Mothov ko tu hijan

Berätta vem du är – romani arli

Te bi šaj e Migracija te procenini dali isi tut pravo ko azil tu valani te mothove ko tu hijan hem kotar tu aveja. Tu valani te potvrdine to identiteti preko te de lićna dokumentacije hem preko te de prava hem vjerodostojne informacije.

Naj bolje naćin te mothove ko tu hijan hem kotar tu aveja tano te de to pasoš jeli lićno karta tari ti phuv. To pasoš jeli ti lićna karta valani te ovel izdajime taro ustanove ki ti phuv hem te ovel len slika tutar. Jek lićno dokumentacija valani te mothoj to anav, to drzavljanstvo hem ked tu hijan bijando. Tu ka de te lićna dokumentacije ked rodeja azili.

Ako tut nane pasoš jeli lićna karta

Ako tu na deja pasoš jeli lićna karta ked rodeja azil amen ka da tut zadatko te arakhe lićna dokumentacije. Ko zadatko amen pisina kola dokumentacije so amen manga te de amen hem kozom dugo vreme isi tut te nabavine len.

Ako tu isi tut avera dokumentacije kote to identiteti dićhola, na primer vozaćko dozvola, izvod od rodženje, drzavljanstvo jeli vojno bukviča, odova valani te de amen. Esavke dokumentacije šaj zajedno te prića uvezi ti pozadina hem ti phuv te pomožinen tut te to identiteti te ćeren verovatno.

Ako tu saradžujineja te dikhelpe to identitet kovel tu mogućnost te ćere buti utoku vreme so to azilno zahtev posmatrinipe. Tu onda kove izuzetno tari obaveza te ovel tut radno dozvola (AT-UND).

To odgovornost tano te arakhe dokumentacije kola mothovena to idientiteti. Ako tuće pharo te arakhe lićna dokumentacije mora tu onda te mothove e Migracijake so pokušineja. Ako našti tu te mothove so pokušineja te arakhe dokumentacije kola mothovena ko tu hijan e Migracija šaj te smaninen ti dnevnica.

Ćitin poviše tari dnevnica hem ekonomsko podrška

Ako tu našti te mothove to identiteti

Moguće ki Švedska te dobine o azil hem ako so na potvrdinžan to identitet. Šaj te ovel dovoljno so deja pravna hem vjerodostojna informacije uvezi ko to hijan hem kotar tu aveja.

Ali ako tu nane tut pasoš jeli lićna karta tari ti phuv to ka adžićere dugo vreme te ove švedsko drzavljani pošto po baro uslov tano te potvrdine to identiteti ked rodeja švedsko drzavljanstvo.

Ćitin poviše taro te potvrdine to identiteti ked rodeja švedsko drzavljanstvo (ko engleski)

Prekršaj tano te de pogrešna podaci taro to identiteti. Ako mothojpe so tu dindžan pogrešna lićna dokumentacije jeli pogrešna podaci taro to identiteti e Migracija šaj te povučini ti boravićno dozvola hem te odlućini te uspudini tut tari Švedska.

Last updated: 31 August 2017

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.