ئەگەر بتەوێت تێهەڵچوونەوە پێشکەش بکەیت

Om du vill överklaga – sorani

بڕیاری ئاژانسی کۆچ بۆ ڕەتكردنەوەی داواکاریەکەت بۆ پەنابەری واتە کە تۆ شایستەی مۆڵەتی نیشتەجێ بوون نیت لە سوید. دەتوانیت بڕیارەکە پەسەند بکەیت یان تێهەڵچوونەوەى بۆ بکەیت. تەنانەت ئەگەر تێهەڵچوونەوە بکەیت، پێویستە پلان دابڕێژیت بۆ گەڕانەوە.

تۆ مافی داوای تێهەڵچوونەوەت هەیە گەر بڕیاری دەزگای دەوڵەی کۆچ پەسەند ناکەیت. ئەوە دادگای دەزگای دەوڵەتی کۆچە کە لێکۆڵینەوە لە تێهەڵچوونەوەکە ئەکات، بەڵام تۆ داوای تێهەڵچوونەوەکەت بۆ دەزگای دەوڵەتی کۆچ ئەنێرییت. گەر تۆ پارێزەرێکی گشتیت هەیە، ئەوا ئەو ئەتوانێت یارمەتییت بدات. لە بڕیارەکەدا نووسراوە درێژی ئەو ماوەیەی بەدەستەوەیە بۆ داوای تێهەڵچوونەوەکە چەندە، بەزۆریی سێ هەفتەیە لەو ڕۆژەوە کە پێزاینت لەبارەی بڕیارەکەوە وەرگرت.

لەم خانەیەی خوارەوە دەتوانیت بزانیت دوا وادەی تێهەڵچوونەوەکە کەیە بەگوێرەی جۆری بڕیاری دراو لە کەیسەکەت.

دادگای کۆچ کردن کار لەسەر تێهەڵچوونەوەکەت دەکات

ئاژانسی کۆچ سەرەتا سەیری تێهەڵچوونەوەکەت دەکات بۆ ئەوەی بزانێت ئایا بڕیارەکە پێویستە بگۆڕدرێت یان نا. ئەگەر ئاژانسی کۆچ هیچ هۆکارێک نەدۆزێتەوە بۆ گۆڕینی بڕیارەکە، تێهەڵچوونەوەکە ئاڕاستەی دادگای کۆچ کردن دەکرێت. دادگا دەتوانێت بڕیارەکە لە بەرژەوەندی تۆ بگۆڕێت یان لەگەڵ ئاژانسی کۆچ هاوڕا بێت.

کاتێک دادگای کۆچ کردن تێهەڵچوونەوەکەت وەردەگرێت، پێویستە ڕوو بکەیتە دادگا ( و نەوەک ئاژانسی کۆچ) بۆ هەر پرسیارێک دەربارەی تێهەڵچوونەوەکەت یان کارکردن لەسەری. ئاژانسی کۆچ چی تر پارە نادات بۆ تێچووەکانی گەشت بۆ تۆ بۆ سەردانکردن لەگەڵ پارێزەرەکەت کاتێک تێهەڵچوونەوەکەت بۆ دادگا دەنێردرێت.

ئەگەر ڕات بگۆڕیت و بتەوێت تێهەڵچوونەوەکەت بکێشيتەوە، دەتوانیت ئاژانسی کۆچ ئاگادار بکەیتەوە کە تۆ بڕیارە ڕەسەنەکە پەسەند دەکەیت. ئینجا تێهەڵچوونەوەکەت کاری لەسەر ناکرێت، و ناتوانیت دووبارە تێهەڵچوونەوە بۆ بڕیارەکە بکەیت.

چۆنیەتی نووسینی تێهەڵچوونەوەیەک

ئەگەر دەتەوێت تێهەڵچوونەوە بۆ بڕیاری ئاژانسی کۆچ بکەیت پێویستە نووسراوێک بنووسیت وەسفی ئەو بڕیارە بکەیت کە دەتەوێت ئاژانسی کۆچ بیگۆڕێت و بۆچیش. هەموو بەڵگەنامەیەک هاوپێچ بکە (واباشە ڕەسەنەکە بێت) یان بەڵگەی تر کە پشتیوانی هۆکارەکانت دەکات.

