د کورنۍ د غړو بیا یوځای کېدنې او د نفقې شرط په اړه عامې پوښتنې او ځوابونه

Vanliga frågor och svar om familjeåterförening och försörjningskrav – pashto

  • آیا زما کورنۍ سویډن ته راتلای شي؟

    د کورنۍ د غړو بیا یوځای کېدنه دې پورې اړه لري چې تاسو کوم ډول اقامه ترلاسه کړې ده او په ځینې حالتونو کې حتی دې پورې هم اړه لري چې تاسو کوم وخت ځان تسلیم کړی دی یعنې کله مو د پناه غوښتنې عریضه وړاندې کړې ده.

    ستاسو کورنۍ په لاندې شرایطو کولی شي چې د اقامې غوښتنه وکړي ترڅو تاسو سره په سویډن کې یوځای شي.

    • که چېرې تاسو دایمي اقامه ترلاسه کړي وي
    • لنډمهاله اقامه مو د کډوال (په عامه ژبه د سیاسي اقامې) قانوني حیثیت سره ترلاسه کړې وي
    • لنډمهاله اقامه مو د متبادل پناه غوښتونکي د قانوني حیثیت سره ترلاسه کړې وي او د پناه غوښتنې کیس مو د کال ۲۰۱۵ د نومبر د ۲۴ نېټې باندې یا له دې څخه مخکې ورکړې وي.

    کوم کسان چې لنډمهاله اقامه یې د متبادل پناه غوښتونکي د قانوني حیثیت سره ترلاسه کړې وي او د پناه غوښتنه یې د کال ۲۰۱۵ د نومبر د ۲۴ نېټې باندې یا له دې څخه مخکې کړې وي په استثنایي حالتونو کې د کورنۍ د غړو بیا یوځای کېدنې حق لري.

  • دلته تاسو يو شمېر مثالونه لوستلای شئ ترڅو معلومه کړئ چې کوم حالت کېدای شي تاسو او ستاسو کورنۍ سره تړاو ولري.

    ما د کډوال قانوني حیثیت ترلاسه کړی دی او د پناه غوښتنې عریضه مې د نومبر د ۲۴مې نیټې څخه مخکې وړاندې کړې ده.

    ستاسو د کورنۍ نږدې غړي کولی شي چې د اقامې غوښتنه وکړي ترڅو سویډن ته راشي او ترڅو پورې چې ستاسو اقامه د اعتبار وړ وي تاسو سره دلته یوځای ژوند وکړي. په داسې حالت کې کېدی شي تاسو باندې د نفقې شرط کېښودل شي.

    ما د متبادل پناه غوښتونکي په صفت اقامه ترلاسه کړی ده او د پناه غوښتنې عریضه مې د ۲۴م نومبر څخه مخکې وړاندې کړې ده.

    ستاسو د کورنۍ نږدې غړي کولی شي چې د اقامې غوښتنه وکړي ترڅو سویډن ته راشي او ترڅو پورې چې ستاسو اقامه د اعتبار وړ وي تاسو سره دلته یوځای ژوند وکړي. په داسې حالت کې کېدی شي تاسو باندې د نفقې شرط کېښودل شي.

    ما د کډوال په صفت اقامه ترلاسه کړې ده او د پناه غوښتنې عریضه مې د نومبر د ۲۴مې نیټې څخه وروسته وړاندې کړې ده.

    ستاسو د کورنۍ نږدې غړي کولی شي چې د اقامې غوښتنه وکړي ترڅو سویډن ته راشي او ترڅو پورې چې ستاسو اقامه د اعتبار وړ وي تاسو سره دلته یوځای ژوند وکړي. په داسې حالت کې کېدی شي تاسو باندې د نفقې شرط کېښودل شي.

    ما د متبادل پناه غوښتونکي په صفت اقامه ترلاسه کړې ده او د پناه غوښتنې عریضه مې د نومبر د ۲۴مې نیټې څخه وروسته وړاندې کړې ده.

    تاسو صرف په استثنایی حالتونو کې د کورنۍ د غړو بیا یوځای کېدنې حق لرئ.

    دا ډول استثنایی حالتونه امکان لري د هغو خلکو لپاره وي څوک چې یوې ځانګړې او جدي روغتیایي ستونزې سره مخامخ وي او یا داسې کسان چې د انساني تجارت ښکار ګرځېدلي وي. په زیاتره حالتونو کې د کورنۍ غړو ته اقامه نه ورکول کېږي.

