گەر ئەتەوێت داوای تێهەڵچوونەوە بکەیت

Om du vill överklaga – sorani

گەر تۆ بڕیارێکت لە دەزگای دەوڵەتی کۆچ و کۆچبەران وەرگرتوە کە تۆ پەسەندی ناکەیت، ئەتوانیت ئەوە هەڵبژاردە بکەیت کە داوای تێهەڵچوونەوەی بکەیت. لێرەدا زانیاریی زیاتر ئەبینیتەوە لەبارەی چۆنێتی کردنی داوای تێهەڵچوونەوە.

گەر تۆ بڕیاری دەزگای کۆچ و کۆچبەران پەسەند ناکەیت، ئەوا مافی داوای تێهەڵچوونەوەت هەیە. داوای تێهەڵچوونەوە مانای ئەوەیە کە تۆ ئەتەوێت بڕیارەکە بگۆڕرێت. ئەوە دادگایەکە کە هەڵسەنگاندن بۆ داوای تێهەڵچوونەوەکە ئەکات، بەڵام ئەبێت تۆ داوای تێهەڵچوونەوەکە بۆ دەزگای کۆچ و کۆچبەران بنێریت. لە بڕیارەکەدا نووسراوە کە تۆ ماوەیەکی چەند درێژت بەدەستەوەیە بۆ داوای تێهەڵچوونەوەکە، بەزۆریی سێ هەفتە لەو ڕۆژەوە کە تۆ پێزانینت لەسەر بڕیارەکە وەرگرتووە. گەر تۆ یاریدەدەریی گشتیت هەیە ئەوا ئەو ئەتوانێت لە داوای تێهەڵچوونەوەکەدا یارمەتیت بدات.

گەر تۆ داوای مۆڵەتی مانەوەت کردوە، ڕەتکردنەوەت بۆ داوانامەکەت وەرگرتوە و کاتی بڕیار وەرگرتنەکە لە سویدیت، ئەوا لەگەڵ ئەوەشدا ئەبێت پلاندانان بۆ گەڕانەوەت بکەیت ئەگەرچی هەڵبژاردەی ئەوە بکەیت کە داوای تێهەڵچوونەوە بکەیت. لە بڕیارەکەدا ئەوە هاتوە کە ئایا تۆ لەکاتی چاوەڕوانیکردن بۆ بڕیاری دادگا، مافی مانەوەت لە سوید هەیە.

دادگای دەزگای دەوڵەتی کۆچ و کۆچبەران هەڵسەنگاندن بۆ تێهەڵچوونەوەکەت ئەکات

لەپێشدا دەزگای کۆچ و کۆچبەران بەنێو داوای تێهەڵچوونەوەکەتدا ئەڕوات بۆ ئەوەی بزانێ کە ئایا بڕیارەکە ئەبێت گۆڕانکاریی تیدا بکرێت. گەر دەزگای کۆچ و کۆچبەران پێوابوونی نەبوو کە هۆکار
هەیە بۆ گۆڕینی بڕیارەکە ئەوا بۆ دادگای دەزگای کۆچ و کۆچبەران ڕەوانە ئەکرێت. یا ئەوەتا دادگا بڕیارەکە ئەگۆڕێت یاخود هاوڕای دەزگای دەوڵەتی کۆچ و کۆچبەران ئەبێت.

لەو ڕۆژەوە کە دادگای دەزگای دەوڵەتی کۆچ و کۆچبەران داوای تێهەڵچوونەوەکەی تۆی بەدەست گەییشت ئەوا تۆ لە هەموو پرسیار هاتنەپێشێکدا کە لەمەڕ داوای تێهەڵچوونەوەکەت و کاری دادگای دەزگای دەوڵەتی کۆچ و کۆچبەرانە ڕوو لە دادگا ئەکەیت. بەرپرسێتی خۆتە کە چاودێریی حوکمەکانی دادگای دەزگای کۆچ و کۆچبەران بکەیت، دەزگای کۆچ و کۆچبەران ئەم کارە بۆ تۆ ناکات.

