بارودۆخە نوێکان دواى ڕەتکردنەوەی داواکاریەکەت بۆ پەنابەری

Nya händelser efter avslag på din ansökan om asyl – sorani

بڕیارێک کە ناکرێت تێهەڵچوونەوەی بۆ بکرێت واتە پێویستە تۆ لە ماوەی کاتی دیاریکراو لە بڕیارەکە وڵات جێبهێڵیت. لە حاڵەتە دەگمەنەکان لەوانەیە شتێک ڕوو بدات کە واتای ئەوەیە تۆ ناتوانیت بگەڕێیتەوە وڵاتی خۆت سەرەڕا بوونی بڕیارێک کە ئەوە دیاری دەکات پێویستە تۆ ئەمە بکەیت. ئەمە پێی دەوترێت تەگەرەی کارپێکردن - کۆسپێک بۆ جێبەجێکردنی ڕەتکردنەوەی فەرمانی هاتنە ناوەوە یان دەرکردن.

لەوانەیە ئاژانسی کۆچ گەشتت بۆ وڵاتی خۆت ڕەت بکاتتەوە تەنها لەو کاتەی زانیاری نوێ دەردەکەوێت دواى ئەوەی بڕیارەکەت وەرگرتووە. بۆ نموونە، ئەمە دەکرێت ئاماژە بێت بۆ: 

  • بارودۆخی سیاسی لە وڵاتی ڕەچەڵەکی خۆت کە گۆڕا بێت و ئەمە واتای ئەوە بێت ناتوانیت بگەڕێیتەوە؛
  • تۆ زۆر نەخۆش دەکەویت ناتوانیت گەشت بکەیت؛
  • تۆ دووچاری نەخۆشێکی مەترسیدار بوویت، و دەستکەوتنی چاودێری پزیشکی لە وڵاتی خۆت بەردەست نیە؛ یان
  • دۆخی خێزانیت بگۆڕێت.

ئەو ڕاستیەی کە تۆ نیگەرانیت دەربارەی ئەگەری گەشتەکەت بۆ وڵاتی خۆت، یان کێشەی کۆمەڵایەتی یان ئابوریت هەیە لە وڵاتی ڕەچەڵەکی خۆت، هۆکاری باش نین بۆ ئەوەی ئاژانسی کۆچ بڕیارەکەی خۆی بگۆڕێت.

دەتوانیت نووسراو بۆ ئاژانسی کۆچ بنووسیت

دەتوانیت نووسراوێک بۆ ئاژانسی کۆچ بنووسیت ئەگەر دەتەوێت پێداچوونەوە بۆ هۆکاری نوێ بکەینەوە کە ڕێگری لە گەڕانەوەت دەکات. پێویستە لە نووسراوەکە ئەمانە بنووسیت 

  • ژمارەی کەیسەکەت (ژمارەی کەیسەکەت لە سەر کارتی LMAی خۆت هەیە)؛
  • چی لە بارودۆختدا نوێیە و بۆچی ناتوانیت بگەڕێتەوە وڵاتی خۆت؛ و 
  • ناونیشانی خۆت.

ئەگەر بەڵگەنامەت هەیە کە دەتوانێت ئەوە بسەلمێنێت کە لە نووسراوەکەت دەینووسیت، پێویستە هاوپێچیان بکەیت، واباشە ڕەسەنەکان بێت.

پێویستە نووسراوەکە بە ناوی خۆت واژۆ بکەیت. تکایە بە سویدی یان ئینگلیزی بنووسە، تاوەکو بتوانیت بە شێوەیەکی خێراتر بڕیارێک وەربگریت.

ئەگەر ناتوانیت خۆت بینوسیت، دەتوانیت داوا لە کەسێکی تر بکەیت ئەمەت بۆ بکات؛ لەو حاڵەتەدا پێویستە بریکارنامەیەک پێشکەشی ئاژانسی کۆچ بکەیت.

ئایا بریکارینامە چییە؟

بریکارینامە ئەکرێت نامەیەکی واژۆکراو بێت (ئیمزاکراو) کە ئەو کەسەی داوای مۆڵەتی مانەوەی تێدا ئەکات بوار ئەدات بە کەسێکی تر کە نوێنەرایەتی بکات. بریکارینامە ئەتوانێت بۆ نموونە، ماف بدات بە کەسێک داوانامە پێشکەشکات، پێزانینی لەسەر هۆکارەکانی بڕیارەکە هەبێت یان داوای تێهەڵچوونەوە لە بڕیارێک بۆ کەسێکی تر بکات. بریکارینامەکە ئەبێت لەلایەن ئەو کەسەوە بنووسرێت کە برێکاریەکە بە کەسێکی تر ئەدات و ئەبێت بتوانرێت ڕەسەنەکە (ئەسلی ەکە) نیشان بدرێت بە دەزگای دەوڵەتی کۆچ و کۆچبەران گەر داوایان کرد.

بۆ ئەوەی بریکاری بە کەسێکی تر بدەیت ئەوا ئەبێت تۆ نامەیەک ڕادەستی دەزگای دەوڵەتی کۆچ بکەیت کە تێیدا نووسرابێت

  • کە ئەمە بریکارینامەیە
  • ناو، ڕێکەوتی لەدایکبوون و ئەدرەسی ئەو کەسەی کە بریکاریەکە بە یەکێکی تر ئەدات
  • ئایا ئەو کەسەی کە بریکاریەکەی هەیە، مافی هەیە چی بکات
  • ناو، ژمارەی کەسی و ئەدرەسی ئەو کەسەی کە بریکاریەکە وەرئەگرێت
  • واژۆی ئەو کەسەی کە بریکاری بەیەکێکی تر ئەدات
  • ڕێکەوت و شوێنی ئەو کاتەی کە بریکارینامەکە ئیمزا کراوە.

لەوانەیە ئاژانسی کۆچ، بە دەسپێشخەری خۆی، گەشتی گەڕانەوەت ڕەت بكاتەوە

پێویستە ئاژانسی کۆچ تێبینی ئەوە بکات ئایا زانیاری نوێ دەرکەوتووە کە واتای ئەوەیە ناتوانیت بگەڕێیتەوە وڵاتی خۆت. ئەوکات ئاژانسی کۆچ ئەگەری ڕەتکردنەوەی گەشتی گەڕانەوەتی هەیە، تەنانەت ئەگەر نووسراویشت نە نووسی بێت و ئێمەت ئاگادار نەکرد بێتەوە دەربارەی تەگەرەکانی کارپێکردنی یاساکە. هەروەها پۆلیسیش بەرپرسیاریەتی هەیە کە ئاژانسی کۆچ ئاگادار بکاتەوە ئەگەر جێبەجێکردنی گەشتی گەڕانەوە گونجاو نەبێت.

بڕیار

ئاژانسی کۆچی سویدی لە ڕێگەی پۆست بڕیارەکەت بۆ دەنێرێت.

Last updated: 2017-04-06

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.