د پناه غوښتونکي په حیث کار

Arbeta under tiden som asylsökande – pashto

د پناه غوښتنې عریضې ځواب ته د انتظار په موده کې باید تاسو په لومړي ګام کې خپلې اقتصادي ضرورتونه په خپله پوره کړئ. دا کار د خپلې ساتل شوې پانګې څخه ګټه پورته کولو یا د کار کولو له لارې ترسره کولی شئ.

د پناه غوښتنې عریضې فیصلې ته د انتظار په موده کې د کار کولو حق ترلاسه کولو لپاره تاسو ته د کار اجازه درلودلو مکلفیت څخه د معافیت (AT-UND) یو سند درکړل شوی دی.

د پناه غوښتونکي په صفت د کار اجازه ترلاسه کولو شرایط

تاسو د کار اجازه درلودلو شرط څخه په لاندې حالتونو کې معاف یاست:

  • که چېرې تاسو د اعتبار وړ د هویت اسناد وړاندې کړئ او یا په بل ډول خپل هویت ثابتولو کې همکاري وکړئ.
  • که چېرې ستاسو عریضه په سویډن کې څېړل کېږي.
  • که چېرې ستاسو د عریضې اساس په ثابتو دلایلو باندې ولاړ وي. که چېرې ستاسو په کیس کې د هېواد پرېښودلو پرېکړه شوي وي چې سمدستي باید عملي او اجرا شي نو په داسې حالت کې تاسو د کار اجازه درلودلو مکلفیت څخه معافیت (AT-UND) په ساده ژبه د کار کولو اجازه نه لرئ.

دا چې کوم هېواد به ستاسو کیس په غاړه اخلي، د دوبلین قانون له مخې ټاکل کېږي

د هغو کسانو لپاره مالومات د چا په کیس کې چې د هېواد پرېښودلو پرېکړه شوي وي چې باید سمدستي عملي شي

که چېرې تاسو په شرایطو برابر یاست نو تاسو ته یو د ایل ایم آ (LMA) کارت درکول کېږي چې په دې کې AT-UND  (د کار کولو جازه درلودلو مکلفیت څخه معاف) لیکل شوي وي. دا په دې مانا ده چې تاسو د کار جازه درلودلو څخه مستثنی او خلاص یاست. د کار کولو جازه درلودلو مکلفیت څخه معافیت (AT-UND) په عامه توګه تر دې چې اقامه ترلاسه کړئ او یا دا خاوره ترک کړئ، اعتبار لري. که چېرې شکمن یاست چې آیا تاسو د کار کولو جازه درلودلو مکلفیت څخه معافیت (AT-UND) لرئ او که نه نو د خپل مربوطه څانګې سره اړيکه ټینګه کړئ.

د ایل ایم آ (LMA) کارت په اړه نور مالومات دلته ولولئ

که چېرې تاسو د کار جواز درلودلو د مکلفیت څخه مستثنی (AT-UND) یاست نو کولای شئ چې د کار لټولو لپاره د کارموندنې ادارې ته مراجعه وکړئ.

د کارموندنې ادارې په وېبپاڼه کې د کار خالي ځایونه او نور ګټور مالومات پیدا کولی شئexternal link, opens in new window

که چېرې تاسو د پناه غوښتنې په موده کې کار پیدا کړئ

که چېرې تاسو د پناه غوښتنې ځواب ته د انتظار په موده کې کار پیدا کړئ نو باید خپل د کار مالک ته دا سند ښکاره کړئ چې تاسو د کار اجازه درلودلو مکلفیت (AT-UND) څخه معاف یاست. دا سند ستاسو د ایل ایم آ (LMA) کارت کې د ۷ ټکي لاندې لیکل شوی وي.

ستاسو د کار مالک باید د کډوالو چارو ادارې مربوطه څانګې چېرې چې تاسو راجستر یاست، ته خبر ورکړي چې تاسو استخدام شوي یاست. د کار مالک باید دا هم څرګنده کړي چې ستاسو کار یا استخدام کوم وخت پای ته رسېږي. د استخدام خبرتیا باید د یو ځانګړې فورمې، چې شمېره یې 152011 ده، له لارې وړاندې شي.

Notification of employment or termination of employment an asylum seeker, form number 152011 (په سوېډني ژبه)PDF

که چېرې تاسو د ورځې په سر مالي مرسته ترلاسه کوئ نو مکلف یاست چې د کډوالو چارو ادارې ته خپل نور عاید څرګند کړئ. سربېره پر دې باید د مالیې عمومي ادارې (Skatteverket) سره هم اړیکه ونیسئ ترڅو د انسجام شمېره (samordningsnummer) ترلاسه کړئ. د انسجام شمېره د هغو خلکو لپاره ده چې پېژند شمېره نه لري او د انسجام شمېره د کار کولو په موده کې د مالیې تحویلولو لپاره په کار راځي. که چېرې تاسو ناروغه شئ او کار ته نشئ تللی نو د ناروغۍ حقوق ترلاسه کولو لپاره هم د انسجام شمېرې ته اړتیا لرئ.