گەر تۆ یاریدەدەریی گشتیت هەیە ئەوا پاش ئەوەی کە داوای تێهەڵچوونەوەکەت ڕادەستی دادگا کرا ناتوانیت پارە لە دەزگای دەوڵەتی کۆچ و کۆچبەرانەوە وەربگریت بۆ سەفەرکردن بۆ لای یاریدەدەریی گشتی.

گەر تۆ ڕات گۆڕی و ویستت داوای تێهەڵچوونەوەکەت بکێشیتەوە ئەوا ئەتوانیت ڕاگەیاندن لای دەزگای دەوڵەتی کۆچ و کۆچبەران بکەیت کە تۆ بڕیارەکەت قبووڵە. ئەوکاتە هەڵسەنگاندن بۆ داوای تێهەڵچوونەوەکەت ناکرێت، و تۆ ناتوانیت دیسان داوای تێهەڵچوونەوەی بڕیارەکە بکەیت.

بەم شێوەیە داوای تێهەڵچوونەوە ئەنووسیت

لە بڕیارەکەدا نووسراوە تۆ چۆن ئەکەیت بۆئەوەی داوای تێهەڵچوونەوە بکەیت. گەر تۆ ئەتەوێت داوای تێهەڵچوونەوە لە بڕیاری دەزگای دەوڵەتی کۆچ و کۆچبەران بکەیت ئەوا تۆ نامەیەک ئەنووسیت کە تێیدا باس لەوە ئەکەیت دەزگای دەوڵەتی کۆچ و کۆچبەران کام بڕیارە بگۆڕێت و بۆچی. دۆکومێنت و بەڵگەی تری لەگەڵیا بنێرە کە پشتگیریی گێڕانەوەکەی تۆ ئەکات- خۆشترین وایە ڕەسەنەکەی بێت.

لە داوای تێهەڵچوونەوەکەتدا ئەبێت تۆ زانیارییە کەسییەکانت و ژمارەی بابەتەکەت بنووسیت. ژمارەی بابەتەکە لەسەر بڕیارەکەتە. گەر تۆ پەناخوازیت ژمارەی بابەتەکەت لەسەر کارتی وەرگرتن ل م ئا کەشت نووسراوە. ژمارە تەلەفۆن و ئەدرەسیش بنووسە کە بەهۆی ئەوەوە دەزگای دەوڵەتی کۆچ و کۆچبەران یان دادگا بتوانن دەستیان بەتۆ بگات.

ئەوە گرنگە کە داوای تێهەڵچوونەوەکەت لە کاتی خۆیدا بەدەست دەزگای دەوڵەتی کۆچ و کۆچبەران بگات. لەو خشتەیەی کە لەم لاپەڕەیەدا هەیە ئەتوانیت ببینیت کە تۆ درێژی ماوەی چەندت بۆ داوای تێهەڵچوونەوەکە بەدەستەوەیە، وابەستە بەجۆری ئەو بڕیارەی پەیوەندییدارە. کاتەکە لەوێوە هەژمارئەکرێت کە تۆ بڕیارەکەت پێڕاگەیانراوە.

گەر تۆ نەتوانیت داوای تێهەڵچوونەوە بکەیت، داوا لە یەکێکی تر بکە ئەو کارە بۆ تۆ بکات. ئەوکاتە تۆ پێویستت بەوەیە کە بریکارینامەیەک/وەکالەت بۆ ئەو کەسەی کە یارمەتیت ئەدات لای دەزگای دەوڵەتی کۆچ و کۆچبەران بەجێبهێڵیت.

