Te na kergen barabarbuti (sorabotka, kooperacia) baši tumaro iranibe

Om du inte samarbetar för att återvända – romani arli

Te na kergen barabarbuti/kooperacia baši tumaro iranibe, e Migraciakere Agencia si ola hako/pravo te tiknjarel tumare diveskere love, te ikerel tumen teli kontrola, te len tumen ko arakhibe/pritvor sa džikana na džana ko drom em/ja te preden o odgovornost/responsabiliteti baši tumaro iranibe e policiake.

I kontrola (upridikhin) vakerela kaj tumen valjani svako dive te potpišinen (hramonen) tumen ko vakerde thana em ko vakerdo vakti. Šaj em te značinel tumen te den tumaro pašaporti ja aver dokumenti baši identifikacia.

Te oven teli arakhibe/pritvor vakerela/značinela kaj ka oven phanle ko nesavo than/objekti tari rig tari Migraciaki Agencia.

Drabar/čitin majbut baši kontrola (upridikhin) em arakhibe/pritvor

I policia šaj te leljarel I odgovornost (responsabiliteto) baši tumaro iranibe

Te na ulo šajdutno te kerel pe tumari ekstradicia (iranibe palpale) sebepi odova so tumen na kerena barabarbuti (kooperacia), I Migraciakiri Agencia ka del I odgovornost (responsabiliteto) e policiake te iranen tumen tumare phuvjate. Te naštine te arakhen tumen, e policia si ola hako/pravo te del nalog (poternica) pali tumende em te rodel tumen. E policia si la em hako/pravo te koristinel sila/zor ki te terinel tumen te džan tumenge tumare phuvjate.

Te lelja I policia I odgovornost baši tumari ekstradicia, valjani te kontaktirinen ola te si tumen pučiba phanle tumare iranibaja.

Šaj te len zabrana (bimukibe) te khuven palen

Te na kergejn barabarbuti (kooperacia) I Migraciakiri Agencia šaj te anel odluka (decizia) te del tumen zabrana (bimukibe) palem te khuven ki phuv. Akava vakerela kaj ka našti te džan ki nijek aver Šengen phuv, Romania ja Bugaria ko periodi taro jek dži panč berša. Kobor lungo ka našti palem te khuven, šaj te dikhen ki tumari odluka (decizia).

Drabar (čitine) pobut baši zabrana (bimukibe) palem te khuve em sar ma te dobine ola

Drabar (čitine) pobut bašo uslovja (kondicie) baši pomoš (jardmi, arka) so dela pe baši te sredine tu kana ka rese khere

Last updated: 22 August 2017

Was the information on this page helpful to you?