د خوندیتوب حالت

Skyddsstatus – pashto

سویډن د کډوالو لپاره د ملګرو ملتونو کنوانسیون لاسلیک کړی. ددی کنوانسیون لاندې، کډوال حق لري ترڅو په رسمي ډول د کډوالی پیژندل شوی موقف ترلاسه کړی.

د سویډن دبهرنيو اتباعو قانون هم د ارپایي ټولني د صلاحیت لارښود تعقیبوي، چې په دي لارښود کې هر هغه کس ته چې د خوندیتوب د اړتیا پر بنیاد د اقامت جواز ورکړل شوی وي، همدارنګه د رسمي موقف حق هم ورکول کیږی.

که چیرې تاسو د یو کډوالی په توګه و ګڼل شی، تاسو به د کډوالۍ د موقف یوه اعلامیه ترلاسه کړی – کوم چي په نړیواله سطحه، د جینوا او همدارنګه د اروپایي ټولني د صلاحیت د لارښود د قوانینو پر بنسټ، پیژندل شوی موقف دی.

که چیرې تاسو د یو داسی کس په توګه په نظر کي ونیول شي چې ځانګړي خوندیتوب ته اړتیا لري، تاسو به د ځانګړي خوندیتوب د موقف یوه اعلامیه ترلاسه کړی – کوم چي په نړیواله سطحه د اروپایي ټولني د صلاحیت د لارښود د قوانینو پر بنسټ پیژندل شوی موقف دی.

د خوندیتوب د موقف دریم ډول هم شتون لري، چې یو کس د خوندیتوب بل ډول ته اړتیا لري. دغه موقف یواځي په سویډن کې پلی کیږی، د  2016 کال د جولای د میاشتې د 20 نیټې څخه وروسته به د یو عمومي قانون په توګه نه کارول کیږي.  د یو قانون په نتیجه کې چې د 2016 کال د جولای د میاشتې په  20 نیټه نافذ شو، د خوندیتوب نوموړی موقف به یواځي هغه ماشومانو او د ماشومانو لرونکو کورنیو ته ورکول کیږي چې د 2015 کال د  نومبر د میاشتې په 24 نیټې یا ددي څخه د مخه یی غوښتنلیک ورکړی وي، په دی شرط چې  د بحث وړ ماشوم  عمر د محکمې تر حکم پورې د 18 کالو څخه کم وي. 

د اقامت دایمي یا موقتي جواز

هر هغه کس ته چې د اقامت جواز د کډوال په حیث، د هغه کس په حیث چې ځانګړي خوندیتوب ته اړتیا لري یا د هغه کس په حیث چې  کوم بل خوندیتوب ته اړتیا لري، ورکړل شوی وي، د 2016 کال د جولای د میاشتې د 20 نیټې څخه دمخه د دایمي اقامت جواز ترلاسه کړی دی.

هر هغه کس چې د کډوال په توګه په نظر کې نیول شوی وي او د 2016 کال د جولای د میاشتې د 20 نیټې څخه وروسته د محکمې حکم ترلاسه کوي، نوموړو کسانو ته به د اقامت یو موقتې جواز چې تر دریو کالو پورې د اعتبار وړ وي، ورکول کیږي.

هر هغه څوک چې، د داسی یو کس په توګه چې ځانګړي خوندیتوب ته اړتیا ولري، په نظر کې نیول شوی وي او د 2016 کال د جولای د میاشتې د 20 نیټې څخه وروسته د محکمې حکم ترلاسه کوي، نوموړو کسانو ته به د اقامت یو موقتې جواز چې د 13 میاشتو لپاره د اعتبار وړ وي، ورکول کیږي. 

د دایمي اقامت د جوازونو په اړه نور معلومات ولولئ  

د اقامت د دری کلن جواز په اړه نور معلومات ولولئ

د اقامت د 13 میاشتنې جواز په اړه نور معلومات ولولئ (په انګلیسي ژبه)

د اقامت د جواز د ترلاسه کولو څخه وروسته د ځانګړي موقف لپاره درخواست کول

که چیرې تاسو ته په سویډن کې د اقامت جواز درکړل شوی وي، مګر د رسمي موقف اعلامیه مو نه وي  ترلاسه کړي، تاسو کولی شي چې وروسته د دي لپاره غوښتنلیک ورکړي. دا په هغه صورت کې چې، تاسو ته اعلامیه د هغه کس په حیث درکړل شوي وي، چې نور خوندیتوب ته اړتیا لري، مګر تاسو غواړئ چې خپل موقف کډوال یا هغه کس ته چې ځانګړي خوندیتوب ته اړتیا لري بدل کړی ، او همدارنګه که چیري تاسو  ته د هغه کس موقف چې ځانګړي خوندیتوب ته اړتیا لري درکړل شوي وي، او تاسو غواړی چې  خپل موقف کډوال ته بل کړئ، هم د پلی کیدو وړ دي.

تاسو د اقامت د جواز ترلاسه کولو وروسته د موقف د اعلامې لپاره د 158011 فورمې په ډکولو سره درخواست کولی شئ، د خوندیتوب د موقف غوښتنلیک.

د خوندیتوب د موقف غوښتن لیک، 158011 نمبر فورمه (په سوېډني ژبه)PDF

د موقف د اعلامې درخواست

د موقف اعلام ته د اقامت د جواز له قرار څخه په جلا توګه درخواست کیدای شي. دا پدي معنی ده، حتی که چیرې یو کس د اقامت جواز هم تر لاسه کړی وي کولی شي چې د یو قرار لپاره درخواست وکړي چې هغې ته دی هیڅ ډول رسمي موقف ور نه کړل شي.

د درخواست کولو د څرنګوالی په اړه نور ولولئ

ستاسو موقف بیرته اخیستل کیدای شي

ستاسو موقف بیرته اخیستل کیدای شي، د مثال په توګه که چیرې تاسو خوندیتوب ته نوره اړتیا ونلري. په هر حال، ددي لپاره اړینه ده چې هغه حالات چې تاسو ته د ځانګړي خوندیتوب درکولو سبب شوي وو، نور دپلی کیدو وړ نه وي، یا په بنیادي او دایمي ډول بدل شوي وی.

ستاسو د کډوالۍ موقف هم په لاندي مواردو کې بیرته اخیستل کیدای شي،که چیرې تاسو وښایاست چې تاسو د خپل اصلي هیواد لخوا د وړاندي شوي خوندیتوب څخه د ګټې اخیستنې قصد لرئ، د مثال په توګه د نوي پاسپورټ لپاره درخواست کول یا د مهاجرت د ادارې څخه د خپل زوړ پاسپورت د بیرته ستنولو غوښته.

ستاسو د موقف بیرته اخیستلو اړتیا، په دی معنی نه ده، چې ستاسو د اقامت جواز متأثره شي. په هر حال، ستاسو د موقف د بیرته اخیستلو په صورت کې، که چیرې تاسو د سفر اسناد په لاس کې لري باید چې بیرته یې تسلیم کړئ. 

د کډوالو د کنوانسیون په اړه نور معلومات ولولئ (په انګلیسي ژبه)external link, opens in new window

د بهرنيو اتباعو قانون ولولئ (په انګلیسي ژبه)external link, opens in new window

د صلاحیت لارښود ولولئexternal link, opens in new window

Last updated: 2019-09-13

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.