ئایا بریکاریینامە چییە؟

برێکاریینامە ئەکرێت نامەیەکی واژۆکراو بێت کە تێیدا ئەو کەسەی داوای مۆڵەتی مانەوە ئەکات دەرفەت ئەدات بە کەسێکی تر کە نوێنەرایەتیی بکات. بریکاریینامە ئەکرێت بۆ نموونە. ماف بدات بە کەسێکی تر کە داوابکات، پێزانینی لەسەر هۆکارەکانی بڕیارێک هەبێت یاخود داوای تێهەڵچوونەوە بۆ یەکێکی تر بکات. بریکاریینامەکە ئەبێت لەلایەن ئەو کەسەوە بنووسرێت کە بریکاریینامەکە ئەدات و ڕەسەنەکەی ئەبێت بتوانرێت نیشان بدرێت گەر دەزگای دەوڵەتی کۆچ و کۆچبەران
داوای کرد.

بۆئەوەی بریکاریینامە بە کەسێکی تر بدرێت، ئەبێت تۆ نامەیەک لای دەزگای دەوڵەتی کۆچ و کۆچبەران بەجێبهێڵیت کە ئەمانەی تێدا نووسرابێت

  •  کە ئەمە بریکاریینامەیە
  •  ناو، ڕێکەوتی لەدایکبوون و ئەدرەسی ئەو کەسەی کە بریکاریینامە بە کەسێکی تر ئەدات .
  •  کە ئەو کەسەی بریکاریینامەکەی ئەدرێتێ مافی کردنی چی هەیە
  •  ناو، ڕێکەوتی لەدایکبوون و ئەدرەسی ئەو کەسەی کە بریکاریینامە لە کەسێکی تر وەرئەگرێت .
  • واژۆ/ئیمزای ئەو کەسەی کە بریکاریینامە بە کەسێکی تر ئەدات
  • ڕێکەوت و شوێنی ئەو کاتەی بریکاریینامەکە واژۆکراوە.

Power of Attorney, form number 107011(بە ئینگلیزیى)PDF

گەر ئەتەوێت داوای تێهەڵچوونەوەی حوکمەکەی دادگای دەزگای کۆچ و کۆچبەران بکەیت

گەر تۆ لە حوکمەکەی دادگای دەزگای کۆچ و کۆچبەران ناڕازیت ئەتوانیت لای دادگای باڵای دەزگای کۆچ و کۆچبەران داوای تێهەڵچوونەوە بکەیت لە ماوەی سێ هەفتەدا لەو ڕۆژەوە کە پێزانینت لەسەر
حوکمەکە وەرگرت. دادگای باڵای دەزگای کۆچ و کۆچبەران دەسەڵاتی بەرزترینی هەرەدواییە و ئەو بڕیارانەی لەوێ ئەگیرێن ئەبنە ڕێنیشاندەر بۆ بڕیاری بابەتە لێکچووەکانی دەزگای کۆچ و کۆچبەران و دادگاکانی دەزگای کۆچ و کۆچبەران.

دادگای باڵای دەزگای کۆچ و کۆچبەران هەڵسەنگاندن تەنها لە هەندێک بابەتی دیاریکراودا ئەکات کە تێیدا ڕێنیشاندەریی دادی نییە یاخود ئەگەر دادگای دەزگای کۆچ و کۆچبەران بەشێوازێکی هەڵە بابەتەکەی هەڵسەنگاندبێت. لە زۆرینەی دۆخەکاندا دادگای باڵای دەزگای کۆچ و کۆچبەران بڕیار ئەدات کە هەڵسەنگاندن بۆ داوای تێهەڵچوونەوەکە نەکات. ئەو کاتە حوکمەکەی دادگای دەزگای کۆچ و کۆچبەران کاری پێئەکرێت.

