The Swedish Migration Agency logotype

د فاميل بيا يوځاي کيدنه

Familjeåterförening – pashto

که چېرې تاسو دایمي اقامه یا لنډمهاله اقامه د سیاسي کډوال یا د متبادل پناه غوښتونکي په حیث ترلاسه کړې وي او په عین وخت کې د دایمي اقامې ترلاسه کولو غوره امکاناتو څخه برخمن ګڼل شوې یاست نو کېدای شي تاسو سویډن ته د خپلې کورنۍ د راوستلو حق ولرئ.

په دې برخه کې دا شرط هم ایښودل شوی دی چې تاسو باید د خپلې کورنۍ د ژوند مصارف تأمین کړئ او د یو ځانګړې ستندرد کور هم ولرئ. دا شرط په هر حالت کې اعتبار نلري.

کوم کسان د کورنۍ د غړو د بېرته پیوستون حق لري؟

ستاسې فاميل امکان لري چي ستاسې سره د يوځاي کيدنې لپاره د اوسيدو د اجازې لپاره غوښتنه وکړي که چيرې تاسې

  • د دايمي اوسيدو اجازه ترلاسه کړې وي

  • لنډمهاله اقامه مو د سیاسي کډوال یا د متبادل پناه غوښتونکي په حیث ترلاسه کړې وي او د دایمي اقامې ترلاسه کولو ښه امکاناتو څخه برخمن ګڼل شوي یاست.

تاسو لپاره چې لنډمهاله اقامه لرئ او سیاسي کډوال یا متبادل پناه غوښتونکي یاست، د کورنۍ د غړو بېرته پیوستون

دا امکانات چې ستاسو کورنۍ سویډن ته راشي او تاسو سره چې د سیاسي کډوال یا متبادل پناه غوښتونکي په حیث لنډمهاله اقامه لرئ، په سویډن کې ګډ ژوند وکړي، د ګڼ شمېر عواملو تابع دي. ترټولو لومړی تاسو باید یوه د اعتبار وړ اقامه ولرئ. دا دا معنی لري چې که چېرې ستاسو د اقامې د اعتبار موده ختمه شوې وي او تاسو د اقامې د تمدید غوښتنه کړې وي نو د کډوالو چارو اداره باید په لومړي پړاو کې دا فیصله وکړي چې آیا تاسو په سویډن کي د اقامې د تمدید حق لرئ او که نه. دا چې تاسو د کډوال په صفت پېژندل شوي یاست او مخکې مو اقامه درلودله، کفایت نه کوي.

کله چې د کډوالو چارو اداره وګوري چې تاسو یوه د اعتبار وړ اقامه لرئ نو د هغې وروسته ستاسو د کورنۍ د اقامې عریضه څېړل کېږي. د کډوالو چارو اداره په لومړۍ مرحله کې ګوري چې آیا دا د باور وړ ده چې تاسو به د تمدید د عریضې په نتیجه کې دایمي اقامه ترلاسه کړئ. تاسو چې سیاسي کډوال یا متبادل پناه غوښتونکي یاست، د کډوال په صفت پېژندل شوي یاست چې د دې څخه معلومېږي چې تاسو پناه ته اړتیا درلودله. د کډوال په صفت پېژندل کېدل د هر څه دمخه دا معنی او مفهوم لري چې تاسو د دایمي اقامې ترلاسه کولو ښه امکاناتو څخه برخمن یاست. خو که چېرې داسې معلومات رابرسېره شي چې د هغې له امله تاسو نشئ کولای چې د کډوال په صفت پېژندل کېدل وساتئ نو بیا باوري نه ده چې تاسو به دایمي اقامه ترلاسه کړئ. کله چې ثابته شي چې تاسو د دایمي اقامې ښه امکاناتو څخه برخمن یاست نو د کډوالو چارو اداره ستاسو د کورنۍ د عریضو په څېړلو لاس پورې کوي او ګوري چې آیا دوی سویډن ته د کډه کېدو نور شرایط هم پوره کوي او که نه.

