መንበሪ ፍቓድ ነቶም ኣብ ካልእ ሰብ ዝምርኮስ ናይ ምጽናሕ ውሕስነት ዝረኸቡ

Uppehållstillstånd för dig som har fått status som alternativt skyddsbehövande – tigrinska

ኣብ ካልእ ሰብ ዝምርኮስ ናይ ምጽናሕ ውሕስነት እንተረኺብኩም፡ ን 13 ኣዋርሕ መንበሪ ፍቓድ ክውሃበኩም እዩ። መንበሪ ፍቓድኩም ግዜኡ ምስ ዝሓልፍ ወይ ምስ ዝወድቕ እሞ፡ ጌና ውሕስነት የድልየና’ዩ ዝብል ምኽንያታት ምስ ዝህልወኩም፡ መንበሪ ፍቓድኩም ክናዋሕ ይኽእል እዩ።

ግዝያዊ መንበሪ ፍቓድኩም፡ ን 13 ኣዋርሕ ኣብ ሽወደን ክትሰርሑን ክትነብሩን መሰል ዘውህበኩም እዩ። ኣብ ውሽጢ’ዚ ዝተጠቕሰ ግዜ ድማ፡ ልክዕ ከምቲ ቀዋሚ መንበሪ ፍቓድ ዘለዎ ሰብ፡ መሰል ሕክምናዊ ኣገልግሎት ኣለኩም።

ከም መረጋገጺ መንበሪ ፍቓድኩም፡ ካርድ መንበሪ ፍቓድ ክውሃበኩም እዩ። እዚ ካርድ’ዚ ናይ መንነት/መለለዪ ሰነድ ወይ ናይ ጉዕዞ ሰነድ ኣይኰነን። ዘገልግል (ዘይወደቐ) መንበሪ ፍቓድ ክሳብ ዘሎካ፥ ካብዚ ሃገር ንምውጻእን ንምእታውን ትኽእል ኢኻ። ይኹንእምበር፡ ካብ ሃገር ሽወደን እንተ ወጺእካ ናብዚ ንኽትምለስ ክትክእል፥ ዘይወደቐ ፓስፖርትን ዘገልግል ናይ መንበሪ-ፍቓድ ካርድን ኪህልወካ ይግባእ።

ብዛዕባ ካርድታት መንበሪ ፍቓድ ብዙሕ ኣንብቡ

ምምዝጋብኣብህዝባዊመዝገብ

ግዝያዊ መንበሪ ፍቓድ ምስ ተቐበልኩም፡ ተቐላጢፍኩም ኣብ ህዝባዊ መዝገብ ትካል ግብርን ቀረጽን ሃገረ-ሽወደን (Skatteverket) ክትምዝገቡ ኣለኩም። ብዛዕባ ንደረጃ ስደተኛታት (sfi) ቅድሚ ምስታፍኩምን ተረባሕቲ ሽወደናዊ ማሕበራዊ ስነ-ስርዓት ጸጥታ ምርካብኩምን፡ ኣብ ህዝባዊ መዝገብ ክትምዝገቡ ከድልየኩም’ዩ። ኣብ ናይ ሽወደን ህዝባዊ መዝገብ ምስ ተጸሓፍካ፥ ናይ ሽወደን መንነት ወረቐት ክተውጽእ ውን ትኽእል ኢኻ። እዚ ድማ፡ ንኣብነት ናይ ባንክ ሕሳብ ንምኽፋትን - ኤ-መንነት (e-legitimation) ንምውጻእ ስለ ዘድልየካ እዩ።

