okolen so dena dikhljaribe, mangela te phenel pe e ambolanta, o nasvalengoro kher ja pale o Folktandvården (Dandengiri ambolanta), sar šaj te platine keda džaja te dikhljare tut. Tu platineja bašo tlo dikhljaribe ko javera načinija, odova zavisinela ki savi diz bešeja. Džiko olendar lena karta ja pale love, a javer džiko olendar bičhalena tuke khere faktura. Okola so dena dikhljariba hem so mangena te platinel pe lenge fakturaja, puč olen dali šaj te platine o računi olende ko than odoleske so e azilanten isi ograničime šajipa te platinen fakture.

Iljačia (draba)

Pokineja 50 krune baši pobuter iljačia kolen ka le ki recepta. Nekana isi prepišime iljačja kola si pokuč taro 50 krune. Pobut iljačja kola si denden ki recepta čhavenge potikne taro 18 berša si bilovengere.

Pacientengo transporti

Baši pacientengo transporti nane te pokine pobut taro 40 krune.

Kompenzacia taro Migraciako Bordi

Šaj te aplicirine baši specialno love taro Migraciako Bordi baši hardžia kolen ka pokine kana ka valjani tuke sastipasko arakhibe em baši hardžia kolen ka pokine bašo iljačia (draba), kolen kingjan ki recepta.

O hardžia te si pobut taro 400 krune

Ko vakti taro 6 masek te pokingjan pobut taro 400 krube bašo doktoreskere dikljariba, pacientengo transporti, iljačja ki recepta em aver sastipasko arakhibe (sar so si fizioterapeuti), šaj te aplicirine baši love specialno bukjenge. O Migraciako Bordi šaj te del kompenzacia bašo hardžia kola si pobut taro 400 krune. Ki te len o love palpale valjani te sikaven o računia (esapja) ki te dokažinen kaj pokingjen bašo servisja (na o sume). Phanlo e računencar bašo iljačia (draba) valjani te den o specifikacie taro recepte, kotor taro recepte kote so sikavela pe to anav.

Ako tu arakhea tut jekhe pobaredoktorea/specialisti bizo te ovel tut uput taro doktori soj ki ambulanta tegani tu pokinea/platinea jek pobaro iznos. Akava iznos na džala ko odova zaštitno iznos mangela te vačerel odola 400 krone.

Akutno sastipasko arakhibe em iljačja (draba)

O hardžia baši akutno sastipasko arakhibe nane saikerde ko odola 400 krune, ama šaj te te aplicirine baši love specialno bukjenge baši kotor kova si pobut taro 50 krune. O ista pravila si validna em kana valjani tuke akutno dandengo arakhibe džikobor o nacionalno dandengo servisi na sine puterdo ja na sine čučo than kana valjani sine tuke dikljaribe. Le o računi (esapi) taro Migraciako Bordi em muk aplikacia baši love specialno bukjenge posig so šaj pala ki vizita baši akutno arakhibe. Šaj em te aplicirine baši kompenzacia baši iljačja ki recepta kola si pobut taro 50 krune.

Ako tu dobingjan negativ

Ako tlo pravo ko ekonomikano pomoš tari Migracia nakhlja bašo odova so tu dobingjan odluka te dža tuke khere ki tli phuv odoja odluka ki koja tu nakašti te žalinetut tegani valjani tu te irane tli LMA-karta hem tu nane više te dobine love iljačenge ja palem doktoreske.

Last updated: 26 September 2019

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.