په لیوالتیا سره بیرته ستنېدل

Återvända självmant – pashto

په لیوالتیا سره بیرته ستنېدل په دي مانا ده چې تاسي خپل اصلي هیواد ته په ستنېدلو سره موافق یاست او د اړتیا وړ همکاري کوي. کله چې ستاسي د پناه غوښتنې غوښتنه و نه منل سي، د سویډن هیواد پرېښودلو ته چمتو وسئ.

کله چې پريکړه کېږي چې تاسي په دي هیواد کې د پاتې ګېدلو حق نلرئ او یا دا چې باید ووځئ، تاسي د کډوالو و مرکز ته د قضایاوو د مدیر سره د لیدنې په موخه بلل کېږئ. د دي لیدنې په لړ کې ستاسي څخه به د بیلابیلو ځای ناستیو چې شتون لري، خبرې به وسي او همداراز تاسي ته به اجازه درکړل سي تر څو هره پ،ښتنه لرئ و یې کړئ.

که تاسي خپله خپل د سفر د پلان جوړولو وړتیا ونلرئ، تاسي او د قضایاوو مدیر کولای سئ چې پلان چمتو کړئ چې کوم کار تاسي کولای سئ تر سره کړئ او د کډوالو مرکز ستاسي لپاره څه مرسته کولای سي. تاسي به همداراز د مالي او نورو مرستو حق ولرئ، تر څو خپل په اصلي ځای کې په اسانۍ سره پر پښو ودرېږئ.

نور ولولۍ چې د بیرته ستنیدلو پرمهال څوک مرسته ترلاسه کولی شی

پاسپورټ یا د سفر موقت او لنډ مهالي اسناد تر لاسه کړئ

دا ستاسي مسولیت دی چې پاسپورټ یا د سفر لپاره موقت اسناد او یا هر هغه اړین توکې چې و کولای سئ خپل اصلي ځای او یا هر هغه ځای چې هلته تاسي ته د اوسیدنې اجازه درکول کېږي ولاړ سئ، تر لاسه يې کړئ.

که تاسي د سفر د اسنادو سره و مرستې ته اړتیا لرئ، د کډوالو مرکز کولای سي ستاسي د هیواد د مسول کسانو سره اړیکه ونیسي او د سفر موقت اسناد چمتو کړي. په دي حالت کې، د کډوالو مرکز باید ستاسي شخصي معلومات ستاسي د هیواد د مسولینو سره شریک کړي، خو موږ سویډن ته ستاسي د پناه غوښتنې موضوع و دوي ته نه وایو.

که د پاسپورټ او یا موقت اسنادو د لاسته راوړلو لپاره کومه بله لاره پاتې نه سي، کیدای سي تاسي ته د کډوالو د مرکز له لوري موقت بهرنۍ پاسپورټ درکول سي. په دي حالت کې ستاسي بهرنۍ پاسپورټ یوازې ستاسي و اصلي هیواد ته د ستنېدلو لپاره د اعتبار وړ دی.

د سفر ټکټ

هغه هیوادونه چې ندي منل سوي، اوسیدونکې يې باید رزرو ټکټ وکړي.

لومړی تاسي خپل هیواد ته د سفر د بیې د ورکړي مسول یاست. که تاسي د دي توان ونلرئ چې ور يې کړئ، د کډوالو مرکز کولای سي چې د ټکټ په رزرو کولو سره او د هغه د پيسو په ورکړي سره، ستاسي سره مرسته وکړي. که تاسي غواړئ خپل د سفر پیسې ورکړئ، په یاد ولرئ چې باید د سفر موقت اسناد د ځان سره ولرئ.

که تاسي و هغه هیوادونو ته چې هلته د تللو اجازه نلرئ د سفر ټکټ واخلئ، تاسي خپل ځان د جریمې د ګواښ سره مخامخ کوئ او یا د هغه هیوادونو چارواکي د دي غوښتونکې کېږې چې تاسي بیرته سویډن هیواد ته و لېږدي. پر دي بنسټ، تاسي باید خپل د سفر پلان داسي چمتو کړئ چې دا هیوادونه پکښې شامل نه وسي. د کډوالو مرکز ستاسي د شخصي سفرونو هیڅ مسولیت نلري. هر کله چې تاسي د نورو هیوادونو و یوه ته يې د سفر د رزرو غوښتونکي سئ، تاسي شخصا باید دا معلومات چې د ویزې په چمتو کولو سره هغه هیواد ته د تللو اجازه لرئ، و څيړئ.

استوګنه، بانکي کارټ او (ایل ایم آ) کارټ

د سویډن د پرېښودلو مخکي، باید خپل (ایل ایم آ) کارټ و کډوالو مرکز ته و سپارئ. که تاسي ته د کډوالو د مرکز له لوري بانکي کارټ درکړل سوی دی، د بانکي حساب څخه پيسې و باسئ او کارټ مسترد کړئ. که د کډوالو د مرکز په یوه استوګن ځای کې استوګن واست، باید استوګن ځای پرېږدئ او کیلې­ګانې مستردي کړئ.