ኣብ ህዝባዊ መዝገብ ክትምዝገቡ ናብ ትካል ግብርን ቀረጽን ሃገረ-ሽወደን ክትከዱ ኣለኩም። ኣብኡ ድማ ኣበይ ከም እትነብሩ፡ ኩነታት ሓዳርኩም (ተመርዒኹም ዲኹም ኣይተመርዓኹምን)፡ ዜግነትኩምን ዝተወለድኩምሉ ቦታን ክትምዝገቡ ኢኹም። ናብ ትካል ግብርን ቀረጽን ሃገረ-ሽወደን ምስ ከድኩም፡ ካርድ መንበሪ ፍቓድኩምን ብቑዕ ናይ መንነት ሰነድን ምሳኻትኩም ክትማልእዎ ኣለኩም። ናይ መንነት ሰነዳትኩም ብትካል ቁጽጽር ጉዳይ ስደት ናይ ሃገረ-ሽወደን ምስ ዝተሓዝ፡ ቅዳሕ ክውሃበኩም ክትሓቱ ትኽእሉ ኢኹም። እቲ ቅዳሕ ምስቲ ኦሪጂናል ሓደ ዓይነት ምዃኑ ንምርግጋጽ፡ በቶም ነቲ ቅዳሕ ዘረጋግጹ ሰባት ክፍረመሉ ኣለዎ። እቶም ሰባት፡ ኣስማቶም ብ’ካፒታል ለተር’ ክጽሓፍን ቊጽሪ ቴለፎኖም ክህቡን ኣለዎም።

ሓበሬታ ትካል ግብሪን ቀረጸን ሃገረ-ሽወደን ብዛዕባ ህዝባዊ መዝገባ (ብቛንቛ አንግሊዝ) External link, opens in new window.

ንእግሪ-መትከሊ ዚውሰድ ስጉምቲታት

ንስኻ ሕጂ ሓድሽ ናይ መቐመጢ ፍቓድ ኣብ ሽወደን ዝተዋህበካ፤ ኣብዚ ንኽትሰርሕ መሰል ኣሎካ፡ መታን ናብ ምስራሕ ደረጃ መታን ክትበጽሕ ድማ፤ ንእግሪ-መትከሊ ዚውሰድ ስጉምቲታት ክግበረልካ ውን መሰል ኣሎካ። እዚ ናብ እግሪ-ምትካል ዚወስድ ስጉምቲታት፤ መታን ናብ ምስራሕ ደረጃ ክትበጽሕ ዚድገፈካ ንጥፈታት፤ ንኣብነት ከም ናይ ቋንቋ ትምህርቲ ምርካብ፡ ናብ ስራሕ ዓለም ወጺእካ ድማ ነፍስኻ ባዕልኻ ንኽትናቢ ከም ትኽእል ንምግባር እዩ። ነዚ ናብ እግሪ ምትካል ዚውሰድ ስጉምቲታትን ንስራሕ ምድላይን ዘመሓድሮ፤ እዚ ናይ ሽወደን ቤትስልጣን መራኸብቲ ስራሕ (Arbetsförmedlingen) እዩ። ኣብቲ ናይ ቤትስልጣን መራኸብቲ ስራሕ ኣድራሻ ኢንተርነት፤ ተወሳኺ ሓበሬታ ክትረክብ ኢኻ። እቲ ሓበሬታ ብብዙሕ ቋንቋታት ይርከብ እዩ።

ኣብ ኣድራሻ ኢንተርነት ቤትስልጣን መራኸብቲ ስራሕ፤ ሓበሬታ ንእግሪ መትከሊ ዚውሰድ ስጉምቲታት External link, opens in new window.