د نورو مالوماتو لپاره د مالیې عمومي ادارې سره اړیکه ټینګه کړئ (په انګلیسي ژبه)external link, opens in new window

د بانکي حساب پرانیستلو څرنګوالی

دا یواځي د کډوالو چارو اداره ده چې د کډوالو چارو ادارې لخوا توزیع شوي د بانک کارت کې پیسې جمع کولای شي. که چېرې تاسو غواړئ چې داسې یو بانکي حساب پرانیزئ چې ستاسو د کار مالک پکې ستاسو معاش جمع کړي نو باید یو بانک ته مراجعه وکړئ. هر بانک په خپله خوښه او اختیار فیصله کوي چې آیا تاسو په دغه بانک کې د بانکي حساب پرانیستلو شرایط پوره کوئ او که نه.

ټول بانکونه دا شرط لري چې تاسو باید خپل د هویت اسناد ښکاره کړئ ترڅو دوی پوه شي چې تاسو څوک یاست. بانک په مستقله توګه ټاکي چې کوم ډول د هویت اسناد ومني. ځینې بانکونه پناه غوښتونکو ته اجازه ورکوي چې یو بانکي حساب خلاص کړي که څه هم د دوی د هویت اسناد د کډوالو چارو ادارې سره پراته وي. په داسې حالت کې باید وکولای شئ چې یو معتبر د ایل ایم آ کارت او خپل د هویت اسنادو یوه کاپی چې د کډوالو چارو ادارې لخوا تصدیق شوې وي چې دا د اصل اسنادو کاپي ده، وړاندې کړئ. د کډوالو چارو اداره دا تصدیق نه کوي چې د هویت اسناد اصلي دي بلکه صرف دا تصدیق کوي چې کومه کاپي چې تاسو ته درکول کېږي هغه د کډوالو چارو ادارې سره پراته د اصل اسنادو سره مطابقت لري. که چېرې تاسو د پیل نه موږ ته د خپلو اسنادو کاپی راکړې وي نو بیا موږ نشو کولای چې دا ډول تصدیق شوې کاپی توزیع کړو.

بانک په خپل وار د کډوالو چارو ادارې سره اړیکه نیسي ترڅو د هغو معلوماتو تایید او تصدیق وکړي کوم چې تاسو وړاندې کړې دي. د کډوالو چارو اداره صرف په هغه حالت کې تایید کولای شي چې تاسو د دې کار سره موافقه کړې وي یعنې تاسو یو کاغذ باندې لاسلیک کړی وي د کوم له مخې مو چې د کډوالو چارو ادارې ته اجازه ورکړې وي چې په دې اړه د بانک سره خبرې اترې وکړي. که چېرې تاسو د مخه د کډوالو چارو ادارې سره دا ډول موافقه نه وې کړي نو بیا کولای شئ چې تاسو سره نږدې د کډوالو چارو دفتر ته مراجعه وکړئ او هغوی ته ووایاست چې تاسو غواړئ نوموړې موافقه لاسلیک کړئ.

ځینې بانکونه د حساب پرانیستلو لپاره د کار تصدیق وړاندې کولو شرط لري. د کار تصدیق د کار مالک څخه ترلاسه کړئ.

که چېرې عمر مو د 18 کالو څخه کم وي

که چېرې ستاسو عمر 16 کاله یا زیات وي نو باید په سویډن کې د کار کولو لپاره د کار جواز درلودلو مکلفیت څخه معافي ولرئ. دا هم تاسو چې د کورنۍ سره یوځای راغلی یاست او هم تاسو چې د ځانته راغلیو ماشومانو په جمله کې راغلي یاست، پورې اړه لري.

که چېرې ستاسو عمر د 16 کالو څخه کم وي نو د رخصتۍ ازمیښتي کار، د ساده وظیفو یا کله نا کله کار لپاره د کار جواز درلودلو مکلفیت څخه معافۍ ته ضرورت نه لرئ. دا ضروري نه ده چې د کډوالو چارو اداره ستاسو کار منظور کړي خو ستاسو سرپرست (یا موقتي سرپرست/ګودمان) باید اجازه ورکړي چې تاسو کولی شئ چې کار وکړئ.

دې ته پام وکړئ چې نه یواخې معاش بلکه بل هر ډول مالي جبران د مثال په توګه د ډالۍ کارټ، کیدی شي چې تاسو ته چې هره میاشت کوم اقتصادي مرسته درکول کېږي په هغې حق باندې اغیزه وکړي.

که چېرې ستاسو عریضه رد شي یا د خاورې ترک کولو حکم ترلاسه کړئ

تر کوم وخته پورې چې تاسو د خاورې پرېښودلو په برخه کې همکاري کوئ تر هغې پورې به د کار جواز درلودلو مکلفیت څخه معاف (AT-UND یاست. که چېرې تاسو د خاورې پرېښودو په بهیر کې همکارۍ ته چمتو نه یاست نو بیا د کار جواز درلودلو مکلفیت څخه معافي له منځه ځي.

که چېرې د پناه غوښتنې عریضه مو رد شي

تاسو چا چې فیصلې ته د انتظار په موده کې کار کړی وي کولی شئ چې د منفي ځواب څخه وروسته د کار اجازه وغواړئ.

د منفي ځواب څخه وروسته د کار اجازه غوښتلو لپاره شرایطو په اړه نور مالومات ولولئ

د کډوالو لپاره د کار او د کار جواز درلودلو مکلفیت څخه معافۍ (AT-UND) په اړه عامې پوښتنې او ځوابونه

Last updated: 16 October 2019

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.