پرسیەرگەل و وەڵام لەبارەی بوواری سنوودارکراو بۆ مۆڵەتی مانەوە

Vanliga frågor och svar om familjeåterförening och försörjningskrav – sorani

  • ئیا خێزانەکەم ئەتوانن بۆ سوید بێن؟

    خێزانەکەت بوواری داواکردنی مۆڵەتی مانەوەیان هەیە بۆ گواستنەوە بۆ لای تۆ لە سوید گەر تۆ

    • مۆڵەتی مانەوەی هەمیشەییت وەرگرتبێت
    • مۆڵەتی مانەوەی کاتیت وەرگرتوە بە پلەی پاراستن وەک پەناخواز یاخود بژارەی/لەبری پێداویستبوو بە پاراستن.
  • لێرەدا ئەتوانیت چەند نموونەیەک بخوێنیتەوە بۆ ئەوەی ببینیت کە چی بۆ تۆ و خێزانەکەت کاری پێ ئەکرێت.

    من پلەی پەناخوازم وەرگرتوە

    نیزیکترین خێزانت توانای ئەوەیان هەیە کە داوای مۆڵەتی مانەوە بکەن بۆ هاتن و ژیانکردن لەگەڵ تۆ لە سوید بەدرێژایی ئەو ماوەیەی کە مۆڵەتی مانەوەکەی تۆ کارئەکات. تۆ ئەکرێت مەرجی بەخیوکردن بتگرێتەوە ئەگەر داواکردنی خێزانەکەت دواتر لە سێ مانگ پاش وەرگرتنی مۆڵەتی مانەوەی تۆ بێت. مەرجی بەخێوکردن ئەو کاتەش کاری پێ ئەکرێت گەر تۆ و خێزانەکەت بتوانن لە وڵاتێکی دەرەوەی ئەورووپا یەکبگرنەوە یاخود ئەگەر پەیوەندییە خێزانیەکە تازەبێت.

    من پلەی بژارەی/لەبری پێداویست بە پاراستنم وەرگرتوە

    نیزیکترین کەسوکارت ئەتوانن داوای مۆڵەتی مانەوە بکەن، بۆ هاتن و ژیانکردن لەگەڵ تۆ لە سوید بەدرێژایی ئەو ماوەیەی کە مۆڵەتی مانەوەکەی تۆ کارئەکات. تۆ ئەکرێت مەرجی بەخیوکردن بتگرێتەوە گەر داواکردنی خێزانەکەت دواتر لە سێ مانگ پاش وەرگرتنی مۆڵەتی مانەوەی تۆ بێت. مەرجی بەخێوکردن ئەو کاتەش کاری پێ ئەکرێت گەر تۆ و خێزانەکەت بتوانن لە وڵاتێکی دەرەوەی ئەورووپا یەکبگرنەوە یاخود ئەگەر پەیوەندیی خێزانیەکە تازەبێت.

    من لەژێر ١٨ ساڵانەوەم و بەبێ خێزانەکەم بۆ سوید هاتووم

    تۆ وەک منداڵی بەتەنیاهاتوو توانای یەکگرتنەوەی خێزانییت هەیە گەر تۆ پلەی پاراستن وەک پەناخواز یاخود لەبری پێداویست بە پاراستنت هەبێت. ئەو کاتە دایکوباوکت و خوشکوبرایانی مێردمنداڵت/ژێر هەژدە ساڵ توانای ئەوەیان هەیە کە داوای مۆڵەتی مانەوە بکەن بۆ هاتن و ژیانکردن لەگەڵ تۆ لە سوید بەدرێژایی ئەو ماوەیەی کە مۆڵەتی مانەوەکەی تۆ کارئەکات.

    تۆ وەک منداڵ، مەرجی بەخیوکردن ناتگریتەوە.

    من مۆڵەتی مانەوەی هەمیشەییم وەرگرتووە

    خێزانەکەت بوواری داواکردنی مۆڵەتی مانەوەیان هەیە بۆ هاتن و نیشتەجێبوون لەگەڵ تۆ لە سوید. ئەوکاتە ئەکرێت کە تۆ مەرجی بەخێوکردن بتگرێتەوە.