روغتیایي مراقبتونه او زده کړې

تر څو چې تاسي د هیواد څخه ایستل کېږئ، تاسي د تېر په شان د روغتیایې خدمتونو څخه د ګټه اخیستنې حق لرئ، خو تر هغه وروسته چې ستاسي مالي حق پای ته رسیږې او پري یا قطع کېږې، د درملو او روغتیایې خدمتونو لپاره به هیڅ ډول پیسې په بدل کې تر لاسه نه کړئ.

د پناه غوښتنی په پروسه کي د ماشومانو په اړه نور ولولۍ

ایستل

د سویډن څخه د وتلو پر مهال د کډوالو مرکز ته خبر ورکول تل ستاسي مسولیت دی. ستاسي د وتلو څخه د کډوالو مرکز په بي خبرۍ سره کیدای سي تاسي دي هیواد ته د بیا ستنېدلو چانس له لاسه ورکړئ. په دي مانا چې تاسي نور نسئ کولای دي هیواد ته سفر وکړئ. کیدای سي ستاسي موضوع و مرزي چارواکو ته ولیږل سي.

د دي لپاره چې د کډوالو مرکز ستاسي د وتلو څخه خبر تر لاسه کړي، باید د سفر پر مهال د وتلو یو سند د پاسپورټ د کنترول شعبې ته و سپارئ. د وتلو سند د پستي صندوق په وسیله تاسيته لېږل کېږې، یا تاسي کولای سئ و یوه تر ټولو نږدې د منلو مرکز ته غوښتنه وکړئ.

تاسي همداراز کولای سئ چې د کډوالو مرکز ته د خپل پاسپورټ او د وتلو د مهر سوي پاڼې د پېژندپاڼې د کاپې(چې هلته ستاسي د قضيې شمېره پکښط ذکر سوي) په ارسال سره، هغوئ د خپل وتلو څخه خبر کړئ. د الوتنې ټکټ او مرزي کارټونه په یوازې توګه نسي کولای ستاسي وتل تایید کړي.

په یاد ولرئ چې نباید خپل د سفر ټکټ د شنګن هیوادونو ته رزرو کړئ، د وتلو سند یوازې د سویډن په هوايي ډګرونو کې تحویلېږې. د بیلګې په توګه تاسي و کاستروپ ته الوتنه لرئ، ستاسي وتل د پاسپورټ د کاپي په ارسالیا لېږد سره چې د وتلو مهر ور باندي لګیدلی وي، د تالیید وړ ګرځیدلای سي.

دکډوالۍ اداري لپاره د اړیکو جزییات ومومۍ (په انګلیسي ژبه)

بل هیواد ته ستنیدل د هغه هیواد پرته چې هغه ته تعلق مومئ

بل هیواد د اروپايي ټولنې په دننه کې

کیدای سي د کډوالو مرکز پریکړه وکړي چې تاسي د اروپايي هیوادونو و یو بل هیواد ته ور و پيژني تر څو ستاسي د پناه غوښتنه په هغه ځای کې په نظر کې و نیول سي. دا پریکړه کیدای سي په تاسي پورې اړه ولري، د بیلګې په توګه تاسي کولای سئ چې هغه هیواد په اروپا کې و ټاکی چې د سویډن تر لیدلو مخکې مو لیدلی وو او یا هغه هیواد چې تاسي ورڅخه د ويزې اخیستلو غوښتنه کړي وه. دا مقررات کولای سئ چې د دوبلین په مقرراتو کې و موندئ.

که په بدل کې تاسي و خپل لومړي هیواد ته د ستنیدلو غوښتونکي وسئ، که د ځان سره ځنډ ونلري او یا يې د بیرته ستنیدلو لګښت ډېر زیات نه وسي، د تایید وړ ګرځي.

د ډوبلینمقرراتو په اړه نور ولوۍ

بل هیواد چې د پریکړه سوي هیوادونو څخه سیوا، څرګند سوی

کیدای سي تاسی بل هغه هیواد ته چې تاسي یې ثابته کړئ چې هغه هیواد تاسي مني، و لېږل سئ. په داسي حال کې تاسي هغه هیواد ته د تللو لپاره یو پاسپورټ د اعتبار او د تللو اجازې ته اړتیا لرئ. توریستي ویزه یا د ویزې څخه د معافیت اسناد کافي ندي. که چيرې ستاسي د بیا ستنیدلو پر وخت ځنډ ولیدل سي او یا دا چې لګښت يې ډېر زیات سي، اجازه به در نکړل سي.

Last updated: 8 October 2019

Was the information on this page helpful to you?

Thank you for helping us improve our website!

Thank you for helping us improve our website!

Tell us how we can make this page better*






If you wish to ask the Migration Agency a question you can find our contact details under the heading Contact us.