هەروەها پێویستە تێهەڵچوونەوەکەت داتای کەسی و ژمارەی کەیسەکەت لەخۆ بگرێت. ژمارەی کەیسەکە لەسەر کارتی داواکاری پەنابەریە (بە سویدی LMA) هەروەها ژمارە تەلەفۆنێک و ناونیشانێک بنووسە کە ئاژانسی کۆچ و دادگای کۆچ دەتوانن بە تۆ بگەن.

گرنگە کە تێهەڵچوونەوەکەت بە ئاژانسی کۆچ بگات بەر لە دواوادەی تێهەڵچوونەوەکە. لە خوارەوە دەتوانیت بزانیت دوا وادەی کەیسەکەت کەیە، بەگوێرەی جۆری بڕیاری دراو لە کەیسەکەت.

ئەگەر ناتوانیت خۆت تێهەڵچوونەوەکە پێشکەش بکەیت، دەتوانیت داوا لە کەسێک بکەیت بۆتی ئەنجام بدات. لەو حاڵەتەدا پێویستە بریکارنامەیەک پێشکەشی ئاژانسی کۆچ بکەیت.

ئایا بریکارینامە چییە؟

بریکارینامە ئەکرێت نامەیەکی واژۆکراو بێت (ئیمزاکراو) کە ئەو کەسەی داوای مۆڵەتی مانەوەی تێدا ئەکات بوار ئەدات بە کەسێکی تر کە نوێنەرایەتی بکات. بریکارینامە ئەتوانێت بۆ نموونە، ماف بدات بە کەسێک داوانامە پێشکەشکات، پێزانینی لەسەر هۆکارەکانی بڕیارەکە هەبێت یان داوای تێهەڵچوونەوە لە بڕیارێک بۆ کەسێکی تر بکات. بریکارینامەکە ئەبێت لەلایەن ئەو کەسەوە بنووسرێت کە برێکاریەکە بە کەسێکی تر ئەدات و ئەبێت بتوانرێت ڕەسەنەکە (ئەسلی ەکە) نیشان بدرێت بە دەزگای دەوڵەتی کۆچ و کۆچبەران گەر داوایان کرد.

بۆ ئەوەی بریکاری بە کەسێکی تر بدەیت ئەوا ئەبێت تۆ نامەیەک ڕادەستی دەزگای دەوڵەتی کۆچ بکەیت کە تێیدا نووسرابێت

  • کە ئەمە بریکارینامەیە
  • ناو، ڕێکەوتی لەدایکبوون و ئەدرەسی ئەو کەسەی کە بریکاریەکە بە یەکێکی تر ئەدات
  • ئایا ئەو کەسەی کە بریکاریەکەی هەیە، مافی هەیە چی بکات
  • ناو، ژمارەی کەسی و ئەدرەسی ئەو کەسەی کە بریکاریەکە وەرئەگرێت
  • واژۆی ئەو کەسەی کە بریکاری بەیەکێکی تر ئەدات
  • ڕێکەوت و شوێنی ئەو کاتەی کە بریکارینامەکە ئیمزا کراوە.

ئەگەر بتەوێت تێهەڵچوونەوە پێشکەش بە دادگای کۆچ بکەیت

گەر لە بڕیاری دادگای دەزگای دەوڵەتی کۆچ ڕازی نیت، ئەتوانیت لای دادگای باڵای دەزگای دەوڵەتی کۆچ داوای تێهەڵچوونەوە بکەیت، لە ماوەی سێ هەفتەدا لەو ڕۆژەوە کە پێزانینت لەبارەی حوکمەکەوە وەرگرت. دادگای باڵای دەزگای دەوڵەتی کۆچ دوایین دەستەڵاتی باڵایە و بڕیارەکەی ئەوێ ڕێنیشاندەرە بۆ دەزگای دەوڵەتی کۆچ و بڕیاری دادگاکانی دەزگای دەوڵەتی کۆچ لە بابەتی لێکچوو بەمە.