“ቤትስልጣን መራኽብቲ-ስራሕ” (Arbetsförmedlingen)፡ ክሳብ’ቲ 65 ዓመት እትመልኣሉ ጊዜ፥ ስራሕ ንኽትረክብ ኪሕግዙኻ እዮም። እዚ ዕድመ’ዚ እቲ ልሙድ ኣብ ሽወደን ጥሮታ እትወጸሉ ዕድመ’ዩ። እቶም ዕድሚኦም ምስ ደፍአ ናብ ሽወደን ዝመጹ ሰባት፥ ብዙሕ ጊዜ ውሑድ ጥሮታ ዚቕበሉ ወይ ውን ጥሮታ ዘይብሎም’ዮም። ክትነብረሉ ዘይትኽእል ጥሮታ ምስ ዚህልወካ፥ ምስ “ቤትስልጣን ጥሮታ” (Pensionsmyndigheten) ርክብ ብምግባር፥ ነቲ ”ዓበይቲ መጠወሪ-ሓገዝ” ዚበሃል (äldreförsörjningsstöd) ደገፍ ንምርካብ ክተመልከት ትኽእል ኢኻ።

ብዛዕባ ናይ ”ዓበይቲ መጠወሪ-ሓገዝ”፡ ኣብ ”ቤትስልጣን ጥሮታ” ብቛንቋን ሽወደን ሓበሬታ ኣንብብ። External link, opens in new window.

ኣብሃገረ-ሽወደንምስራሕ

ንስኻ፡ ን13 ኣዋርሕ ብጊዜ ዝተደረተ መቐመጢ ፍቓድ ዝተዋህበካ፡ ኣብ ሽወደን ክትሰርሕ ትኽእል ኢኻ። እቲ ብጊዜ ዝተደረተ መቐመጢ ፍቓድ ክውዳእ ከሎ፤ ነፍስኻ ባዕልኻ ክትናብየሉ እትኽእል ስራሕ እንተ ደኣ ኣልዩካ ግን፤ ቀዋሚ ናይ መቐመጢ ፍቓድ ንኽወሃበካ፡ ክተመልክት ትኽእል ኢኻ።

ስራሕ ደሊኹም ምስ እተመልክቱ፡ ኣብ ሽወደን ክትነብሩን ክትሰርሑን መሰል ከም ዘለኩም ዘፍቅደልኩም ቅዳሓት ስነዳትኩም ክትማልኡ ኣለኩም። ከምኡ’ውን ካርድ ፍቓድ መንበሪኹም ምሳኻትኩም ተማልእዎ። ኣስራሒ ኣብ ሽወደን ንኽንደይ ዝኣክል ግዜ ክትሰርሑ ከምዝተፈቕደኩም፡ ከምኡ ድማ ኣብ ሽወደን ንኽትሰርሑ ዘለኩም ፍቓድ ምስ ዝዀነ ቀይድታት ዝተሓሓዝ ከይከውን ክፈልጥ ይደሊ እዩ። ኣስራሒኹም ቅዳሕ ሰነዳኩም ክደልን ስራሕ ተቖጺርኩም ከምዘለኹም ንትካል ግብርን ቀረጸን ሃገረ-ሽወደን ክሕብሮምን እዩ።

ስድራቤታዊ ዳግመ-ምትእኽኻብ

እንተ ደኣ ከም ኣማራጺ ዑቕባ ዘድልዮ ሰብ ተቖጺርካ መንበሪ-ፍቓድ ተቐቢልካ ዄንካ፥ ከምኡ ውን ንንውሕ ዝበለ ጊዜ መንበሪ-ፍቓድ ክትረክብ ትኽእል ኢኻ ተባሂሉ ዝተገብረ ጭቡጥ ናይ መጻኢ ገምጋም ምስ ዚህሉ፥ ስድራ ቤትካ ናብ ሽወደን ናባኻ ንምምጻእ ናይ መቐመጢ-ፍቓድ ምልክታ ከቕርቡ ይኽእሉ እዮም።

እቶም ናይ ቀረባ ስድራቤትካ ጥራይ’ዮም ምልክታ ኣቕሪቦም ናብ ሽወደን ናባኻ ኪመጹ ዚኽእሉ። ስድራቤትካ ልክዕ ክንድ’ቲ ንስኻ ዘሎካ ንውሓት ናይ መንበሪ ፍቓድ ጊዜ እዮም ኪቕበሉ ዚኽእሉ።