څوک چې لنډمهاله اقامه لري د هغوی یواځې نږدې د کورنۍ غړي کولای شي چې سویډن ته کډه وکړي

میړه، ښځه، د ژوند راجستر شوی شریک، یو ځای اوسیدونکی او له ۱۸ کالو نه ټیټ ماشومان د کورنۍ په توګه ګڼل کیږی. که ستا عمر د ۱۸ کالو نه ټیټ دی نو ستا پلار او مور د ستا نژدی کورنۍ ګڼل کیږی. یوازی په استثنایی حالاتو کی د دی امکان شته چه د کورنی نورو غړو ته، لکه د ۱۸ کالو نه زیات عمر لرونکی ماشومان، د استوګنی اجازه ورکړه شی. دا د هغو کسانو لپاره ده چه کډوال(flykting) وی یا په بل دلیل پناه ته د اړتیا په اساس د استوګنی د محدودی مودی اجازه(alternativ skyddsbehövande) لری.

ستاسو کورنۍ تر هغومره مودې پورې اقامه ترلاسه کولای شي ترڅو چې ستاسو خپله اقامه د اعتبار وړ وي. دا په دې معنی ده چې د مثال په توګه تاسو یوه اقامه لرئ چې پنځه میاشتې وروسته ختمېږي نو ستاسو کورنۍ ته چې کومه اقامه ورکول کېږي د هغې د اعتبار موده به هم پنځه میاشتې وي.

که چېرې تاسو دایمي اقامه لرئ نو هغه کس چې تاسو پلان لرئ ورسره واده وکړئ یا د ژوند شریک مو شي، کولای شي چې د اقامې عریضه وکړي. د نږدې کورنۍ څخه علاوه نور کسان هم کېدای شي حق ولري چې تاسو سره سویډن ته کډه وکړي.


د توښې مقررات

که چيرې تاسې د فاميل سره د يوځاي کيدنې حق لرۍ نو تاسې د توښې د مقرراتو غوښتنه کولاي شۍ۔ د دې مطلب دا دے چي تاسې بايد د خپل ځان او خپل فاميل د مرستې جوګه ياست۔ تاسې به د مناسب کچ او معيار استوګنځاي هم لرۍ چي تاسې په کې يوځاي اوسيدلې شۍ کله چي ستاسې فاميل سويډن ته راشي۔

ستاسې د ژوند وسيله

تاسی باید دا ثابته کړۍ چه د کار کولو نه په ثابته توګه عاید ترلاسه کوۍ، په داسی توګه چه تاسی کولای شۍ هم د ځان، د کور د نورو غړو او هغو کسانو چه د استوګنی د اجازی غوښتنه کوی، خرڅ او خوراک تامین کړۍ. د مثال په توګه لاندی عایدات د کار نه عاید ګڼل کیږی

  • د کار نه تنخوا
  • د بیکارۍ د صندوق نه پیسی
  • د ناروغۍ پیسی
  • د عایداتو په بنسټ د بوډایانو تقاعد

له دی نه پرته تاسی باید د دی شرط واجد یاست چه آیا تاسی کومه کافی شتمنه لرۍ چه د ستا، د کور د نورو غړو او د کورنۍ د هغو کسانو چه د استوګنی د اجازی غوښتنه کوی، د لږ تر لږ دوو کالو خرڅ او خوراک تامین کړی.

ستاسې عايد

دا چه ستا عاید باید څومره وی چه تاسی د نفقی د تامین د شرط واجد وګڼل شی، نو دا به د کورنی د غړو د شمیر او د کور د مصارفو سره اړه لری. تاسی باید یو داسی عاید ولری چه د مالیی د ورکولو نه وروسته پاتی پیسی د کور د مصارفو او د کورنی هر وګړی لپاره کفایت وکړی. دا په دی مانا ده چه له دی نه وروسته چه تاسی د کور کرایه ورکړه هره میاشت باید دومره پیسی پاتی شی چه د ټولی کورنی د خوراکی موادو، جامو، حفظ الصحی، تیلفون، برښنا، بیمی او نورو کوچنی موقتی مصارفو لپاره کفایت وکړی.