    زه د ۱۸ کالو نه کم عمر لرم او پرته د خپلې کورنۍ سویډن ته راغلی یم

    د ځانته راغلي ماشوم په صفت تاسو د کورنۍ د غړو بیا یوځای کېدنې حق لرئ خو په شرط د دې چې د کډوال قانوني حیثیت (سیاسي اقامه) مو ترلاسه کړی وي. ستاسو مور او پلار کولی شي چې د اقامې غوښتنه وکړي ترڅو سویډن ته راشي او ترڅو پورې چې ستاسو اقامه د اعتبار وړ وي تاسو سره دلته یوځای ژوند وکړي.

    که چېرې تاسو د متبادل پناه غوښتونکي قانوني حیثیت ترلاسه کړئ نو په داسې حالت کې تاسو صرف په استثنایی حالتونو کې د کورنۍ د غړو بیا یوځای کېدنې حق لرئ.

    د عمر د کموالي له کبله تاسو د نفقې شرط څخه مستثنی یاست.

    ما دایمي اقامه ترلاسه کړې ده

    ستاسو د کورنۍ غړي کولی شي چې د اقامې غوښتنه وکړي ترڅو سویډن ته راشي او تاسو سره دلته یوځای ژوند وکړي. په داسې حالت کې کېدی شي تاسو باندې د نفقې شرط کېښودل شي.

    د کورنۍ د غړو بیا یوځای کېدنې او د نفقې شرط په اړه نور ولولئ

  • آیا د نفقې شرط د سهمیه کډوالو پورې اړه لري؟

    که چېرې د یو سهمیه کډوال د کورنۍ غړي د اقامې غوښتنه وکړي نو د نفقې شرط په داسې حالت کې ایښودل کېږي که چېرې د اقامې غوښتنه په سویډن کې میشت د کورنۍ غړي ته د اقامې ورکولو څخه درې میاشتې وروسته تقدیم شوي وي. د نفقې شرط په داسې حالت کې هم اعتبار لري که چېرې د کورنۍ غړو ته د اروپایي ټولنې څخه بهر په کوم بل هېواد کې د یوځای کېدو امکانات برابر وي او یا که چېرې دا یوه نوې خپلوي وي.

  • څوک د کورنۍ غړي ګڼل کېږي؟

    که چېرې تاسو لنډمهاله اقامه ترلاسه کړې وي نو یواځې ستاسو د کورنۍ نږدې غړي کولی شي سویډن ته د راتګ او تاسو سره د ګډ ژوند غوښتنه وکړي. ستاسو مېرمن، څښتن، د ژوند ملګری یا راجستر شوی د ژوند ملګری او د ۱۸ کالو نه کم ماشومان ستاسو د کورنۍ نږدې غړو څخه شمېرل کېږي. تاسو او ستاسو د ژوند ملګری دواړه بايد د ۲۱ کالو ویاست او تاسو باید لږ تر لږه دوه کاله ګډ ژوند تېر کړی وي. که چېرې تاسو مشترک ماشومان لرئ نو کېدی شي د عمر د شرط څخه مستثنی وګڼل شئ. که چېرې ستاسو عمر د ۱۸ کالو نه کم وي نو ستاسو مور او پلار ستاسو د کورنۍ نږدې غړي شمېرل کېږي.

    که چېرې تاسو لنډمهاله اقامه ترلاسه کړې وي نو ستاسو د کورنۍ نور غړي هم کولی شي په ځینې استثنایي حالتونو کې د اقامې غوښتنه وکړي ترڅو سویډن ته راشي او تاسو سره ګډ ژوند وکړي.

    د نورو نږدې خپلوانو لپاره د اقامې په اړه نور ولولئ (په انګلیسي ژبه)

  • د نفقې او کور شرط څخه مانا لري؟

    د نفقې او د کور درلودلو شرط دا مانا لري چې تاسو باید دومره توان ولرئ چې خپل او د خپلې کورنۍ مصارف پوره کړئ او په کافي اندازه لوی کور ته لاسرسی ولرئ.

    د نفقې او کور درلودلو شرط په اړه نور ولولئ

  • آیا زه باید د خپلې کورنۍ لخوا د اقامې د عریضې په وخت ښکاره کړم چې زه دومره توان لرم چې خپل او د خپلې کورنۍ مصارف پوره کړم او یا کولی شم چې د خپل عاید په اړه اسناد وروسته تحویل کړم؟

    د کډوالو چارو اداره د عریضې رارسېدو سره سم ګوري چې آیا تاسو خپل او د خپلې کورنۍ مصارف پوره کولی شئ او آیا تاسو یو کافي اندازه لوی او معیاري کور ته لاسرسی لرئ او که نه. د کورنۍ غړو د رارسېدو سره سم باید تاسو لپاره په کور کې د اوسېدو زمینه برابره وي. که چېرې تاسو پورته شرایط نه شئ پوره کولای نو ستاسو د کورنۍ د اقامې عریضه به رد شي.