እንተ ደኣ ንስድራቤታዊ ምትእኽኻብ መሰል ዘሎካ ሰብ ኴንካ፥ ኣብቲ ነፍስኻ ናይ ምኽኣል ጠለብ ድማ ዝተኻተትካ ክትከውን ትኽእል ኢኻ። እዚ ማለት ድማ፡ ንገዛእ ርእስኻን ንስድራቤትካን ባዕልኻ ክትናብዮም ክትክእል ይግብኣካ። ኣብ ርእሲኡ ውን፡ ስድራኻ ናብ ሽወደን ሓቢሮም ምሳኻ ዝቕመጡሉ፥ እኹል ስፍሓትን ቅቡል-ደረጃን ዘሎዎ መንበሪ-ቤት ኪህልወካ ይግባእ።

ብዛዕባ ”ስድራቤታዊ ዳግመ-ምትእኽኻብን” ስድርኻ ናይ ምንባይ ጠለብን ብዝበልጸ ኣብዚ ኣንብብ

መንበሪፍቓድክስሓብወይክሕደግይኽእልእዩ

ንመንበሪ ፍቓድ ከተመልክቱ ከለኹም ጌጋ ሓበሬታ ወይ ናይ ሓሶት መንነት እንተደኣ ሂብኩም ነይርኩም፡ መንበሪ ፍቓድኩም ክትምንጠሉ ትኽእሉ ኢኹም። ከምኡ’ውን እናፈለጥኩም ምስ እትሕስዉ ወይ ንመንበሪ ፍቓድኩም ኣገዳሲ ዝዀነ ነገር ካብ ምግላጽ ምስ እትቑጠቡ፡ መንበሪ ፍቓድኩም ክትሕደጉ ትኽእሉ።

ገበን ከምዝፈጸምኩም እንተደኣ ተኣሚንኩም፡ ቤት ፍርዲ ክትጥረዙ ክውስን ይኽእል እዩ። ትካል ቁጽጽር ጉዳይ ስደት ሃገረ-ሽወደን፡ መንበሪ ፍቓድኩም ክስሕቦ ወይ ከሕድገኩም እዩ። ዋላ ንሓያለ ዓመታት መንበሪ ፍቓድ ይሃልኹም፡ መንበሪ ፍቓድኩም ክትሕደጉ ኢኹም።

ምንዋሕግዝያዊመንበሪፍቓድ

እቲ ብግዜ ዝተደረተ መንበሪ ፍቓድካ ምስ ዚወድቕ፥ ናይ መናውሒ ምልክታ ንምቕራብ ዕድል ኣሎካ። እቲ መንበሪ ፍቓድካ ድማ ኪናውሓልካ እዩ - እንተ ደኣ ንቐጻሊ ውን ዑቕባ ናይ ምህላው ኣድላይነት ዘሎካ ሰብ ኴንካ። ብድሕሪ 3 ዓመት ድማ ቀዋሚ መንበሪ ፍቓድ ንምርካብ ውን ምልክታ ክተቕርብ ትኽእል ኢኻ።

ብዛዕባ ናይ ፍቓድ ምንዋሕ ብዝበለጸ ኣብዚ ኣንብብ (ብቛንቛ አንግሊዝ)

ጥርዓንወይይግባይ

ንግዝያዊ መንበሪ ፍቓድ ኣመልኪቱ ኣብ ዝተዋህበ ውሳኔ ይግባይ ምባል ኣይክኣልን’ዩ። እንተዀነ፡ ንስደተኛ ዝወሃብ ክብሪ ክውሃበና ነይሩዎ ኢልኩም ትሓስቡ እንተኰንኩም ግን፡ ነቲ ተዋሂቡኩም ዝነበረ ናይ ውሕስነት ክብሪ ከተመልክቱ ትኽእሉ።

ብዛዕባ ኣብ ውሳኔ ብከመይ ጥርዓንካ ተቕርብ