د 2020 لپاره نورمال مقدار دے:

  • 5 002 کرونا د يو بالغ په سر
  • 8 264 کرونا د ژوند د ملګري يا بغير د نکاح ملګري ساتلو لپاره
  • 2 654 کرونا د هغه ماشومانو لپاره چي عمر يې د 6 کالو پوري وي، په شمول د شپږو کالو
  • 3 055 کرونا د 7 کالو يا د دې نه زيات عمر پورې ماشومانو لپاره

ستاسې استوګنځاي

تاسې به خامخه د خپل ځان او خپل فاميل لپاره د مناسب کچ او معيار استوګنځاي لرۍ۔ د دوه بالغانو لپاره چي ماشومان نه لري استوګنځاي د مناسب کچ دے که چيرې دغلته يو پخلنځې او کم نه کم يوه کوټه وي۔ که ماشومان په استوګنځاي کې اوسيږي نو دغلته به خامخه ډيرې کوټې وي۔ دوه ماشومان په يوه کوټه کې اوسيدلې شي۔

دا روغه ده که تاسې د يو دريمګړې ډلې په حيث يو استوګنځاي په کرا نيسۍ ولې دغه تړون به د کور د مالک، د کورونو د ادارې يا د کرا د کميټې په رضا شوے وي۔

تاسې به خامخه د هغه وخت نه چي ستاسې فاميل سويډن ته راورسي د استوګنځاي د کارولو جوګه ياست۔

د نفقې شرط

په لاندی حالاتو کی د کور او نفقی لرلو شرط د اعتبار وړ نه دۍ:

  • ستا عمر له ۱۸ کالو نه ټیټ دی او کوم کس ستا سره د اوسیدلو لپاره د استوګنی د اجازی غوښتنه کوی،
  • ته د کورنی یو داسی غړی لری چه د استوګنی لپاره د خپلی اجازی د تمدیدولو غوښتنه کوی

د نفقی شرط(försörjningskravet) د هغو کسانو لپار اعتبار نه لری کوم چه کډوال وی یا په بل دلیل پناه ته د اړتیا په اساس د استوګنی اجازه یی ترلاسه کړی وی او د هغه د کورنی غړی د دریو میاشتو په بهیر کی وروسته له دی چه سړی د استوګنی اجازه یا د ملګرو ملتونو د سازمان د مصوبی په اساس پناه تر لاسه کړی وی، د استوګنی د اجازی غوښتنه وکړی.

مګر د نفقی شرط په هغه صورت کی اعتبار لری چه که تاسی د دی امکان لری چه د اروپا د اتحادیی نه بهر په کوم بل هیواد کی سره یو ځای شی، داسی هیواد چه ستاسی کورنی د هغه سره کومه خاصه اړیکه ولری. د جوړو د اړیکو لپاره بل شرط دا دی چه دا اړیکی باید سویډن ته د ستا د راتګ نه د مخه پیل شوی وی، یا دا اړیکی ډیری کلکی وی تر څو د دریو میاشتو په بهیر کی د غوښتنی استثنا د اعتبار وړ وی.

که چیری د استوګنی د اجازی غوښتنی ته منفی ځواب د کوم تړون په اړه د سویډن د تعهد سره مخالفت ولری، نو په دی صورت کی هم د نفقی شرط اعتبار نه لری.

د فاميل د روابطو او توښې د مقرراتو پوښتنليک

له دی نه وروسته چه ستا د کورنی غړی د استوګنی د اجازی غوښتنه وکړه تر څو ستا سره په سویډن کی ژوند وکړی، ته به ستاسو د اړیکو په هکله په یوه فورمه کی ذکر شوو پوښتنو ته ځواب ورکوی. هغه کسان چه د نفقی د شرط تر پوښښ لاندی راځی باید دا ثبوت کړی چه دوی کولای شی هم د ځان، د کور د نورو غړو او هغو کسانو چه د استوګنی د اجازی غوښتنه کوی، خرڅ او خوراک تامین کړی. دوی باید دا هم ثبوت کړی چه دوی یو داسی کور لری چه د استوګنی لپاره کافی لوی والی او ستاندارد لری. د ستا د کورنی د غړی د غوښتنی په هکله د کډوالو د اداره د قضاوت لپاره ستا ځوابونه ډیر مهم دی، نو دا مهمه ده چه ته پوښتنو ته د همغه مودی په بهیر کی ځواب ورکړی کوم چه تا ته د فورمی د ډکولو لپاره درکړ شوی دی.