دادگای تێهەڵچوونەوەی کۆچ تەنها سەیری چەند کەیسێک دەکات، یان بەهۆی ئەوەی هیچ پێشینەیەک نیە (بۆیە هیچ ڕێنوێنیەک نابێت) بۆیان یان لەبەرئەوەی بە هەڵە لە لایەن دادگای کۆچەوە دراون. زۆرینەی تێهەڵچوونەوەکان بۆ دادگای تێهەڵچوونەوەی کۆچ دەگەڕێنرێنەوە، بەو واتایەی کە بڕیارەکانی دادگای کۆچ لەو کەیسانە وەک خۆیان دەمێننەوە.

دوا وادەی تێهەڵچوونەوەی جیاواز بۆ بڕیاری جیاواز

پێویستە ئاژانسی کۆچ تێهەڵچوونەوەکەت بەر لە دوا وادە وەربگرێت. ئەگەر تێهەڵچوونەوە دژی بڕیاری دادگای کۆچ پێشکەش دەکەیت، هەروەها پێویستە بۆ دادگاشی بنێریت بەر لە دوا وادەکە. بەلگەنامەی بڕیارەکە کە وەرتگرتووە ئەوە دیاری دەکات کە دوا وادەی کەیسەکەت چەندە.

کاتێک دوا وادەکە بەسەر دەچێت چی تر ناتوانیت تێهەڵچوونەوە بۆ بڕیارەکە بکەیت، بۆیە دەوترێت هێزی یاسایی دەستخستووە.

دوا وادەکانی تێهەڵچوونەوەکان‌

دەتوانیت تێهەڵچوونەوەی بۆ بکەیت

تۆ وەرتگرتووە

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

فرمانێکی دەرکردن

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

بڕیارێک بۆ ڕەتکردنەوەی هاتنەناوەوە کاریگەری ڕاستەوخۆى ده بێت

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

بڕیارێکی دادگای کۆچ

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

بڕیارێک بۆ ڕوونكردنەوەی دۆخ

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

بڕیارێک بۆ بەڵگەنامەکانی گەشت

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

بڕیارێک بۆ پاسەپۆرتی بیانی

لەماوەی سێ هەفتە لە دوای ئه و ڕۆژه‌ی ئاژانسی کۆچ بڕیارەکەی دا

قەدەغەی دووبارە هاتنەناوەوە بۆ وڵاتانی شنگن لەبەرئەوەی سویدت جێنەهێشت لە کاتی خۆیدا

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

قەدەغەی دووبارە هاتنەناوەوە لەبەر هۆکاری تر

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

بڕیارێک بۆ بەخششی تایبەت

لەماوەی پێنج هەفتە لە ڕۆژی ئاژانسی کۆچ بڕیارەکەی دا

بڕیارێک بۆ کەمکردنەوە یان کۆتایی هێنان بۆ دەرماڵەی ڕۆژانە

لەماوەی سێ هەفتەدا لەو ڕۆژەوە کە پێزانینت لەبارەی بڕیارەکەوە وەرگرت

ڕوونكردنەوەیەک بۆ لاوەکی پاراستنەکەت (ئەگەرباوەڕت وایەوەرگرت پێویستە دۆخی پەنابەری وەربگریت)

لە هەر کاتێکدا

بڕیارێک دەربارەی چاودێرى یان دەست بەسەرکردن


ناتوانیت تێهەڵچوونەوە بکەیت

  • بڕیارێک دواى ئەوەی پەسەندت کرد و ڕوونكردنەوەیەکی پەسەندکردنت واژۆ کرد
  • بڕیاری دادگای تێهەڵچوونەوەی کۆچ کار لەسەر کەیسەکەت ناکات
  • بڕیارێک مۆڵەتی نیشتەجێ بوونی کاتییت پێدەدات.

Last updated: 21 April 2017

Was the information on this page helpful to you?