Ako mangeja te čere jekh žalba

Om du vill överklaga – romani arli

Ako dobinđan odluka kotar Migrationsverket (agencia baš i migracia) so na aceptirineja, šaj te čere jekh žalba. Akate šaj te dikhe pobuter informacia sar hem keda šaj te čere jekh žalba.

Ako na aceptirineja i odluka kotar Migrationsverket isi tut pravo te čere jekh žalba. I žalba značini so tu mangeja te promine i odluka so anđa o Migrationsverket. O sudo čerela kontrola ki žalba, ama i žalba bičhaljeja ko Migrationsverket. Ki odluka pisini kobor vreme isi tut te bičhalje i žalba. Normalno isi tut trin kurče kotar odova dive so dobinđan i odluka. Ako isi tut advokati, o advokati šaj te pomožini tut te čere hem te bičhalje i žalba.

Ako rodinđan te ačhove ki Švedska, ama dobinđan negativno odluka hem momentalno hijan pana ki Švedska, tegani valjani te spremine tut te irine tut ki ti phuv hem ako bičhalđan i žalba. Ki odluka pisini da li šaj te ačhove ki Švedska, đi đačereja i odluka kotar sudo.

Migraciakoro sudo čerela kontrola ki žalba

O Migrationsverket dikhela i žalba ako valjani i odluka te promini pe. Ako o Migrationsverket na dikhela disavo sebepi te promini i odluka, i žalba đala ko migraciakoro sudo. O sudo šaj te promini i odluka, ama hem na.

Kotar odova dive so e migraciakoro sudo dobinđa tiklji žalba, sa o pučibe so isi tut šaj te puče ko sudo. Tu kokri valjani te ove mukajeti ko sa so ovela ko sudo, o Migrationsverket našti te pomožini tut.

Ako isi tut advokati nane te dobine ekonomsko pomoč kotar Migrationsverket e drumose, palo so i žalba đelji ko sudo.

Ako promineja ti godi hem mangeja te lje ti žalba napalal, valjani te kontaktirine o Migrationsverket hem te phene so aceptirineja i odluka. Tegani ti žalba na khuvela ko procesi hem našti paljem čere hem te bičhalje pana jekh žalba.

Ađahare pisineja jekh žalba

Ki odluka pisini sar šaj te čere i žalba. Ako mangeja te čere žalba ki odluka so anđa o Migrationsverket, ka pisine jekh ljil kaj ka vačere savi odluka hem sose mangeja odija odluka o Migrationsverket te promini. Bičhal o dokumenti hem aver evidentno materiali, sa ko original.

Ki žalba ka pisine tiklji personalno informacia hem o broj kotar status. O broj kotar status pisini ki odluka. Ako hijan azulanti o broj kotar status pisini hem ki ti LMA-karta. Pisin i adresa hem o broj kotar telefoni kaj šaj o Migrationsverket hem o sudo te arakhen tut.

But tano važno i žalba te resel ko vakti, ko Migrationsverket. Ki tabela so isi potelje, pisini kobor vakti isi tut te bičhalje i žalba, zavisno savi odluka tani andi. O vakti startirini kotar odova dive ked dobinđan i informacia.

Ako našti te čere i žalba kokri, šaj te puče đikas te pisini tuče. Tegani valjani o mandati (punomoč) te mukhe ko vreme, ko Migrationsverket.

Soj odova mandati?

Jekh mandati (punomoč) šaj te ovel jekh potpisimo ljil kote pisini, odova manuš so rodela te ačhol ki Švedska dela avere manušese šansa te prezentirini olje ja ola. O mandati dela e manušese šansa diso te rodel, te dikhel o sebepi sose anđa pe disavi odluka hem te bičhalji jekh žalba i odluka te promini pe. O mandati ka pisini pe kotar odova manuš so dela o mandati averese hem ako o Migrationsverket rodela originali, ka valjani te mothovel pe.

Te de mandati (punomoč) avere manušese valjani te mukhe jekh ljil ko Migrationsverket kaj ka pisini:

  • so odova ljil tano mandati (punomoč)
  • anav, datum kotar bijando dive hem adresa kotar odova manuš so dela mandati avere manušese
  • savo pravo isi olje odova manuš so dobini o mandati
  • anav, personalno broj hem adresa kotar odova manuš so dobini o mandati
  • potpis kotar odova manuš so dela mandati avere manušese
  • datum hem than ked o mandati (punomoč) hine potpisimo.

Power of Attorney, form number 107011 (ko engleski) PDF

Ako mangeja te čere žalba ki odluka kotar migraciakoro sudo

Ako na hijan zadovoljno e odlukaja kotar migraciakoro sudo, šaj te bičhalje jekh žalba ko migraciakoro baro sudo, ko periodi kotar trin kurče ando odova dive so dobinđan i odluka. E migraciakoro baro sudo tano paluni agencia so anela i paluni odluka premalo anglune instrukcije kotar Migrationsverket hem migraciakoro sudo.

E migraciakoro baro sudo čerela kontrola ki odluka so anđa o migraciakoro sudo hem dikhela ako hine disavi greška. Ko but situacije e migraciakoro baro sudo na mangela te čereI kontrola. Tegani važini i odluka so anđa e migraciakoro sudo.

Našti ko sa o odluke te čere žalba

Ko disave odluke našti te čere žalba. Ki odluka so dobinđan, pisini ako šaj te čere žalba ja našti te čere žalba. Ko akala situacije našti te čere žalba:

  • ako aceptirinđan hem potpisinđan i odluka
  • ako e migraciakoro baro sudo na mangela te čerel kontrola
  • ako dobinđan dozvola te beše ki Švedska đi ko jekh phendo periodi.

Bičhal i žalba ko phendo vakti

I žalba valjani te bičhalje ko phendo vakti, ko Migrationsverket. Ako mangeja te bičhalje žalba ko sudo odova valjani te čere ko phendo vakti. Ki odluka pisini kobor vreme isi tut te bičhalje i žalba.

Ako na bičhalđan i žalba ko phendo vakti, tegani nane tut više pravo te čere žalba ki odluka so dobinđan.

Vakti ked valjani te bičhalje i žalba

Dobinđan

Šaj te čere žalba

Odluka te irine tut

Trin kurče ando odova dive so dobinđan i odluka

Odluka te irine tut akana, kotar akava momenti

Trin kurče ando odova dive so dobinđan i odluka

Odluka kotar migraciakoro sudo

Trin kurče ando odova dive so dobinđan i odluka

Odluka baš o deklaraciakoro status

Trin kurče ando odova dive so dobinđan i odluka

Odluka baš o drumosere dokumentija

Trin kurče ando odova dive so dobinđan i odluka

Odluka baš o pasoši jabanđijenđe

Trin kurče ando odova dive so dobinđan i odluka

Zabrana te irine tut ko Schengen phuvja, sebepi so na mukhljan i Švedska
ko vakti keda hine phendo

Trin kurče ando odova dive so o Migrationsverket anđa i odluka

Zabrana sebepi aver situacia

Trin kurče ando odova dive so dobinđan i odluka

Odluka baš i specialno ekonomsko pomoč

Trin kurče ando odova dive so dobinđan i odluka

Odluka baš o tikničeribe ja čhinavibe i plata

Panđ kurče ando odova dive so o Migrationsverket anđa i odluka

Alternativno deklaracia sar imunitetno status (ako mislineja so valjani hine
te dobine status sar izbeglica)

Trin kurče ando odova dive so dobinđan i odluka

Odluka baš i observacia hem arakhibe

Bilo ked

 

Last updated: 11 September 2019

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.