    زیاتر لەبارەی یەکگرتنەوەی خێزان و مەرجی بەخێوکردن لێرەدا بخوێنەوە

  • ئایا مەرجی بەخێوکردن بۆ بەشی دیاریکراو لە پەنابەریش کاری پێ ئەکرێت؟

    گەر خزمی پانابەرێکی بەشی دیاریکراو (سوید خۆی هێنابێتی) داوای مۆڵەتی مانەوەی کرد، ئەوا مەرجی بەخێوکردن کاری پێ ئەکرێت گەر داواکارییەکە دوواتر لە سێ مانگ دوای ئەوە کرا کە خزمەکەی سوید مۆڵەتی مانەوەی بۆ پەسەندکرا. مەرجی بەخێوکردنیش کاری پێ ئەکرێت، گەر خێزانەکە بوواری یەککرتنەوەیان لە وڵاتێکی دەرەوەی ئەورووپا هەبێت یان ئەگەر پەیوەندییەکی تازە بێت

  • ئایا کامانە بە خێزان هەژمارئەکرێن؟

    گەر تۆ مۆڵەتی مانەوەی ماوەدیاریکراوت وەرگرتوە، ئەوا تەنها خێزانی هەرە نیزیکتریینت ئەتوانن داوای هاتن و ژیانکردن لە سوید بکەیت. وەک خێزانی نیزیکترین ئەمانە هەژمار ئەکرێن، هاوسەر، هاوژین یان هاوبەشی تۆمارکراو و منداڵەکانت کە ژێر ١٨ ساڵن. تۆش و هاوبەشی ژیانت ئەبێت ٢١ ساڵتان پڕکردبیتەوە. بەدەر لە مەرجی تەمەن ئەکرێت هەبێت گەر ئێوە منداڵی هاوبەشتان هەبێت. گەر تۆ ژێر ١٨ ساڵیت ئەوا دایکوباوکت وەک خێزانی نیزیکترین هەژمار ئەکرێن.

    خزمانی نیزیکی تریش ئەتوانن لە دۆخی بەدەر بوواری داواکردنی مۆڵەتی مانەوەیان هەبێت بۆ ئەوەی بۆ سوید بێن و لەگەڵتا بژین، گەر تۆ مۆڵەتی مانەوەی هەمیشەییت وەرگرتبێت.

    زیاتر لە بارەی مۆڵەتی مانەوە بۆ خزمی تر بخوێنەوە (به انگلیسی)

  • ئایا مەرجی بەخێوکردن و خانوو مانای چییە؟

    مەرجی بەخێوکردن و خانوو مانای ئەوەیە کە تۆ بتوانیت خۆت و خێزانەکەت بەخێوبکەیت و کە ئێوە خانوویەکتان بە گەورەیی ئەندازەی تەواو هەبێت.

    تۆ ئەتوانیت لێرەدا زیاتر لەبارەی مەرجی بەخێوکردن و خانوو بخوێنیتەوە

  • ئایا ئەبێت من بتوانم نیشانی بدەم کە من ئەتوانم خۆم و خێزانەکەم بەخێو بکەم کاتێک ئەوان داوانامە پێشکەش ئەکەن یاخود ئایا ئەتوانم دۆکومێنتەکانی لەبارەی داهاتمەوەیە دوواتر بنێرم؟

    دەزگای دەوڵەتی کۆچ و کۆچبەران کۆنتڕۆڵی ئەوە ئەکات کە ئایا تۆ ئەتوانیت خۆت و ئەندامانی خێزانەکەت بەخێوبکەیت و ئایا تۆ خانوویەکت بە ئەندازە و ستانداردی تەواو هەیە کە بۆ خۆتان تێیدا بژین کاتێک کە داوانامەکە بەدەستمان گەییشت. ئێوە ئەبێت بتوانن خانووەکە لەو کاتەوە بەکاربهێنن کە ئەندامانی خێزانەکەت بۆ سوید هاتن. گەر تۆ مەرجەکان پڕنەکەیتەوە ئەوا داوانامەی خێزانەکەت بۆ مۆڵەتی مانەوە ڕەت ئەکرێتەوە(ڕەفز)