هەموو بڕیارێک ناکرێت داوای تێهەڵچوونەوە لەسەر بکرێت

تۆ ناتوانیت داوای تێهەڵچوونەوە لە بەشێک لە بڕیار بکەیت. لە بڕیارەکەتا نووسراوە کە ئایا ئەتوانیت داوای تێهەڵچوونەوە بکەیت یان نا. تۆ ناتوانیت داوای تێهەڵچوونەوە لەمانەدا بکەیت:

  • بڕیارێک پاش ئەوەی کە تۆ پەسەندت کردووە و واژۆی/ئیمزای ئاشکراکردنی ڕەزامەندیت داوە.
  • بڕیاری دادگای باڵای دەزگای کۆچ و کۆچبەران بەوەی کە هەڵسەنگاندن بۆ بابەتەکەت ناکات.
  • کە تۆ مۆڵەتێکی مانەوەی ماوەدیاریکراوت وەرگرتوە.

کاتە جیاوازەکان بۆ داوای تێهەڵچوونەوە جیاوازەکان

دەزگای کۆچ و کۆچبەران پێداویستی بەوەیە کە داوای تێهەڵچوونەوەکەت وەرگرێت بەرلە بەسەرچوونی کاتی مۆڵەتپێدراو. تۆ داوای تێهەڵچوونەوەکەت بۆ دادگا ئەبێریت گەر تۆ ئەتەوێت داوای تێهەڵچوونەوە لە بڕیاری دادگا بکەیت بۆ ئەوەی ئەوان لە کاتی خۆیدا بەدەستیان بگات، بەرلە ئەوەی کاتی مۆڵەتپێدراو بەسەرچووبێت. لە بڕیارەکەدا نووسراوە کە تۆ چەند ماوەت بۆ داوای تێهەڵچوونەوە بەدەستەوەیە.

کاتێک کاتی مۆڵەتپێدراو بەسەرچوو پیاو ئەڵێت کە بڕیارەکە چۆتە بواری جێبەجێکردنەوە. ئەمە مانای ئەوەیە کە چیتر ناکرێت داوای تێهەڵچوونەوە لە بڕیارەکە بکرێت.

کاتەکانی مۆڵەتپێدراو بۆ تێهەڵچوونەوە

تۆ ئەتوانیت داوای تێهەڵچوونەوە بکەیت

تۆ ئەمەت وەرگرتوە

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

 بڕیاری دەرکردن

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

بڕیاری گەڕاندنەوە کە ئەبێت دەستبەجێ جێبەجێکرێت

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

حوکم لەدادگای دەزگای کۆچ و کۆچبەرانەوە

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

بڕیار لەبارەی ڕاگەیاندنی پلەی پەنابەری

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

بڕیار لەبارەی پەساپۆرتی پەنابەری سیاسی

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

بڕیار لەبارەی پەساپۆرتی بیانی

لە ماوەی سێ هەفتەدا لەو ڕۆژەوە کە دەزگای کۆچ و کۆچبەران بڕیاری گرت

قەدەخەکردنی سەفەرکردنەوە بۆ وڵاتانی شەنگن بە هۆکاری ئەوەی کە تۆ سویدت لەکاتی خۆیدا بەجێنەهێشت

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

قەدەخەکردنی سەفەرکردنەوە لەبەر هۆکارێکی تر

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

بڕیارلەبارەی یارمەتیانەی تایەبەت

لە ماوەی پێنج هەفتەدا لەو ڕۆژەوە کە دەزگای کۆچ و کۆچبەران بڕیاری گرت

بڕیار لەبابەت داشکان یان کۆتایی پێهێنانی قەرەبوی ڕۆژانە

لە ماوەی سێ هەفتەدا لەو ڕۆژەوە کە پێزاینت لەسەر بڕیارەکە وەرگرت

بژاردەی ڕاگەیاندنی پلەی پاراستن (گەر پێتوایە کە تۆ ئەبوایە پلەی پەنابەرییت وەرگرتایە)

هەر کاتێک بێت

بڕیار لەبارەی خستنەژێر چاودێری یان ڕاگرتن

 

Last updated: 11 September 2019

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.