Financijsko podrška

Ekonomiskt stöd till återetablering – romani arli

Tu kova ka irine tut napalal ki ti phuv/država isi tut prilika te čere zahtev za financijsko podrška tari Migracija. E podrška tani tuče kova ka irini napalal ko jek phuv/država kote pharo te učvrstine tut zbog phare kontradikcije. Tu ka zahtevine e podrška utoku vreme so nalazineja tut ki Švedska.

Tu šaj te dobine e podrška ako valani te irine ko nesave taro akala phuvja/države:

Afganistan, Centralnoafricko Republika, Demokratsko Republika Kongo, Obala Slonovače, Eritrea, Irak, Jemen, Liberia, Libia, Mali, Sierra Leone, Somalia, Palestina, Sudan, Južni Sudan, Siria, Tčad.

Uslov te dobine e podrška

Tu šaj te dobine e podrška ako tu

  • Dobindžan odbijeniča ko to zahtev uvezi azil jeli ako tu povučindžan napalal to zahtev za azil ki Švedska
  • Dobro voljno mislini te irini naplala ko jek phuv kote tuče pharo te učvrstine tut zboh phare kontradikcije
  • Verovatno ka živine ko odija phuv kaj mislineja te irine naplala
  • Nalazineja tut ki Švedska ked čereja to zahtev.

Podrška te porodičaće

Te porodična članija šaj isto te dobinen e podrška: to rom, romni, partner, čhavore manje taro 18 berš jeli avera paše familije kola živinena zajedno tuva. Te bi šaj te dobine e podrška te porodična članja mora isto te nalazinen pe ki Švedska ked mekena tumaro zahtev.

Zahtev hem odluka

Tu šaj te čere zahtev za ponovo upostavljanje podrška ked dobineja odbijeniča ko to zahtev za azil jeli ked povučineja napalal to zahtev za azil. Tu valani te rode utoku duj masekija pali jek odluka negativno jeli palo so povučindžan napalal to azilno zahtev.

Tu šaj te rode ponovo upostavljanje podrška ko to asistenti hem e Migracija dela odluka dali te dobine e podrška dal ina. E Migracijaki odluka taro ponovo upostavljanje podrška našte te zaline tut.

E podrška delape ki ti phuv

E Migracija saradžujini sa IOM (International Organization for Migration) kola isi ko večina taro phuvja kote e podrška delape. O IOM ka del tut o pare ki ti phuv. Angleder te napustine e Švedska ka dobine o telefonsko broj za IOM kančelarija ki ti phuv. Tu vičineja ate hem zakažineja termin za isplata za podršku ked reseja naplal ki ti phuv.

E isplata tani ko US-dollarja hem čelo suma delape kotar jek puti. Ked vazdeja o pare ka mothove to pasoš hem  jek kopia tari odluka so tu ka dobine ponovo upostavljanje podrška.

Ako o IOM nane len kančelarija ki ti phuv e podrška šaj te isplatinipe tuče angleder te napustine e Švedska.

Čitin poviše taro IOM (international Organization for Migration)external link, opens in new window

E suma e podrškaki

E podrška tani 30 000 švedska krune za svako osoba više taro 18 berš hem 15 000 krune za svako čhavoro manje taro 18 berš. Jek porodiča šaj najviše te dobinen 75 000 krune.

Ako tu deja pogrešna podači

E Migracija šaj te odlučini te platine napalal e podrška skroz jeli delvično ako tu

  • Na iraneja tut dobro voljno jeli ako putuineja ilegalno ki Švedska palo so dželanče čhere
  • Meklan pogrešna podači jeli ko aver način čerdžan e isplata pogrešno te delpe tuče jeli sa jek po bari suma nego so valani.

    Last updated: 12 April 2017

    Was the information on this page helpful to you?

    Thank you for helping us improve our website!

    Thank you for helping us improve our website!

    Tell us how we can make this page better*






    If you wish to ask the Migration Agency a question you can find our contact details under the heading Contact us.