که تاسې د کور او امنيت مقررات نه پوره کوۍ ستاسې د فاميل د اوسيدنې د اجازې غوښتنليک به رد کړل کيږي۔

که چیری د غوښتنی په وخت کی ته کوم ثابت کار او د اوږدی مودی لپاره د کور قرارداد نه لری، نو امکان لری چه کله چه مونږ ستا د کورنی غوښتنه څیړو، ته باید ثبوت کړی چه ته هنوز هم د نفقی د تامین د شرط د پوره کولو امکان لری.

دا مهم دي چي تاسې په وخت غوښتنليک وړاندې کړۍ

د دې يقينې کولو لپاره چي ستاسې غوښتنليک ژر تر ژره وړاندې کړې شوے دے، د غوښتنې د ټولو نه غوره لار دا ده چي تاسې د خپل فاميل لپاره د ويب له لاري غوښتنليک داخل کړۍ۔ که تاسې د فاميل د استازي په توګه د خپل فاميل لپاره غوښتنه کوۍ نو تاسې به يو وکالتليک ته اړتيا لرۍ۔ کله چي د مهاجرت ډلې ستاسې غوښتنليک ثبت کړې وي ستاسې د فاميل څخه به دا غوښتنه کيږې چي سويډيش سفارتخانې يا قونصل خانې ته تلو لپاره د ملاقات وخت واخلي۔

د خپل فاميل د اوسيدنې د اجازې لپاره ويب غوښتنليک ته لاړ شۍ

د خپل فاميل د اوسيدو د اجازي لپاره د غوښتنې په هکله زيات ولولې

وکالت خط څه شی دی؟

وکالت خط د هغه لاسلیک شوی سند  څخه عبارت دي چې ددی پوسیله د اوسیدو جواز لپاره د درخواست کوونکي کس لخوا بل کس د نوموړي د استازیتوب امکان برابروي. وکالت خط د مثال په توګه کیدای شي یو کس ته ددي حق ورکړي چې داقامت د اجازې لپاره غوښتن لیک ورکړي، د تصمیم په اړه د دلایلو څخه خبر کړای شي یا د بل کس لخوا د تجدید النظر غوښتنه وکړي.  وکالت خط باید د هغه کس لخوا ولیکل شي چې خپل صلاحیت بل کس ته سپاري او باید د مهاجرت د ادارې لخوا د غوښتني په صورت کې په اصلی حالت کې د وړاندې کولو وړ وي.

ددي لپاره چې یو باوري وکالت خط ولرو، لاندي شیان باید پکې شامل وي.

  • چې دا یو وکالت خط دی 
  • د هغه کس نوم، د زیږیدو نیټه او ادرس، چې خپل صلاحیت بل ته ورکوي
  • هغه کس ته چې واک ورکول کیږي، د کومو کارونو د ترسره کولو صلاحیت لري 
  • هغه کس ته چې واک ورکول کیږي د هغه نوم، د سویډن د پیژند پاڼي شمیره او ادرس  
  • د هغه کس لاسلیک چې بل ته واک ورکوي
  • د وکالتنامې د لاسلیک نیټه او ځای لیکل شوی وي.

د غوښتنليک کتنه وکړۍ

کله چي ستاسې د فاميل غړي غوښتنليک وړاندې کړې، هغه به يو (کوډ لمبر) ترلاسه کړي۔ له دې لمبر په کارولو تاسې دا کتلې شۍ چي آيا غوښتنليک د مهاجرت ډلې ثبت کړې دے يا پري څه پريکړه شوې ده۔

د غوښتنليک کتنه وکړې

Last updated: 7 July 2020

Was the information on this page helpful to you?